BAKI, 1 dekabr — Sputnik. Türkiyənin keçmiş baş qərargah rəisi İlkər Başbuğ Atatürk Düşüncə Dərnəyinin təşkil etdiyi "Yaxın Şərq və Türkiyə" mövzulu konfransda çıxış edib. Sputnik Azərbaycan "Timeturk"-ə istinadən xəbər verir ki, Suriyadakı vətəndaş müharibəsini dəyərləndirən Başbuğ diqqətçəkən fikirlər səsləndirib.
"Suriyadakı vətəndaş müharibəsi artıq sona çatmaq üzrədir. Bir milyona yaxın insanın ölümünə səbəb olan Bəşər Əsəd Rusiya və İranın dəstəyi ilə bu müharibədən qalib çıxdı. Artıq siyasəti və strategiyanı təyin edərkən bu reallıqla barışmaq lazımdır" — sabiq ordu başçısı bildirib.
"Yaxın Şərq izahı o qədər də asan olmayan çox qəliz bölgədir. "Yaxın Şərq" dediyimiz yer dünyadakı ilk mədəniyyətlərin, ilahi dinlərin yarandığı bir yerdir. Osmanlı imperiyasını bu coğrafiyada güclü saxlayan əsas şey xilafətin Sultan Səlim zamanında Osmanlıya keçməsidir" — Başbuğ əlavə edib.
