Su-25 qırıcı təyyarəsi

Rusiya aydınlıq gətirdi: ABŞ təyyarəsi döyüş meydanından qaçdı

355
(Yenilənib 11:10 15.12.2017)
Hadisə yerinə Rusiyanın "Su-35C" təyyarəsi yaxınlaşıb və ABŞ "F-22"ləri oranı tələsik tərk ediblər

BAKI, 15 dekabr — Sputnik. Amerikanın "F-22" qırıcısı Suriya səmasında Rusiya qırıcısı yaxınlaşan kimi insident rayonunu tərk edib. Sputnik Azərbaycan RİA Novosti agentliyinə istinadən xəbər verir ki, bu barədə Müdafiə Nazirliyindəki mənbə bildirib.

Mənbə qeyd edib ki, insident dekabrın 13-də baş verib: "Çayın şərq sahili istiqamətindən Rusiya təyyarələrinə F-22 qırıcısı yaxınlaşıb. İstilik siqnalları buraxan Amerika təyyarəsi "Su-25"lərə mane olub".

Bundan sonra hadisə yerinə Rusiyanın "Su-35C" təyyarəsi yaxınlaşıb və ABŞ "F-22"ləri oranı tələsik tərk ediblər.

Xatırladaq ki, bundan əvvəl "The Independent" qəzeti ABŞ qırıcılarının Rusiya qırıcılarını qovması barədə xəbər yaymışdı.

 

 

355
Teqlər:
Su-25, təyyarə, insident, qırıcı, F-22, Su-35C
Əlaqədar
Suriya səmasında toqquşma: Amerika təyyarəsi Rusiya qırıcısına atəş açıb
Türkiyədən Ermənistana birbaşa təyyarə rəysi açılmayacaq
ABŞ-ın casus təyyarəsi Rusiya sərhədinə yaxınlaşdı, qırıcılar havaya qalxdı
Azərbaycan döyüş təyyarələri havaya qaldırıldı
ABŞ döyüş təyyarələrini bu bölgəyə göndərir
Флаг Израиля в Иерусалиме

İsrailin biznes dairələri Azərbaycanla əməkdaşlıqda maraqlıdır

198
(Yenilənib 20:49 31.07.2021)
İsrailin “OurCrowd” şirkəti və Azərbaycan İnvestisiya Şirkəti arasında Anlaşma Memorandumu imzalanıb.

BAKI, 31 iyul - Sputnik. İsrailin Təl-Əviv şəhərində Azərbaycanın Ticarət və Turizm nümayəndəlikləri açılıb, İsrail biznes dairələrinin iştirakı ilə İşgüzar Dəyirmi Masa keçirilib.

İqtisadiyyat Nazirliyindən bildirilib ki, işgüzar görüşdə çıxış edən Azərbaycan Respublikası Hökuməti ilə İsrail Dövləti Hökuməti arasında Birgə Komissiyanın həmsədri, iqtisadiyyat naziri Mikayıl Cabbarov Azərbaycan-İsrail iqtisadi münasibətlərinin yüksək səviyyədə olduğunu, əməkdaşlığın gücləndirilməsi istiqamətində işlərin davam etdirildiyini vurğulayıb. Qeyd olunub ki, tədbir iqtisadi tərəfdaşlığın inkişafına, biznes dairələri arasında əlaqələri dərinləşdirməyə istiqamətlənmiş təşəbbüslər üçün əhəmiyyətli platformadır. İsraildə açılan Azərbaycanın Ticarət və Turizm nümayəndəlikləri iş adamları arasında əməkdaşlığın genişlənməsi üçün yeni mexanizmlərdir və qeyri-neft ixracının artırılması, biznes və investisiya mühitinin təşviqi, qarşılıqlı investisiyaların cəlb olunması, həmçinin turizm əlaqələrinin inkişafına fayda verəcək.

