Yəmənin sabiq prezidenti Əli Abdullah Salehi, arxiv şəkli

Keçmiş prezidentin öldürüldüyü yerdən dəhşətli kadrlar - Video

451
(Yenilənib 18:35 04.12.2017)
Sosial mediada Yəmənin sabiq prezidenti Əli Abdullah Salehinin öldürüldüyü yerdən ilk kadrlar peyda olub

BAKI, 4 dekabr — Sputnik. Sosial mediada Yəmənin sabiq prezidenti Əli Abdullah Salehinin öldürüldüyü yerdən ilk kadrlar peyda olub. Sputnik Azərbaycan xəbər verir ki, terrorçuların hərəkətlərinin monitorinqini aparan “Telegram-kanal Directorate 4” həmin anın videogörüntülərini yayıb.

Kadrlarda naməlum silahlı şəxslərin eks-prezidentin cəsədini odeyalın arasında necə apardıqları görünür.

Bu gün sözügedən kanal sabiq prezidentin yarılmış başının şəklini də yayımlayıb. Bir sıra məlumatlara görə, Salehi evi dağıdılarkən öldürülüb. Digər versiyaya görə isə, ona qarşı sui-qəsd Marib şəhəri yolunda düzənlənib.

Daha əvvəl Yəmən prezidenti Abd Rabbo Mansur Hadi qoşuna Sana şəhərinə istiqamət götürməyi əmr eləmişdi. Ötən həftədən etibarən bu şəhərdə müttəfiqlər — husi üsyançıları ilə Saleh tərəfdarları və hökumət qoşunları arasında münaqişə davam edir. Al Mayadeen kanalının məlumatına görə, Sanada döyüşlər hazırda da gedir.

Artıq bir neçə ildir ki, Yəməndə vətəndaş müharibəsi gedir. Döyüşən tərəflərdən biri husilər ("Ənsar Allah" hərəkatının şiələri) və loyal sabiq prezident Əli Abdulla Salehin ordu hissələri, digər tərəf isə sünni prezident Abd Rabbo Mansur Hadi və Səudiyyə Ərəbistanın rəhbərlik etdiyi koalisiyadır.

451
Teqlər:
Sana, husi, prezident Əli Abdullah Salehi, video, qətl, Yəmən
Əlaqədar
Yəməndə 11 qiyamçı öldürülüb, onlarla silahlı yaralanıb
ABŞ Yəmənə raket zərbələri endirib
Ərəb koalisiyasının qırıcıları Yəməni bobardıman edib
Yəməndə ərəb koalisiyasının vertolyotu qəzaya uğrayıb
Yəmən-Səudiyyə gərginliyi neftin qiymətinə necə təsir göstərəcək?
Türkiyə sahil mühafizə gəmisi, arxiv şəkli

Türkiyədə göyərtəsində 45 nəfər olan gəmi batdı

16
(Yenilənib 17:58 23.07.2021)
Dəniz Qüvvələri Komandanlığına məxsus 2 freqat və dəniz polisi təyyarəsi qeyri-sabit hava şəraitinə rəğmən bölgədə axtarış-xilasetmə fəaliyyətini davam etdirir.

BAKI, 23 iyul — Sputnik. Türkiyənin Milli Müdafiə Nazirliyi Antalyanın Kaş rayonundan 161 mil cənub-qərbdə, Aralıq dənizinin şərq hissəsində göyərtəsində 45 nəfərin olduğu gəminin batdığı barədə məlumat yayıb. Sputnik Azrəbaycan bu barədə Anadolu Agentliyinə istinadla xəbər verib.

Məlumatda qeyd olunur ki, bölgəyə dərhal Türkiyə Dəniz Qüvvələrinin Gökova freqatları yönləndirilib və hazırda bölgədə axtarış-xilasetmə işi aparılır.

"Dəniz Qüvvələri Komandanlığına məxsus 2 freqat və dəniz polisi təyyarəsi qeyri-sabit hava şəraitinə rəğmən bölgədə axtarış-xilasetmə fəaliyyətini davam etdirir", – deyə məlumatda vurğulanır.

Türkiyə Müdafiə Nazirliyinin yaydığı məlumata görə, 37 nəfər xilas edilib, yerdə qalan 8 nəfərin axtarışları üzrə əməliyyatlar davam etirilir. 

Həmçinin oxuyun:

Qara dənizdə batan gəminin dörd üzvü ölüb, axtarışlar dayandırılıb

 

16
Əfqansıtdanda hüquq-mühafizə orqanlarının əməkdaşları, arxiv şəkli

Əfqanıstan ordusu Herat əyalətinin rayonlarından birini taliblərdən azad edib

24
(Yenilənib 10:59 23.07.2021)
Ölkədə qeyri-sabitlik ABŞ administrasiyasının sentyabrın 11-nə qədər ölkədən qoşunların çıxarılacağı barədə vədləri fonunda artıb.

