Mixail Saakaşvili

Saakaşvili intihar etmək istəyir - VİDEO

187
(Yenilənib 12:26 05.12.2017)
O, yaşadığı binanın damına çıxaraq, evində axtarış aparmağa gələn xüsusi təyinatlıları özünü aşağı atmaqla hədələyir

BAKI, 5 dekabr — Sputnik. Gürcüstanın eks-prezidenti, Ukraynanın Odessa vilayətinin sabiq qubernatoru, "Yeni Qüvvələr Hərəkatı"nın lideri Mixail Saakaşvili Kiyevdə yaşadığı səkkizmərtəbəli binanın damına çıxaraq, evində axtarış aparmağa gələn xüsusi təyinatlıları özünü binanın damından aşağı atmaqla hədələyir.

Sputnik Azərbaycan xarici mediaya istinadla xəbər verir ki, binanın ətrafına gələn polislər Saakaşvilini etiraz aksiyasını dayandırmağa və ehmalca damdan enməyə çağırırlar.

"Saakaşvili hazırda damdadır və polislərlə danışıqlar aparır. Siyasətçi deyir ki, əgər ona toxunarlarsa, özünü damdan aşağı atacaq. Evə xilasedicilər və həkimlər gəliblər" — deyə Ukrayna "1+1" telekanalının hadisə yerində olan müxbiri xəbər verib.

​Hadisə şahidləri Saakşvilinin hərəkətlərini lentə alaraq sosial şəbəkələrdə paylaşmaqdadırlar. ​Siyasətçinin tərəfdarı David Sakvarelidze səhər saatlarında bəyan edib ki, naməlum şəxslər Saakaşvilinin Kiyevdəki evinin qapısını qırmağa çalışırlar.

"Hazırda Saakaşvili damdadır və hüquq-mühafizə orqanları onunla danışıqlar aparır. Səs-küy eşidilir. Siyasətçi qışqıraraq bildirir ki, əgər ona toxunsalar, damdan tullanacaq. Eks-prezidentin tərəfdarlarından biri qol-qıçının qırılması diaqnozu ilə xəstəxanaya aparılıb. Ona hüquq mühafizəçiləri tərəfindən xəsarət yetirildiyi ehtimal edilir" — deyə telekanalın xəbərlər xidməti bildirib.

Telekanalın məlumatına görə, Saakaşvilini saxlamağa çalışırlar. Ukraynanın UNN agentliyinin məlumatına görə, axtarış haqqında order eks-prezident Viktor Yanukoviçin keçmiş ətrafının iştirakı ilə keçən etiraz aksiyasının maliyyələşdirilməsi ilə bağlı cinayət işinə görə verilib.

Noyabrın sonlarında KİV yazmışdı ki, Ukrayna hakimiyyəti ilin sonuna qədər Saakaşvilini həbs etmək niyyətindədir. Dekabrın əvvəllərində siyasətçi bəyan etmişdi ki, növbəti həftə onu ekstradisiya etmək istəyirlər. Belə olan təqdirdə, o, Avropaya keçmək üçün Gürcüstana getməyi üstün tutur. Daha əvvəl isə eks-prezident bildirmişdi ki, onun Ukraynada qalma müddəti martın 1-dək uzadılıb.

Saakaşvili sentyabr ayında prezident Pyotr Poroşenkonun əmri ilə Ukrayna vətəndaşlığından çıxarılıb. Lakin tərəfdarlarının dəstəyi ilə sərhədçilər kordonunu yararaq Polşadan Ukrayna ərazisinə daxil olub. Məhkəmə onu ölkə sərhəddini qanunsuz keçdiyinə görə 130 dollar cərimələyib.

Gürcüstanda eks-prezidenti bir neçə cinayəti törətməkdə günahlandırırlar. O, bu ölkəni 2013-cü ilin noyabrında Georgi Marqvelaşvilinin yeni prezident postuna keçməsindən sonra tərk edib.

