Логотип международного информационного бренда Спутник, фото из архива

Sputnik-in əməkdaşı girov götürülüb

66
(Yenilənib 15:56 05.12.2017)
Jurnalist ötən gündən itkin düşmüşdü

BAKI, 5 dekabr — Sputnik. "Hüseyn üsyançıları" (husilər) Yəməndə "Yəmən Today" telekanalının binasında 41 jurnalisti girov saxlayırlar. Sputnik Azərbaycan xarici mətbuata istinadən xəbər verir ki, jurnalistlər arasında Sputnik Beynəlxalq İnformasiya Agentliyinin Yəmən şöbəsinin əməkdaşı da var. O, digər jurnalistlərlə birlikdə telekanalın binasında saxlanılır.

Xatırladaq ki, Sputnik Yəmən-in müxbiri ötən gündən itkin düşmüşdü. Onunla əlaqə saxlamaq mümkün deyil. Sonuncu dəfə redaksiya ilə ötən bazar günü saat 14.30-da əlaqə saxlayıb.

Qeyd edək ki, husilər keçən şənbə günü telekanalın yerləşdiyi binanı ələ keçiriblər. Sputnik Yəmən-in əməkdaşı bu telekanalla da əməkdaşlıq edirmiş.

Telekanal öldürülən keçmiş prezident Əli Abdullah Salehini dəstəklədiyi üçün üsyançılar tərəfindən ələ keçirilib.

66
Teqlər:
Sputnik Yəmən, "Yəmən Today" telekanalı, husilər, Hüseyn üsyançıları, Sputnik Beynəlxalq İnformasiya Agentliyi, Yəmən, jurnalist
Əlaqədar
BMT Yəmənə görə təcili çağırış etdi
Yəməndə 11 qiyamçı öldürülüb, onlarla silahlı yaralanıb
ABŞ Yəmənə raket zərbələri endirib
Ərəb koalisiyasının qırıcıları Yəməni bobardıman edib
Yəməndə ərəb koalisiyasının vertolyotu qəzaya uğrayıb
Şarl Mişel, arxiv şəkli

Şarl Mişel İlham Əliyevə zəng vurub: "Narahatıq"

30
(Yenilənib 19:47 30.09.2020)
Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

BAKI, 30 sentyabr — Sputnik. Sentyabrın 30-da Avropa İttifaqı Şurasının Prezidenti Şarl Mişel Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan Azərbaycan Prezidentinin Mətbuat Xidmətinə istinadla xəbər verir ki, Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

Dövlətimizin başçısı Ermənistanın Azərbaycana qarşı törətdiyi və bu gün də davam edən növbəti hərbi təxribatı ilə bağlı vəziyyət barədə məlumat verərək qeyd edib ki, sentyabrın 27-də Ermənistan tərəfinin qoşunların təmas xətti boyu yaşayış məntəqələrimizi, hərbi birləşmələrimizin mövqelərini ağır artilleriya qurğularından atəşə tutması nəticəsində 14 mülki şəxsimiz və hərbi qulluqçularımız həlak olublar.

Prezident İlham Əliyev bildirib ki, Azərbaycan Ordusu buna cavab olaraq əks-hücum əməliyyatları həyata keçirir. Azərbaycan Prezidenti qeyd edib ki, Ermənistan rəhbərliyi şüurlu şəkildə danışıqlar prosesini pozur. Belə ki, Ermənistan baş nazirinin "Dağlıq Qarabağ Ermənistandır" bəyanatı danışıqlar prosesinə ciddi zərbə vurub. "Azərbaycan Dağlıq Qarabağla danışıqlar aparmalıdır" bəyanatı isə danışıqlar formatının dəyişdirilməsi cəhdidir ki, bu da qəbuledilməzdir və Minsk qrupunun rəhbərliyi də bunu bildirib.

Dövlətimizin başçısı vurğulayıb ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır, hərbi cinayətdir. Prezident İlham Əliyev bildirib ki, Ermənistan baş naziri hələ sentyabrın 27-si hərbi toqquşmalar baş verməzdən əvvəl on minlərlə könüllüdən ibarət hərbi birləşmələrin yaradılması barədə qərar vermişdi. Bu, Ermənistanın növbəti təcavüzə hazırlaşması mənası daşıyırdı.