BAKI, 23 iyul — Sputnik. Əfqanıstanın hökumət qüvvələri ölkənin qərbindəki Herat əyalətinin Karux rayonunu radikal Taliban* hərəkatının yaraqlılarından azad edib. Sputnik Azərbaycan Rusiya mediasına istinadən xəbər verir ki, əməliyyat nəticəsində onlarla talib məhv edilib.

"Əfqanıstan milli təhlükəsizlik qüvvələri (ANDSF) və müqavimət hərəkatı döyüşçüləri Herat əyalətinin Karux rayonunu Taliban* terrorçularından təmizləyib. Əməliyyat nəticəsində onlarla talib öldürülüb və yaralanıb. Heratda hücum başlanıb və yaxın zamanlarda əyalətin digər əraziləri də azad ediləcək", - deyə ölkənin müdafiə nazirliyinin nümayəndəsi Fəvad Aman bildirib.

Əfqanıstanda hökumət qüvvələri ilə kənd rayonlarının əksəriyyətini ələ keçirərək iri şəhərlərə hücuma başlamış taliblər arasında qarşıdurma davam edir. Ölkədə qeyri-sabitlik ABŞ administrasiyasının sentyabrın 11-nə qədər ölkədən qoşunların çıxarılacağı barədə vədləri fonunda artıb. 2020-ci ildə Vaşinqton və "Taliban" nümayəndələri Dohada son 18 ildən artıq bir müddət ərzində ilk sülh sazişini imzalayıblar. Həmin sənəd əcnəbi hərbi kontingentin ölkədən çıxarılmasını və əsirlərin mübadiləsindən sonra Əfqanıstan daxilindəki qüvvələr arasında dialoqun başlanmasını nəzərdə tutur.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb.

 

24
Əli qandallanmış kişi polis bölməsində, arxiv şəkli

İlin birinci yarısının kriminal hadisələri: Törədilən cinayətlər

0
(Yenilənib 20:31 23.07.2021)
Prokurorluq orqanları tərəfindən yarım il ərzində 444, ümumilikdə isə digər istintaq qurumları ilə birgə 6399 cinayət işinin ittiham aktları ilə məhkəmələrə göndərilməsi təmin edilib.

BAKI, 23 iyul — Sputnik. İyulun 23-də Baş prokuror Kamran Əliyevin sədrliyi ilə 2021-ci ilin birinci yarımilində prokurorluq orqanları tərəfindən “Prokurorluq haqqında” Azərbaycan Respublikası Qanununda nəzərdə tutulmuş fəaliyyət istiqamətləri və ilin birinci yarısının hesabatı açıqlanıb.

Baş Prokurorluqdan Sputnik Azərbaycan-a verilən məlumata görə, müşavirədə bir sıra məsələlər müzakirə olunub, görülən işlər üzrə statistikalar açıqlanıb.

8197 cinayət işinin istintaqı tamamlanıb

Qeyd olunub ki, 6 ay ərzində ölkə üzrə cəmi 8197 cinayət işinin istintaqı tamamlanıb ki, bunlardan 671-i prokurorluq orqanlarında istintaq edilib. Prokurorluq orqanları tərəfindən 444, ümumilikdə isə digər istintaq qurumları ilə birgə 6399 cinayət işinin ittiham aktları ilə məhkəmələrə göndərilməsi təmin edilib.

Ermənistan silahlı qüvvələri tərəfindən törədilmiş cinayət əməlləri üzrə 68 cinayət işi üzrə ibtidai istintaqın aparılıb

Müşavirədə, həmçinin, Baş Prokurorluğun İstintaq idarəsi tərəfindən Vətən müharibəsi gedişində Ermənistan silahlı qüvvələri tərəfindən törədilmiş cinayət əməlləri üzrə 68 cinayət işi üzrə ibtidai istintaqın aparıldığı, həmin işlər üzrə 8 şəhər, 10 qəsəbə və 519 kəndə baxış keçirildiyi bildirilİB.

Korrupsiya ilə bağlı rəqəmlər açıqlanıb

Cari ilin birinci yarımilində korrupsiya hüquqpozmasına yol verən 267 şəxs barəsində 155 cinayət işinin istintaqı tamamlanaraq baxılması üçün məhkəmələrə göndərilib. Əlavə olaraq bildirilib ki, həmin cinayət işlərindən 72 şəxs barəsində 25 iş rüşvət alma (passiv rüşvətxorluq), 66 şəxs barəsində 43 iş rüşvət vermə (aktiv rüşvətxorluq) və şəxsi rüşvət verməyə təhrik etmə, 54 şəxs barəsində 30 iş qulluq mövqeyindən istifadə etməklə mənimsəmə və israf etmə, 28 şəxs barəsində 15 iş qulluq mövqeyindən istifadə etməklə dələduzluq, 14 şəxs barəsində 8 iş vəzifə səlahiyyətlərindən sui-istifadə etmə və digər faktlarla əlaqədar olub.

Prokurorluq orqanlarında ibtidai istintaqı aparılaraq yekunlaşmış cinayət işləri üzrə ümumilikdə 110 milyon 533 min manat məbləğində maddi ziyan vurulduğu müəyyən edilərək istintaq tədbirləri ilə onun 37,2 faizinin, yəni 41 milyon 72 min manat hissəsinin ödənilməsinə nail olunub.

