Atatürk

Atatürk düşmən elan olundu

1418
(Yenilənib 15:44 17.11.2017)
Mənə deyirlər ki, dünyanın super gücü olan ABŞ-a qarşı niyə belə danışırsan? Bizim üçün ən güclü Allahdır

BAKI, 17 noyabr — Sputnik. Norveçdə keçirilən NATO hərbi təlimində Türkiyə dövlətini və millətini qəzəbləndirən hadisə yaşanıb. Sputnik Azərbaycan "Hürriyet"-ə istinadən xəbər verir ki, məlumatı Türkiyə prezidenti Rəcəb Tayyib Ərdoğan özü verib. Partiyasının qrup toplantısında danışan Ərdoğan, NATO və ABŞ əleyhinə çox sərt ifadələr səsləndirib.

"Dünən Norveçdə maraqlı bir vəziyyət yaranıb. NATO-nun hərbi təlimində düşmən hədəf lövhəsinə Atatürkün və mənim adımı yazıblar. Və əsgərlərə bu lövhələri "vur" əmri verilib. Bu barədə Baş Qərargah rəisimiz və Avropa İttifaqı nazirimiz telefonda mənə bildirdilər. Dərhal təlimat verdim, 40 əsgərimizi həmin təlimdən geri çəkdik" – Ərdoğan bildirib.

"Belə ittifaq ola bilməz. Fərqli yerlərdə fərqli oyunlar gedir. Mənə deyirlər ki, dünyanın super gücü olan ABŞ-a qarşı niyə belə danışırsan? Bizim üçün ən güclü Allahdır. Əgər silahı güc olaraq qəbul ediriksə, o zaman siyasəti buraxaq. Biz mübarizə yolumuzu seçmişik. Qalib sadəcə Allahdır" – Türkiyə prezidenti əlavə edib.

Ərdoğan sonda qeyd edib ki, ABŞ-ın bütün maneələrinə baxmayaraq terrorçu PYD/YPG ilə mübarizə davam edəcək: "Biz Amerikanın planlarını görürük. Onlar türk ordusunun PYD-yə qarşı hərbi əməliyyat başlamasına mane olmağa çalışır. Bu, müttəfiqliyə sığmayan çirkin davranışdır".

1418
Teqlər:
NATO hərbi təlimi, hədəf, Atatürk, PYD, əməliyyat, atəş, Ərdoğan
Əlaqədar
Ərdoğandan Atatürk açıqlaması
Ərdoğanın oğlu Atatürk liseyini dini məktəbə çevirdi
Atatürk Hava Limanında həyəcan siqnalı
Ərdoğan Atatürk haqda elə ifadə işlətdi ki...
Türkiyədə Atatürkün heykəlini yıxdılar
Xorvatiya-Şotlandiya matçında oyun məqamı

Xorvatiya millisi şotlandiyalılara qalib gələrək AVRO-2020 pley-off mərhələsinə çıxdı

309
(Yenilənib 01:35 23.06.2021)
Futbol üzrə Xorvatiya yığma komandası Şotlandiya millisi üzərində Avropa çempionatının qrup mərhələsində qələbə çalaraq 1/8 final mərhələsinə yüksəlib.

"D" qrupunun son turunda Qlazqoda keçirilən qarşılaşma 3:1 hesabı ilə xorvatların xeyrinə başa çatıb. Qalib komandanın heyətində qolları Moskvanın MOİK komandasının oyunçusu Nikola Vlaşiç (17-ci dəqiqə), Luka Modriç (62) və İvan Pereşiç (77) vurublar.

Şotlandiyalıların heyətində Kallum Makqreqor rəqib komandanın qapısına yol tapıb (42).

Stadionda oyuna 9896 azarkeş tamaşa edib.

"D" qrupunun digər oyununda Londonda İngiltərə-Çexiya oyunu 1:0 hesabı ilə ingilislərin xeyrinə başa çatıb.

Beləliklə, İngiltərə yığması 7 xalla qrupun lideri olaraq çempionatın 1/8 finalına yüksəlib. Pley-off mərhələsində onun rəqibi "F" qrupunda ikinci yeri tutmuş komanda olacaq.

Xorvatiya millisi 4 xalla öz qrupunda ikinci yerdə qərarlaşıb və 1/8 finalda "E" qrupunda ikinci yeri tutmuş komanda ilə üz-üzə gələcək.