Dövlətimizin başçısı Ermənistanın hərbi təxribatı ilə bağlı hadisələrin gələcək inkişafına görə məsuliyyətin Ermənistanın siyasi və hərbi rəhbərliyinin üzərinə düşdüyünü bildirib.

30
Almaniya bayrağı Belində parlamentin binası üzərində, arxiv şəkli

Almaniya Türkiyə Rusiyanı Azərbaycan Ermənistana təsir etməyə çağırdı

30
(Yenilənib 19:14 30.09.2020)
Dağlıq Qarabağda münaqişənin dramatik şəkildə gərginləşməsi göstərir ki, dondurulmuş münaqişələri həll edilmiş münaqişələr etmək lazımdır, əks halda, onlar daima gərginləşəcək.

BAKI, 30 sentyabr — Sputnik. Almaniya Ermənistan və Azərbaycan münaqişəsinin uzunmüddətli həlli üçün Rusiya və Türkiyəni Cənubi Qafqazda öz "xüsusi" təsirindən istifadə etməyə çağırır.

Sputnik Azərbaycan RİA Novosti-yə istinadən xəbər verir ki, bunu Almaniya Xarici İşlər Nazirliyinin Dövlət naziri Mixail Rot bildirib.

"Dağlıq Qarabağda münaqişənin dramatik şəkildə gərginləşməsi göstərir ki, dondurulmuş münaqişələri həll edilmiş münaqişələr etmək lazımdır, əks halda, onlar daima gərginləşəcək. Biz Ermənistan və Azərbaycanla, həmçinin region üzrə tərəfdaşlarla sıx əlaqədəyik", - deyə Almaniya Xarici İşlər Nazirliyinin Dövlət naziri bildirib.

O xatırladıb ki, BMT Təhlükəsizlik Şurasının təşəbbüsü ilə döyüşlərə son qoyulması üçün bir qətnamə qəbul edib.

30
Jalə Həsənli, arxiv şəkli

Ermənilərin "özəlləşdirdiyi" aparıcı: Damarlarımda Azərbaycan türkünün qanı axır

0
Jalə Həsənli: "Bizim torpaqlarımızı, yeməklərimizi, musiqimizi özəlləşdirmək istədikləri azmış kimi, indi də məni "özəlləşdirmək" istəyirlər".

Şahpəri Abbasova, Sputnik Azərbaycan

BAKI, 30 sentyabr — Sputnik. Ermənistanın informasiya müharibəsi qəribə məcrada davam edir. Sputnik Azərbaycan xəbər verir ki, ermənilərin sosial şəbəkələrdə yayılan daha bir "fake" məlumatında bir neçə gün öncə xalqımıza cəbhədən gələn sevindirici qələbə xəbərini çatdıran İTV-nin xəbər aparıcısı Jalə Həsənlinin Ermənistanın İctimai televiziyasının aparıcısı olduğu irəli sürülüb.

Fake məlumatda bildirilib ki, "erməni aparıcı" Qarabağ ətrafındakı münaqişə zamanı ölənlərin siyahısını oxuyarkən göz yaşlarına hakim ola bilməyib. Məsələ ilə bağlı İTV-nin xəbər aparıcısı Jalə Həsənli Sputnik Azərbaycan-a açıqlamasında ermənilər tərəfindən "özəlləşdirilməsini" belə ifadə edib:

"Abırsızlığın, üzsüzlüyün son həddidir bu. Bizim torpaqlarımızı, yeməklərimizi, musiqimizi özəlləşdirmək istədikləri azmış kimi, indi də məni "özəlləşdirmək" istəyirlər. Heç nəyi olmayan bədbəxt millətdir, təəccüblənmirəm. Mənim damarlarımda Azərbaycan türkünün qanı axır. Bu qanı daşımaq, azərbaycanlı olmaq bir şərəfdir!"

Bildirək ki, sosial şəbəkələrdə Jalə Həsənlinin "erməni" kimi təqdimatı yumorla qarşılanıb.

Qeyd edək ki, Azərbaycanın İctimai televiziyasının aparıcısı Jalə Həsənli işğal altındakı bir sıra strateji yüksəkliklər, kəndlərin düşməndən azad olunması xəbərini izləyicilərə çatdırarkən göz yaşlarını saxlaya bilməyib.

0