BAKI, 30 noyabr — Sputnik. Türkiyə prezidenti Rəcəb Tayyib Ərdoğan, Nyu-Yorkda davam edən Rza Zərrab məhkəməsi barədə ilk dəfə açıqlama verib. Sputnik Azərbaycan "Hurriyet"-ə istinadən xəbər verir ki, o, İrana qarşı beynəlxalq sanksiyaları başından etibarən qoşulmadıqlarını xatırladaraq deyib:
"Deyirlər ki, biz Amerikanın İrana qarşı sanksiyalarını pozmuşuq. Biz o sanksiyalara nə vaxt qoşulduq ki, hələ bir pozaq da. Dünya təkcə ABŞ-dan ibarət deyil. Bizim İranla ticari və enerji əlaqələrimiz var. Nyu-York məhkəməsindən nə qərar çıxırsa çıxsın ölkəmizi maraqlandırmır" — prezident vurğulayıb.
Qeyd edək ki, Azərbaycan əsilli İran və Türkiyə vətəndaşı Rza Zərrab dünən keçirilən məhkəmədə İrana qarşı embarqonu qırmaq üçün Türkiyənin keçmiş iqtisadiyyat naziri Zafer Çağlayana 45-50 milyon avro rüşvət verdiyini söyləyib.
