Əli qandallı qız, arxiv şəkli

Məşhur idmançının ailəsində dəhşət: arvadı bir uşağını boğdu, o birini bıçaqladı

1555
(Yenilənib 12:23 10.12.2017)
Bundan sonra qadın özünə bıçaq xəsarətləri yetirərək intihar etmək istəyib

BAKI, 9 dekabr — Sputnik. Reqbi üzrə İtaliyanın milli komandasının keçmiş üzvü Andrea Bennattinin həyat yoldaşı Antonella Barbieri iki uşağını öldürdükdən sonra intihara cəhd edib. Sputnik Azərbaycan Türkiyə mətbuatına istinadən xəbər verir ki, psixoloji problemləri olan Antonella Barbieri  dekabrın 7-də 2 yaşlı qızını boğub, daha sonra 7 yaşlı oğlunu çay kənarında bıçaqlayaraq öldürüb.

Bundan sonra qadın özünə bıçaq xəsarətləri yetirərək intihar etmək istəyib. Hadisənin şahidi olan vətəndaş polisə xəbər verib. Polislər hadisə yerinə gələrək Antonellanı xəstəxanaya aparıblar. Faktla bağlı araşdırma aparılır.

1555
Teqlər:
reqbi, həyat yoldaşı, qətl, uşaqlar, idmançılar
Əlaqədar
Müsəlman qətliamına göz yuman liderin mükafatı geri alındı
Qətl törədən məmur övladı ilə bağlı qərar dəyişdirildi
Vəziyyət gərginləşdi, keçmiş prezident qətlə yetirildi - FOTO
Azərbaycanlı məşhur biznesmen qətl ittihamlarına cavab verdi
Azərbaycanlı məmurun "qanuni oğru"nun qətli ilə əlaqəli səs yazısı ortaya çıxdı
Samsung şirkəti

Dünya nəhənginin rəhbəri vəfat etdi

10
2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

BAKI, 25 oktyabr — Sputnik. Samsung konserninin sədri Li Qon Hi vəfat edib, Sputnik Azərbaycan bildiri ki, bu barədə Rönhap agentliyi xəbər verir.

Biznesmen bazar günü Seuldakı Samsung xəstəxanasında keçinib.

Li Qon Hi 1942-ci ildə anadan olub və 1987-ci ildə Samsung-un ikinci sədri olub. O, bu vəzifədə qrupun yaradıcısı olan öz atası Li Byon Çxolu əvəz edib.

2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

Cənubi Koreya prokurorluğu Li Çjo Yonun hakimiyyəti ələ keçirmək üçün qeyri-qanuni maxinasiyalara əl atmasından şübhəlidir.

Li Çjo Yondan başqa Li Qon Hinin iki qızı qalıb - Li Bu Çjin və Li So Hyon. Daha bir qızı Li Yun Hyon 2005-ci ildə intihar edib.

10
Ginnesin Rekordlar kitabının sertifikatı, arxiv şəkli

Çinli iki metr yarıma yaxın boyu ilə Ginnesin Rekordlar Kitabına düşmək istəyir - VİDEO

32
14 yaşlı Keyu Ren Çinin Sichuan əyalətində yaşayan orta məktəb şagirdidir. Ən yüksək qapılardan keçəndə belə başını əyməli olan Ren, bəzən yeriməkdə çətinlik çəkir.

BAKI, 24 oktyabr — Sputnik. Çində yaşayan 14 yaşlı Keyu Ren 2 metr 21 santimetr boyu ilə Ginnesin Rekordlar Kitabına düşmək üçün müraciət edib.

Sputnik Azərbaycan "TRThaber"ə istinadla xəbər verir ki, Keyu Ren Çinin Sichuan əyalətində yaşayan orta məktəb şagirdidir. 14 yaşlı Reni yaşıdlarından fərqləndirən ən vacib xüsusiyyət 2 metr 21 santimetr uzunluğunda olmasıdır. Ən yüksək qapılardan keçəndə belə başını əyməli olan Ren, bəzən yeriməkdə çətinlik çəkir.

Ren 13-18 yaş kateqoriyasında 2 metr 21 santimetr hündürlüyündə Rekordlar Kitabına namizəd kimi göstərilib. Ren müsbət cavab alacağını gözləyir.

Qeyd edək ki, indiyədək dünyada ən uzun yeniyetmə kimi 2015-ci ildə 2 metr 15 santimetr boyu ilə ABŞ-dan olan Kevin Bradford Rekordlar Kitabına düşüb.

32