ABŞ ordusu türk əsgərinin qarşısında geri çəkildi
(Yenilənib 16:15 30.11.2017)
Türkiyə ordusunun əməliyyata başlayacağını eşidən amerikalılar bölgəni tərk ediblərBAKI, 30 noyabr — Sputnik. Türkiyədə dünən keçirilən Milli Təhlükəsizlik Şurasında (MTŞ) qəbul edilən qərar xaricdə ciddi reaksiya doğurub. Sputnik Azərbaycan "Timeturk"-ə istinadən xəbər verir ki, qərar Türkiyə Silahlı Qüvvələrinin əməliyyat keçirəcəyi ilə bağlıdır.
©
AFP 2020 / Iakovos Hatzistavrou
"PKK terror təşkilatının Suriya qolu olan YPG-nin nəzarətindəki Afrin bölgəsi suverenliyimiz üçün ciddi təhdiddir. Qərara alırıq ki, Afrin vilayəti terrordan təmizlənməlidir" — deyə MTŞ-nin yekun bəyanatında qeyd olunur.
Bu qərarın elan olunmasından 24 saat keçməmiş Suriyadakı ABŞ hərbi komandanlığı əsgərlərini Afrindən geri çəkib. Amerikalı əsgərlər Fərat çayının şərqinə keçiblər.
Müşahidəçilər amerikalıların bu addımını Türkiyə ordusunun Afrində əməliyyat keçirəcəyi ilə izah edirlər.
Qeyd edək ki, Türkiyə dəfələrlə YPG terrorçularına Fərat çayının şərqinə keçmələri üçün xəbərdarlıq edib. Lakin Ankaranın çağırışlarına qarşı tərəfdən müsbət cavab verilməyib.
Teqlər:
Tarixdə ilk dəfə qaradərili general Pentaqonun rəhbəri təyin edilib
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.
Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.
O, 2016-cı ildə ordudan istefa verərək sonradan Nümayəndələr Palatası və Senatın üzvü olub.
Teqlər:
Ermənistan dünyanın vecinə deyil - Serj Sarqsyanın səfir kürəkənindən şok sözlər
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.
Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.
Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.
Yanvarın 25-nə qədər ölkədə ictimai nəqliyyat işləməyəcək
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.
Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.
Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.
Qeyd edək ki, Bakı metropolitenində də sərnişindaşıma dayandırılıb.