Həmçinin, bildirilib ki, cinayət-prosessual qanunvericiliyinin tələblərinə əsasən icraatına xitam verilən cinayət işləri üzrə cinayət məsuliyyətindən azad olunmuş şəxslər tərəfindən dövlət büdcəsinə əlavə olaraq 668 min 949 manat məbləğində pul vəsaiti ödənilib.

Bundan başqa, ibtidai araşdırma mərhələsində cinayət işləri üzrə vurulmuş ziyanın ödənilməsinin təmin edilməsi məqsədilə 2021-ci ilin birinci yarımili ərzində istintaqı başa çatdırılmış cinayət işləri üzrə 44 milyon manat məbləğində əmlak üzərinə həbs qoyulub.

4 valideynin valideynlik hüquqlarının məhdudlaşdırılmasına dair məhkəmələrdə iddialar qaldırılıb

Müşavirədə qeyd edilib ki, 2021-ci ilin birinci yarımilində Baş Prokurorluğun Cinayət Təqibindən Kənar İcraatlar idarəsi tərəfindən 70 şəxs barəsində inzibati xəta haqqında iş üzrə icraatın başlanması haqqında qərar qəbul edilmiş, həmçinin mülki mühakimə icraatı qaydasında və yetkinlik yaşına çatmayanların işləri üzrə məhkəmələrdə baxılmış işlər üzrə 4 valideynin valideynlik hüquqlarının məhdudlaşdırılmasına dair məhkəmələrdə iddialar qaldırılıb, qanunsuz rəftara, əzab və işgəncələrə məruz qalmaları ilə əlaqədar 6 uşaq sığınacaq və körpələr evinə yerləşdirilib.

522 şəxs barəsində 424 cinayət işi üzrə qəbul edilmiş hökmdən və ya məhkəmənin digər qərarından apellyasiya protesti verilib

2021-ci ilin birinci yarımilində 522 şəxs barəsində 424 cinayət işi üzrə qəbul edilmiş hökmdən və ya məhkəmənin digər qərarından apellyasiya protesti, 369 şəxs barəsində 321 cinayət işi üzrə qəbul edilmiş hökmdən və ya məhkəmənin digər qərarından isə kassasiya protesti verilib.

Bütün dövlət orqanları üzrə 14 min 928 cinayət qeydə alınmışdır ki, bunun yalnız 1%-i xüsusilə ağır cinayətlər təşkil edib

Daxili İşlər Nazirliyi, Dövlət Təhlükəsizliyi Xidməti və digər hüquq mühafizə orqanları ilə birgə fəaliyyətin nəticəsi olaraq, 2021-ci ilin birinci yarımilində əməliyyat-axtarış və istintaq fəaliyyətini həyata keçirən bütün dövlət orqanları üzrə 14 min 928 cinayət qeydə alınıb ki, bunun yalnız 1%-i xüsusilə ağır cinayətlər təşkil edib, daxili işlər orqanları ilə birgə keçmiş illərdən bağlı qalmış 207 cinayətin açılması təmin edilib, 435 cinayətkar qrup zərərsizləşdirilib.

Narkotiklə mübarizə üçün yeni işçi qrupu yaradılacaq

Narkotik vasitələrin, psixotrop maddələrin və prekursorların qanunsuz dövriyyəsi ilə bağlı müvafiq normativ aktların, həmçinin digər sahələr üzrə qanunvericiliyin təkmilləşdirilməsinə dair layihələrin hazırlanmaqla aidiyyəti üzrə təqdim edildiyi bildirilib.

Eyni zamanda, sintetik və təbii mənşəli narkotik vasitələrin, psixotrop maddələrin və onların prekursorlarının xüsusilə gənclər arasında istehlakının təbliğ edilməsi hallarının qarşısının alınması istiqamətində maarifləndirmə işlərinin genişləndirilməsi və digər zəruri tədbirlərin həyata keçirilməsi məqsədilə digər dövlət qurumları və hüquq-mühafizə orqanları ilə birgə İşçi qrupun yaradılması qərara alınıb.

17 prokurorluq əməkdaşı intizam məsuliyyətinə cəlb edilib

2021-ci ilin birinci yarımilində xidməti, icra və əmək intizamının daha da möhkəmləndirilməsi, fəaliyyətlərində qanunsuzluq hallarına və prokurorluq işçisinə yaraşmayan hərəkətlərə yol verən işçilərə münasibətdə tələbkarlıq artırılmış, aparılmış xidməti yoxlamalar nəticəsində müxtəlif xətalar törətdiklərinə görə 17 prokurorluq əməkdaşı intizam məsuliyyətinə cəlb edilib.

Həmçinin oxuyun:

Azərbaycanda nazirlikdə saxtalaşdırma ilə bağlı Baş Prokurorluq cinayət işi açdı

Prokurorluq polis rəisinin özünü güllələməsi ilə bağlı cinayət işi açdı

0