Mikayıl Cabbarov ölkəmizin müasir innovasiyalar məkanına çevrilməsinin qarşıya hədəf kimi qoyulduğunu, enerji, səhiyyə, rəqəmsallaşma, investisiya, innovasiya, İKT, kənd təsərrüfatı, su sektorunun idarə edilməsi, turizm və sair sahələrdə tərəfdaşlıq üçün böyük potensialı diqqətə çatdırıb. Bildirilib ki, işğaldan azad olunmuş ərazilərimizin təbii ehtiyatları, avtomobil və dəmir yolları şəbəkəsinin, hava limanlarının tikintisi, yeni nəqliyyat dəhlizlərinin, xüsusən də Zəngəzur dəhlizinin açılması investorlar üçün geniş imkanlar yaradır. Bununla yanaşı, “Ağıllı şəhər”, “Ağıllı kənd”, “Yaşıl enerji” layihələrinə xarici investorların cəlb edilməsi üçün müvafiq addımlar atılır. İqtisadiyyat naziri İsrail şirkətlərini Azərbaycanın əlverişli biznes və investisiya mühitindən, iqtisadi potensialından yararlanmağa və fəal əməkdaşlığa dəvət edib.

İşgüzar Dəyirmi Masada Energetika nazirinin müavini Elnur Soltanov Azərbaycan-İsrail əlaqələrinin uğurlu inkişafını, keçirilən tədbirlərin və aparılan səmərəli müzakirələrin tərəfdaşlığın genişləndirilməsində əhəmiyyətini qeyd edib, qlobal çağırışlara uyğun yeni əməkdaşlıq istiqamətləri, o cümlədən “Yaşıl enerji” layihələrində birgə iştirak barədə fikirlərini bölüşüb.

Tədbir çərçivəsində İsrailin “OurCrowd” şirkəti və Azərbaycan İnvestisiya Şirkəti arasında Anlaşma Memorandumu imzalanıb. Sənəddə startap layihələrinə sərmayə qoyuluşu, İsrailin aparıcı şirkətlərinin qabaqcıl təcrübəsinin ölkəmizdə tətbiqi, innovasiyalar, ekosistemin təkmilləşdirilməsi sahəsində əməkdaşlıq nəzərdə tutulur. Memorandumda əksini tapan məsələlərin reallaşdırılması yeni texnologiyaların sürətlə mənimsənilməsinə, onların vətəndaşlara və biznes maraqlarına xidmət etməsinə, dövlət qurumlarının və biznesin yeni çağırışlara çevik uyğunlaşmasına töhfə verəcək.

Qeyd edək ki, 2013-cü ildə qurulan “OurCrowd” şirkəti İsrailin vençur investisiya şirkətidir. Qiymətli kağızlar üzrə dünyanın ən böyük kütləvi maliyyələşdirmə platformalarından olan şirkət süni intellekt, texnologiya, nəqliyyat, enerji, səhiyyə, təhlükəsizlik və digər sahələrdə fəaliyyət göstərən startap şirkətlərinə investisiya qoyuluşu üzrə ixtisaslaşıb. Şirkət investorlar və qurumlar üçün startaplara, ilkin mərhələli şirkətlərə və vençur fondlara sərmayə qoyuluşu məqsədilə yatırım platforması təklif edir. “OurCrowd” şirkətinin qurucusu və baş direktoru Jonathan Medved İsraildə yüksək texnologiyalar sahəsində tanınmış mütəxəssis və vençur investorudur.

Dövlət Turizm Agentliyinin sədri Fuad Nağıyev, Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov, Azərbaycanda İxracın və İnvestisiyaların Təşviqi Fondunun (AZPROMO) rəhbəri Yusif Abdullayevin də iştirak etdiyi İşgüzar Dəyirmi Masada İsrail şirkətlərin təqdimatı dinlənilib, aparıcı şirkətlərlə ikitərəfli görüşlər keçirilib. Müzakirələrdə İsrail şirkətləri əməkdaşlığın genişləndirilməsində və yeni əlaqələrin qurulmasında maraqlarını ifadə ediblər.

Həmçinin oxuyun:

Azərbaycanın İsraildə səfirliyi də olacaq – Anons verildi

Tarixi gün – Azərbaycan ilk dəfə İsraildə nümayəndəlik açdı

198

Azərbaycanlı yanğınsöndürənlər Marmarisdə yanğınla mübarizə aparır

452
(Yenilənib 21:58 31.07.2021)
Havanın yüksək temperaturunun hökm sürdüyü mürəkkəb relyefli dağlıq ərazidə yanğınsöndürənlər yanğınlarla mətinliklə mübarizə aparırlar.

Azərbaycan Respublikasının Prezidenti cənab İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarını fədakarlıqla davam etdirirlər.

Bu barədə Sputnik Azərbaycan-a FHN-dən məlumat verilib.

