Tbilisidə xüsusi əməliyyat

Azərbaycanlı deputat: Dövlətə meydan oxuyan bu terrorçu niyə azadlığa buraxılıb?!

1435
(Yenilənib 19:55 23.11.2017)
Azər Süleymanov: "Hökumət cavab verməlidir: O silahlar və terrorçular paytaxta qədər necə gəlib çıxıb?!"

BAKI, 23 noyabr — Sputnik. Ötən gün Tbilisinin İsani-Samqor rayonunda, monarx Qabriel Salos prospekti №156 ünvanında cinayətkar qruplaşmanın üzvlərinin saxlanılması ilə bağlı xüsusi əməliyyat keçirilib. Bütün bu vaxt ərzində atışma gedib və güclü partlayış səsləri eşidilib. Əməliyyat nəticəsində cinayətkar qruplaşmanın bir üzvü saxlanılıb, 3 üzvü isə öldürülüb. Əməliyyat zamanı həmçinin Dövlət Təhlükəsizlik Xidmətinin bir əməkdaşı da həyatını itirib. Baş vermis hadisə ilə bağlı müxtəlif versiyalar səslənib. Gürcüstan parlamentinin "Milli Hərəkat" partiyasından olan azərbaycanlı deputatı Azər Süleymanov ötən gecə Tbilisidə baş verənləri Sputnik Azərbaycan-a şərh edib.

"Bu antiterror əməliyyatı idi. 24 saatdan çox 3 terrorçu ilə atışma oldu. Təəssüflər olsun ki, bir xüsusi təyinatlı əsgərimiz dünyasını dəyişdi, bir neçə yaralımız oldu. Terrorçuların 3 nəfəri hadisə yerindəcə güllələnib, 1 nəfər də tutulub. Başqa versiyalar da. Biz də dövlətdən açıqlama gözləyirik. Bu gün başqa bir versiya da çıxıb ki, əməliyyatın aparıldığı evdə qadın və uşaq da olub" – deyən Süleymanov müxalifətçi millət vəkili olaraq baş verənlərin hələlik onlar üçün də sirr olaraq qaldığını bildirib.

O qeyd edib ki, bu terrorçuların, onların istifadə etdiyi silahların Tbilisiyə haradan və necə gəldiyinə aydınlıq gətirilməlidir: 

"Dövlətin terrorla mübarizəyə məsul olan qurumu, antiterror qrupları var. Onlar terrorçuların istifadə etdikləri silahların, qumbaraların Tbilisiyə necə gəlib çıxdığına aydınlıq gətirməlidirlər. Onların Pankisidən necə gəlib paytaxta daxil olduqları barədə suallara cavab verməlidirlər."

Verilən məlumatlara görə, 2016-cı ilin 28 iyununda İstanbul Atatürk Beynəlxalq Hava Limanında 47 nəfərin ölümü, 250-yə yaxın insanın yaralanması ilə nəticələnən terror aktının təşkilatçılarından biri olan "Təkqol" ləqəbli terrorçu Əhməd Receboviç Çatayev də ötən gün Tbilisidə keçirilən antiterror əməliyyatda öldürülüb. Azər Süleymanov onun Gürcüstan hökumətini hədələdiyini bildirib:

"Çatayev bir neçə ay bundan əvvəl Gürcüstandan tələb etmişdi ki, onun həbsxanada olan silahdaşı azad edilməsə, Gürcüstanın müxtəlif yerlərində terror aktları törədəcək. O, hesab edirdi ki, bu bəyanatdan qorxan turistlər Gürcüstana gəlməyəcək, dövlət də ona güzəştə gedəcək. Əlbəttə, dövlət terrorçulara heç bir halda güzəştə getməməlidir. Qəribədir ki, xüsusi xidmət orqanları 24 saat 3 terrorçu ilə mübarizə aparıb. Amma bu gün nə baş verdiyinə dair bir açıqlama verə bilmirlər. Saakaşvilinin (Gürcüstanın eks-prezidenti Mixail Saakaşvili-red.) vaxtında Çatayev uzunmüddətli həbsxanaya atılmışdı. Amma bugünkü hakimiyyət onu azadlığa buraxdı. Bizim bu gün dövlətə də sualımız var ki, Gürcüstan dövlətinə, əhalisinə meydan oxuyan bu cür terrorçuların azadlığa buraxılmasının səbəbi nə idi?" 

