Süleyman Kərimov

Qafqazlı milyarderdən 5 milyon avro girov tələb olunur

83
(Yenilənib 18:49 23.11.2017)
Rusiyalı senator Süleyman Kərimov Fransada həbsxanada yatmayacaq

BAKI, 23 noyabr — Sputnik. Rusiyalı senator Süleyman Kərimov Fransada həbsxanada yatmayacaq. Lakin bunun üçün o, ölkədə qalmalı və 5 milyon avro girov qoymalıdır.

Sputnik Azərbaycan Rusiya mediasına istinadla xəbər verir ki, bunu Nitsa şəhərinin prokuroru Jan-Mişel Pretr deyib.

Həmçinin senatorun üzərinə öhdəlik qoyulub ki, o, həftədə bir neçə dəfə polisə getməli, pasportunu verməli və bir sıra şəxslərlə əlaqə saxlamamalıdır.

Daha əvvəl Kərimova qarşı vergilərdən yayınma və pulların yuyulması ittihamı elan edilib.

O, bu həftənin bazar ertəsi Nitsada saxlanılıb. Çərşənbə günü isə Kərimov sorğu üçün məhkəməyə gətirilib. Prosedura əsasən, məhkəmə araşdırmaçısı (bizdə dövlət ittihamçısı — red.) saxlanılan şəxs barədə həbs qətimkan tədbirinin seçilməsini məqsədəuyğun sayır. Hakim isə bunun əksinə olan tədbiri seçir.

Rusiyanın Xarici İşlər Nazirliyi (XİN) Fransa hökumətinə rəsmi nota göndərib. Bununla yanaşı Fransadakı vəziyyətə aydınlıq gətirmək üçün müvəqqəti işlər vəkili ölkəyə çağırılıb.

Rusiya prezidentinin mətbuat katibi Dmitri Peskov bildirib ki, senator Kərimov diplomatik pasport daşıyır və onun maraqlarının müdafiəsi istiqamətində iş gedir.

Lakin Fransa XİN-in rəsmi nümayəndəsi bəyan edib ki, Kərimovun diplomatik toxunulmazlığı yalnız onun rəsmi səlahiyyətləri çərçivəsindəki hərəkətlərinə aiddir və bunun hazırkı vəziyyətə şamil edilib-edilməməsini məhkəmə müəyyən edəcək.

Süleyman Kərimov Federasiya Şurasının Dağıstandan olan üzvüdür.

Rusiya parlamentində təmsil olunan qafqazlı milyarderdir. O, Rusiyanın ən varlı və nüfuzlu şəxslərindən biri hesab olunur. 1966-cı ildə Dərbənddə doğulub. 1998-ci ildən "Nafta-Moskva" investisiya holdinqinin sahibi olan Kərimov "Forbes" jurnalinın versiyasına əsasən milyonçuların reytinq cədvəlində 217-ci yerdə gedir. "Forbes" ən varlı sahibkarların reytinqində isə onun adını 21-ci yerdə yerləşdirib.

83
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

54
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

54
Beyrutdakı partlayışda

Azərbaycan Livana 1 milyon dollar yardım ayırdı

27
(Yenilənib 23:19 05.08.2020)
Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

BAKI, 5 avqust — Sputnik. Baş vermiş faciənin nəticələrinin aradan qaldırılması üçün Livan Respublikasının humanitar yardıma ehtiyacını nəzərə alaraq, həmin ölkəyə maliyyə yardımının göstərilməsi məqsədilə Azərbaycan Respublikasının 2020-ci ilin dövlət büdcəsində nəzərdə tutulmuş ehtiyat fondundan Azərbaycan Respublikasının Xarici İşlər Nazirliyinə 1 000 000 (bir milyon) ABŞ dollarının manat ekvivalenti məbləğində vəsait ayrılacaq. Sputnik Azərbaycan-ın məlumatına görə, bu barədə Baş Nazir Əli Əsədov Livan Respublikasına maliyyə yardımının göstərilməsi barədə sərəncam imzalayıb. 

Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

Bu Sərəncam imzalandığı gündən qüvvəyə minir.

27