187
Teqlər:
tərəfdar, dam, bina, intihar, Mixail Saakaşvili, Gürcüstan, Ukrayna
Mövzu:
Mixail Saakaşvilinin Ukrayna sərgüzəştləri (14)
Əlaqədar
Kiyevdə Saakaşvili tərəfdarları prezidentin impiçmenti tələbi ilə yürüş keçirirlər
Saakaşviliyə görə gürcüləri bu ölkədən qovurlar
Saakaşviliyə ağır itki
Saakaşvili cərimə ödədi
Azərbaycanlılar kimi dəstəkləyir: Saakaşvilini, yoxsa Poroşenkonu?!
Saakaşvilinin "yıxmaq" istədiyi prezident sərt danışdı
Neft platforması, arxiv şəkli

Niyə məhz indi? Bakı Aşqabadın razılaşması nədən xəbər verir

43
(Yenilənib 13:54 22.01.2021)
"Ola bilər ki, Dağlıq Qarabağ münaqişəsinin indiyə qədər həll olunmaması Türkmənistan tərəfində təhlükəsizliklə bağlı müəyyən narahatlıqlar yaradırdı"

Eldar Tanrıverdiyev, Sputnik Azərbaycan

BAKI, 22 yanvar — Sputnik. Mütəxəssislər Azərbaycan və Türkmənistan arasında ötən gün əldə olunan Xəzər dənizində "Dostluq" yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumunu tarixi hadisə adlandırırlar. Belə ki, bu anlaşma Xəzər dənizində uzun illərdir Kəpəz/Sərdar yatağı üzrə mübahisələrə son qoymaqla yanaşı, iki ölkə - Azərbaycan və Türkmənistan arasında olan əlaqələri daha üst mərhələyə çıxarmağa imkan verəcək.

Təsadüfi deyil ki, Azərbaycan Prezident İlham Əliyev Anlaşma Memorandumunu tarixi sənəd adlandırıb və qeyd edib ki, bu yataq, həmçinin yataqdakı iş ölkələrimiz və xalqlarımızı daha da yaxınlaşdıracaq, həm Türkmənistan, həm də Azərbaycan xalqlarına xeyir gətirəcək.

Sputnik Azərbaycan Anlaşma Memorandumu, onun əhəmiyyəti və bu memorandumun niyə məhz indi imzalanması ilə bağlı "Cənubi Qafqaz" siyasi klubunun rəhbəri, politoloq İlqar Vəlizadə ilə həmsöhbət olub.

Politoloq qeyd edib ki, bu memorandumun indi imzalanması ondan xəbər verir ki, Azərbaycan və Türkmənistan bununla bağlı artıq bir neçə ildir danışıqlar aparıblar. Onun sözlərinə görə, birdən-birə belə bir razılaşma ərsəyə gələ bilməz: "Niyə məhz indi? Yəqin ki, bununla bağlı bir sıra nüanslar var. Ehtimal edirəm ki, onlardan biri də təhlükəsizliklə bağlı məsələlər idi. Ola bilər ki, Dağlıq Qarabağ münaqişəsinin indiyə qədər həll olunmaması Türkmənistan tərəfində təhlükəsizliklə bağlı müəyyən narahatlıqlar yaradırdı. Çünki bu, Kəpəz/Sərdar – indiki adı ilə "Dostluq" yatağının işlənməsi və hasil ediləcək resursların ixracı üçün müəyyən risklər yaradırdı.

Aydındır ki, ixrac üçün ən optimal istiqamət Qərb – Avropadır. Həmçinin bu istiqamət üzrə Azərbaycan və digər ölkələr də daxil olmaqla hazır infrastruktur layihələri var. Yəni yeni bir infrastruktur layihəsinin qurulmasına ehtiyac yoxdur. Ona görə də hazır xammalın xarici bazarlara daşınması üçün yaxşı imkan var. Bu memorandumun Dağlıq Qarabağ münaqişəsinin nizamlanmasından qısa müddət sonra imzalanması artıq Türkmənistan rəhbərliyinin təhlükəsizliklə bağlı narahatlığının sona çatması kimi də dəyərləndirilə bilər".