Qeyd edək ki, Gürcüstanın DTX-sı bir tərəfdən antiterror əməliyyatı, digər tərəfdən isə təlim keçdiklərini açıqlayıb. Bu informasiyalar əhali arasında çaşqınlar yaradıb. "Antiterror əməliyyatı ilə DTX təlimlərinin eyni vaxta salınması nə dərəcədə məqsədəuyğun idi?" sualının cavabında Azər Süleymanov deyib ki, dövlət bu qarışıqlığa izahat tapa bilmir. O, DTX-nı bu cür proseslərə çevik reaksiya verə bilməməkdə və zəiflik nümayiş etdirməkdə günahlandırıb:

"Düzü xüsusi təyinatlıların belə önəmli məqamlarda zəif iştirakı bizi məyus etdi. Ötən gün baş verənlər insanları da şoka saldı. 24 saat ərzində paytaxt əhalisini, turistləri səksəkədə saxlamaq dövlət qarşısında çoxlu suallar doğurur. Dünən Gürcüstanın hər yerində terrorçularla bağlı axtarışlar başladı. Xəta baş verəndən, bu işlər başımıza gələndən sonramı tədbirlər görülməlidir?! Dövlət xəta baş verənə qədər çalışmalıdır ki, bu cür halların qarşısı alsın".

Terrorçuların Tbilisiyə ayaq açmasında Rusiya XXO-nın rolunun olduğu barədə mediada səslənən versiyaları şərh edən Azər Süleymanov deyib:

"Əgər bu çeçen əsilli terrorçular Gürcüstan vətəndaşı deyillərsə, deməli, Rusiya vətəndaşıdırlar. Ona görə media "Rusiyanın barmağı" versiyasını irəli sürür. Bu işdə çoxlarını günahlandırmaq olar. Əgər Gürcüstanın paytaxtında Rusiya vətəndaşı olan dörd terrorçuya qarşı əməliyyat keçirilirsə, deməli, bunun müəyyən mənada Rusiyaya da dəxli var. Rusiyanın 4 vətəndaşı Gürcüstan paytaxtında təxribat törədirsə, Rusiyanın buna cavabı olmalıdır". 

Deputat bu cür hadisələrin Gürcüstanın başına ilk dəfə gəlmədiyini xatırladıb. Qeyd edib ki, Abxaziya və Osetiya kimi problemləri olan bir dövlət, onun xalqı bu cür hadisələrə hazır olmalıdır.

Artıq paytaxtda həyatın normal axarına döndüyünü vurğulayan deputat bu gün Gürcüstanda Georqoba (böyük din şəhidi sayılan Müqəddəs Georginin anadan olduğu gün Gürcüstanda dövlət bayram kimi qeyd olunu və qeyri-iş günü sayılır-red.) bayramının qeyd edildiyini xatırladıb.

Gürcüstanın daxili işlər naziri Georgi Qaxariya isə Tbilisdə keçirilən antiterror əməliyyatları ilə spekulyasiya etməməyə çağırıb.

Sputnik Gürcüstan xəbər verir ki, Qaxariya baş verənlərlə bağlı sakit araşdırma aparmağa vaxtlarının olduğunu deyib. "Heç kəsin baş verənlərlə bağlı interpretasiyalar etmək ixtiyarı yoxdur. Əlbəttə, biz hər şeyi müzakirə edəcəyik. Lakin nə qədər ki, araşdırmalar, ekspertiza başa çatmayıb, yersiz müzakirələrdən çəkinmək lazımdır" – deyə Qaxariya jurnalistlərə bildirib. O, DTX əməkdaşının ölümünə görə təəssüfləndiyini deyib: "Bu, çox böyük itkidir. Onu daim xatırlamaq və öz həyatını qurban verdiyi işləri davam etdirmək bizim borcumuzdur."

Gürcüstanın baş naziri Georgi Kvirikaşvili isə paytaxtda baş verən xüsusi əməliyyat barədə deyib ki, Tbilisi sakinlərini heç bir təhlükə təhdid etmir. O, ekspertləri və siyasətçiləri spekulyasiyalardan qaçmağa çağırıb. 

Qeyd edək ki, Çatayev 2015-ci ildə BMT-nin qərarı ilə terrorçu kimi tanınıb və terror təşkilatları ilə əlaqəsi olan şəxslərin siyahısına salınıb.

O, bu yaxınlarda Gürcüstan hakimiyyətinə məktub yazaraq silahdaşı Ayuf Borçaşvilinin azadlığa buraxılmasını tələb edib. Əks təqdirdə Gürcüstan ərazisində terror aktları törədəcəyini və bununla da turistlərin bu ölkəyə gəlişini əngəlləyəcəyini bildirib.

Ötən gün keçirilən əməliyyatlarda o və iki silahdaşı öldürülüb, digər terrorçu ilə yaralı surətdə ələ keçirilib. Xüsusi xidmət orqanlarının bir əməkdaşı ölüb, ikisi yaralanıb. Əməliyyatın gedişində yaralanan şəxslər arasında DİN-in Xüsusi Tapşırıqlar Departamentinin iki əməkdaşı da var.