Çexiya millisi son oyunda məğlubiyyətə baxmayaraq qrupda üçüncü yerdən pley-off mərhələsinə adlaya bilib.

Qrupun autsayderi olan Şotlandiya millisi isə üç turda 1 xal toplayaraq turnirdə çıxışlarını başa vurub.

İngiltərə, Xorvatiya və Çexiya komandalarının 1/8 finaldakı rəqibləri çərşənbə günü müəyyən olunacaq.

309
İngiltərə millisinin oyunçuları qola sevinirlər

İngiltərə yığması Çexiya millisi üzərində qələbə qazanıb

270
(Yenilənib 01:31 23.06.2021)
Londondakı oyunda yeganə qolu Cek Qrilişin ötürməsindən sonra ingilislərin hücumçusu Rahim Sterlinq vurub.

Futbol üzrə İngiltərə millisi Avropa çempionatının qrup mərhələsində Çexiya komandasını məğlub edib.

"D" qrupunun üçüncü turunun Londonda keçirilən qarşılaşması 1:0 hesabı ilə ingilislərin xeyrinə başa çatıb. Oyunda yeganə qolu 12-ci dəqiqədə Rahim Sterlinq vurub.

Moskvanın "Spartak" komandasının və Çexiya millisinin yarımmüdafiəçisi Aleks Kral oyunun 64-cü dəqiqəsində meydana çıxıb.

Hər iki yığma komanda turnirin pley-off mərhələsinə vəsiqə alıb.

Bu dördlüyün digər oyununda Xorvatiya millisi Qlazqoda Şotlandiya komandasını məğlub edib.

İngiltərə yığması 7 xal qazanaraq D qrupunda 1-ci yerdən 1/8 finala çıxıb. Pley-offda onun rəqibi F kvartetindən ikinci komanda olacaq. Xorvatiya millisi 4 xalla ikincidir və 1/8 finalda E kvartetinin ikincisi ilə oynayacaq. 

Çexlər 4 xalla üçüncü pillədən pley-offa çıxıblar. 

Şotlandlar üç turdan cəmi 1 xal aldıqlarına görə turnirdəki çıxışlarını dayandırıblar. 

İngiltərə, Xorvatiya və Çexiyanın 1/8 finaldakı rəqibləri çərşənbə günü bəlli olacaq.

270
Vladimir Putin

Bunlar dünya üçün təhdiddir Putin siyahını açıqladı

0
(Yenilənib 11:49 23.06.2021)
Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

BAKI, 23 iyun — Sputnik. Rusiya Prezidenti Vladimir Putin dünyada təhlükəsizlik üçün təhdidləri açıqlayıb. Sputnik Azərbaycan "RİA Novosti"-yə istinadən xəbər verir ki, Putin kütləvi qırğın silahlarının yayılması risklərini, beynəlxalq kriminal, kibercinayətkarlıq və terrorizmi dünyaya təhdid adlandırıb.

"Regionda silahlı münaqişələr, kütləvi qırğın silahlarının yayılması riskləri, transsərhəd kriminal qruplaşmaların, narkobiznes və kibercinayətkarlığın aktivliyi ciddi narahatlıq doğurur. Beynəlxalq terrorizm hələ də əsas təhdid olaraq qalır." - deyə Putin IX Moskva Beynəlxalq Təhlükəsizlik Konfransı iştirakçılarına müraciətində bildirib.

O, həmçinin bildirib ki, Rusiya öz xalqı üçün sülh və sabitliyi təmin etmək məqsədilə hər şeyi edəcək, öz Silahlı Qüvvələrini təkmilləşdirəcək, diplomatiyanın imkanlarından istifadə edəcək və bütün maraqlı tərəfdaşlarla dialoq aparacaq.

Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

Konfransdakı müzakirələr nəinki müxtəlif ölkələrin mövqelərini daha yaxşı anlamağa, həm də beynəlxalq hərbi əməkdaşlığın perspektivli sahələrini müəyyənləşdirməyə imkan verir.

İlk dəfə beynəlxalq konfrans 2012-ci il 3-4 may tarixlərində keçirilib və "Yeni təhlükəsizlik məkanının formalaşmasında raket əleyhinə müdafiə amili" mövzusuna həsr edilib.

0