"Cənubi Qafqaz" siyasi klubunun rəhbəri qeyd edib ki, rəsmi Bakı hələ on il əvvəl Aşqabada "Dostluq" yatağının birgə işlənməsini təklif edib: "Bu təklifdə yatağın bərabərhüquqlu şəkildə istismarı, hasilatın bərabər bölünməsi yer alır. Üç il bundan əvvəl – 2018-ci ilin martında İran Prezidenti Həsən Ruhaninin Azərbaycana səfəri zamanı bu memoranduma bənzər razılaşma - həmsərhəd zonada yerləşən yataqların birgə istismarına dair razılaşma İran tərəfi ilə də imzalanmışdı. Lakin İranla bağlı beynəlxalq proseslərə (ABŞ-ın nüvə razılaşmasından çıxması, İrana qarşı sanksiyaların tətbiqi – red.) görə yataqların işlənməsi istiqamətində heç bir praktiki addımlar atılmayıb. Amma "Dostluq" yatağının istismarı üçün belə maneələr yoxdur".

İlqar Vəlizadə vurğulayıb ki, Azərbaycan və Tükmənistanın əldə etdiyi razılaşmanın başqa bir əhəmiyyəti isə bundan ibarətdir ki, bu yataq Trans-Xəzər qaz layihəsinin həyata keçirilməsi üçün təkan verə bilər: ""Dostluq" yatağında 50-100 milyon ton neft, 30 milyard kub metr qaz ehtiyatları var. Bu, təbii sərvətlərlə kifayət qədər zəngin yataqdır. Bu yataqdan çıxarılan qazın Cənubi Qaz Dəhlizi layihəsi ilə Qərbə - Avropaya tədarükü də realdır. Bu isə Cənub Qaz Dəhlizi layihəsinin, ümumilikdə Avropanın enerji təhlükəsizliyi baxımından Qafqaz regionunun əhəmiyyətini artırır. Bundan əlavə, Azərbaycanı artıq neft-qaz ixracatçısından əlavə, bir enerji habına, tranzit ölkəsinə çevirəcək".

43
Teqlər:
təhlükəsizlik, ekspert, qaz, neft, yataq, qərar, Türkmənistan, Azərbaycan
Bayraq festivalı

"Eşkiya dünyaya hökmdar olmaz"ın İlyas Çakırbeylisi Azərbaycan gerbini hazırladı

27
(Yenilənib 00:43 22.01.2021)
Məşhur aktyor iş prossesini özünün "instagram" hesabında paylaşım edib: "Yavaş-yavaş, ehtiyatla, öyrənə-öyrənə.... Sakitlik hər zaman mümkündür. Nə edəcəyini bil yetər".

BAKI, 22 yanvar — Sputnik. "Eşkiya dünyaya hökmdar olmaz" serialında İlyas Çakırbeyli rolunu canlandıran Ozan Akaba Azərbaycanın milli gerbini hazırlayıb.

Sputnik Azərbaycan xəbər verir ki, məşhur aktyor iş prossesini özünün "Instagram" hesabında paylaşıb. Aktyor "yavaş-yavaş, ehtiyatla, öyrənə-öyrənə.... Sakitlik hər zaman mümkündür. Nə edəcəyini bil yetər" yazıb. Azərbaycandan olan izləyicilər aktyora xoş rəylər yazıblar.

View this post on Instagram

A post shared by Ozan Akbaba (@ozanakbaba)

Qeyd edək ki, aktyor "Aman Reis Duymasın", "Abluka", "Mutlak Adalet", "Krallar Kulübü", "Kadir ve Kardeşleri" və s. filmləri ilə məşhurdur.

27
Teatr səhnəsi, arxiv şəkli

Şuşa Teatrı haqqında film çəkilib

0
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.

BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.

 

0