1435
Əlaqədar
Parlamentdə terror təşkilatının bayrağı açıldı
Terrorçular qanun keşikçilərinə atəş açdılar
Terrorçu lider amerikalıların ölkədən getməsini istəmir
Yollarımızdakı "Shacman" terrorunun səbəbi: 200 manatlıq "icazə"
Co Bayden

Co Baydendən transgenderlərə yaşıl işıq

23
Ağ Ev: Prezidentin bu gün imzaladığı sərəncama əsasən, xidmətə yararlı olan hər bir amerikalı ABŞ Silahlı Qüvvələrində xidmət edəcək.

BAKI, 25 yanvar - Sputnik. ABŞ prezidenti Co Bayden sələfi Donald Trampın ABŞ Silahlı Qüvvələrində transgenderlərin xidmətinə qoyduğu qadağanı ləğv edib.

Sputnik Azərbaycan xəbər verir ki, bu barədə məlumat Ağ Evdən yayılıb. Məlumatda deyilir: 

“Prezidentin bu gün imzaladığı sərəncama əsasən, xidmətə yararlı olan hər bir amerikalı ABŞ Silahlı Qüvvələrində xidmət edəcək. Co Bayden inanır ki, cinsiyyət hərbi xidmətə mane olmamalıdır”.

Qeyd edək ki, Ağ Evə gəldikdən qısa müddət sonra keçmiş prezident Donald Tramp transgenderlərin ABŞ ordusunda hər hansı bir vəzifə tutmasının əleyhinə olduğunu bəyan etmişdi.

2019-cu ildə ABŞ Müdafiə Nazirliyi transgenderlərin əksəriyyətinin ABŞ ordusunda xidmətini qadağan edən direktiv imzalayıb.

23
Teqlər:
Co Bayden
Plastik tullantılar, arxiv şəkli

Plastik tullantılardan insanları gözəlləşdirmək üçün istifadə edəcəklər

11
(Yenilənib 20:19 25.01.2021)
Elm adamları yüksək temperaturda və təzyiqdə sabit qaldığı, enerji çevrilməsi üçün əla bir material olduğu üçün perovskiti (kalsium titanat) seçiblər.

BAKI, 25 yanvar — Sputnik. Şimal-Qərb Universitetinin, Argonne Milli Laboratoriyasının və Eymes Laboratoriyasının alimləri plastik tullantıların təkrar emalı üçün yeni bir üsul icad ediblər.

Sputnik Azərbaycan xarici mətbuata istinadla xəbər verir ki, onun köməyi ilə zibil motor yağları, sürtkü yağları, yuyucu vasitələr və hətta kosmetika istehsalı üçün uyğun bir maye halında olan maddəyə çevrilə bilər.

Məlumdur ki, dünyada hər il 380 milyon ton plastik istehsal olunur. Mütəxəssislərin fikrincə, 2050-ci ilə qədər bu rəqəm dörd dəfə arta bilər. Məhsulların 75% -dən çoxu birdəfəlik istifadədən sonra atılır və ətrafa, o cümlədən çaylara, dənizlərə və okeanlara daxil olur.

Plastik tullantıları emalının müasir üsulları problemi həll edə bilməz. Birdəfəlik məhsullar əriyib emal edilə bilər. Amma nəticədə aşağı keyfiyyətli material alınır.

Yeni araşdırmanın müəllifləri məsələyə fərqli yanaşıblar.

Elm adamları yüksək temperaturda və təzyiqdə sabit qaldığı, enerji çevrilməsi üçün əla bir material olduğu üçün perovskiti (kalsium titanat) seçiblər.

Müəyyən şərtlərdə katalizator plastikin karbon-karbon bağını parçalayır və maye karbohidrogenlər əldə edilir. Belə bir maye müxtəlif texniki və ya kosmetik məhsulların istehsalı üçün uyğundur.

11
Kadir Doğulu və Neslihan Atagül

"Səfirin qızı" rolunun ifaçısı serialdan ayrılıb

0
(Yenilənib 06:58 26.01.2021)
Neslihan Atagülun son durumu "Instagram" izləyicilərini məyus edib və onlar aktrisaya şəfa diləyiblər.

BAKI, 26 yanvar — Sputnik. Səhhətində ciddi problemlər yarandığı üçün "Sefirin Kızı" serialından ayrılan Neslihan Atagül ilə bağlı yeni xəbər var.

Sputnik Azərbaycan xəbər verir ki, aktrisanın xəstəxanadan görüntüsü yayılıb. Onun bu halı "Instagram" izləyicilərini məyus edib və onlar aktrisaya şəfa diləyiblər. Aktrisa xəstəxanadan video çəkərək hazırda vəziyyətinin yaxşı olduğunu, müalicənin davam edəcəyini bildirib.

Məlumat üçün bildirək ki, gənc aktrisa bağırsaq sızması sindromundan əziyyət çəkir. Bu səbəbdən sürətlə arıqlayan Neslihan hətta çəkilişlərə son verib və "Sefirin kızı" serialından ayrılıb.

0