Yanğınsöndürənlər 2 qrupa ayrılaraq hazırda Marmaris bölgəsində yanğınların söndürülməsini həyata keçirirlər.

452
  • © Photo : Ministry of Emergency Situations of the Republic of Azerbaijan

    Azərbaycanlı yanğınsöndürənlər Türkiyədə.

  • © Photo : Ministry of Emergency Situations of the Republic of Azerbaijan

    Azərbaycanlı yanğınsöndürənlər Türkiyədə.

  • © Photo : Ministry of Emergency Situations of the Republic of Azerbaijan

    Azərbaycanlı yanğınsöndürənlər Türkiyədə.

  • © Photo : Ministry of Emergency Situations of the Republic of Azerbaijan

    Azərbaycanlı yanğınsöndürənlər Türkiyədə.

  • © Photo : Ministry of Emergency Situations of the Republic of Azerbaijan

    Azərbaycanlı yanğınsöndürənlər Türkiyədə.

  • © Photo : Ministry of Emergency Situations of the Republic of Azerbaijan

    Azərbaycanlı yanğınsöndürənlər Türkiyədə.

  • © Photo : Ministry of Emergency Situations of the Republic of Azerbaijan

    Azərbaycanlı yanğınsöndürənlər Türkiyədə.

  • © Photo : Ministry of Emergency Situations of the Republic of Azerbaijan

    Azərbaycanlı yanğınsöndürənlər Türkiyədə.

Ölkədə vaksinasiya ilə əlaqədar vəziyyət açıqlanıb

0
(Yenilənib 23:31 31.07.2021)
Birinci mərhələ üzrə vaksinasiya olunanların ümumi sayı 2880131, ikinci mərhələ üzrə vaksinasiya olunanların sayı isə 2092231 təşkil edir.

BAKI, 31 iyul — Sputnik. Azərbaycanda son sutkada koronavirus (COVID-19) əleyhinə 86790 vaksin vurulub.

Nazirlər Kabineti yanında Operativ Qərargahdan verilən məlumata görə, bir gündə birinci mərhələ üzrə vaksinasiya olunanların sayı 52276, ikinci mərhələ üzrə vaksinasiya olunanların sayı 34514 nəfərdir.

Ölkədə vurulan vaksinlərin ümumi sayı 4972362, birinci mərhələ üzrə vaksinasiya olunanların ümumi sayı 2880131, ikinci mərhələ üzrə vaksinasiya olunanların sayı isə 2092231 təşkil edir.

Azərbaycanda peyvəndləmə prosesi

Tibbi Ərazi Bölmələrini İdarəetmə Birliyi (TƏBİB) COVID-19 əleyhinə canlı növbə əsasında vaksinasiyanın davam etdiyini bildirib. TƏBİB-dən Sputnik Azərbaycan-a daxil olan məlumatda bildirilir ki, COVID-19 əleyhinə vaksinlərə əlçatanlığı təmin etmək məqsədilə "Yeni Klinika" Tibb müəssisəsində peyvəndləmə prosesi davam edir.  Tibb müəssisəsində “CoronaVac” və “Biontech/Pfizer” peyvəndləri vurulur. Vaksinlərin tətbiqi canlı növbə əsasında həyata keçirilir. Peyvənd məntəqəsi həftə içi 5 gün, səhər saat 9:00-dan axşam 16:00-a kimi fəaliyyət göstərir.

Ölkəmizdə hazırda koronavirus infeksiyasına qarşı 4 peyvənd tətbiq olunur. Bunlar "CoronaVac", "Vaxzevria", "Sputnik V", "Pfizer" vaksinləridir. Vətəndaşlar peyvənd olunmaq üçün ilk növbədə randevu.its.gov.az saytından qeydiyyatdan keçərək növbə götürməlidirlər.

Koronavirus bəlası

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Ümumdünya Səhiyyə Təşkilatı (ÜST) 2020-ci ilin fevralında 11-də infeksiyanın törətdiyi xəstəliyin adını COVID-19 qoyub, 2020-ci ilin martın 11-də isə koronavirusu pandemiya elan edib.

Həmçinin oxuyun:

Ailə qurmazdan öncə vaksin olunun! - TƏBİB

Nazirlər Kabinetindən sərt qərar - Vaksin olunmayanlar bu yerlərə buraxılmayacaqlar!

QMİ dindarları vaksin olunmağa çağırıb

0