İŞİD-ə qarşı beynəlxalq koalisiyanın amerikalı mətbuat katibi Rayn Dilon (solda)

ABŞ-dan xain etiraf: PKK-nı Türkiyədən qoruyacağıq

270
(Yenilənib 21:18 15.11.2017)
Rayn Dilon, Türkiyəyə PYD ilə vuruşmaqdansa, bütün gücünü İŞİD-ə sərf etməyi məsləhət görüb

BAKI, 15 noyabr — Sputnik. İŞİD-ə qarşı beynəlxalq koalisiyanın amerikalı mətbuat katibi Rayn Dilon gözlənilməz etiraf edib. İraqın paytaxtı Bağdadda video konfrans vasitəsilə jurnalistlərin suallarını cavablandıran Dilon, PKK-nın Suriyadakı qolu olan PYD/YPG-ni Türkiyədən qoruyacaqlarını bildirib. Sputnik Azərbaycan bu barədə "Hürriyet"-ə istinadən xəbər verir.

Jurnalistlərdən birinin "Türkiyə ordusu PYD-nin nəzarətində olan Suriyanın Afrin şəhərinə müdaxilə etməyə hazırlaşır, planınız nədir" sualına Dilon, "Hələlik belə bir şey eşitməmişik, ancaq baş versə, əlbəttə müttəfiqimiz PYD-ni qoruyacağıq" cavabını verib.

Rayn Dilon əlavə edib ki, Türkiyə PKK-nın qolu olan PYD ilə vuruşmaqdansa, bütün gücünü İŞİD-ə sərf etsə daha yaxşı olar.

Xatırladaq ki, dünən İngiltərənin BBC telekanalı ABŞ-ın PYD ilə birgə Raqqada həyata keçirdikləri hərbi əməliyyatla bağlı şok videogörüntülər paylaşıb. Həmin görüntülərdə ABŞ və PYD-li döyüşçülərin İŞİD terrorçularının şəhəri tərk etmələrinə şərait yaratdıqları, onlara 1 güllə belə atmadıqları görünür.

Qeyd edək ki, rəsmi Ankara PYD-ni PKK terror təşkilatının Suriyadakı qolu hesab etsə də, ABŞ başçılıq etdiyi Qərb ittifaqı sözügedən terrorçulara ağır silah yardımı göndərməyə davam edir.

270
Teqlər:
xain etiraf, Rayn Dilon, PYD, PKK, Beynəlxalq koalisiya, Türkiyə, İŞİD
Əlaqədar
İsraildən açıqlama: "Biz PKK-nı terrorçu olaraq görürük, amma..."
İrandan Türkiyəyə sürpriz "PKK" təklifi
PKK-dan Amerikaya çağırış: türkləri durdurun
Suriyanın bölüşdürülməsi planı razılaşdırıldı, pay bölgüsündə PKK da var
"PKK-çıları döyün" əmrini Ərdoğan özü verib
Koronavirus xəstəsi

Ermənistanda koronavirusa yoluxanların sayı 171-ə yaxınlaşır

6
(Yenilənib 20:54 24.02.2021)
Ümumilikdə bu virusdan ölənlərin sayı 3175-ə çatıb. Xəstəlikdən sağalanların sayı 162517 nəfər olub. Hazırda bu ölkədə 4445 nəfər xəstəxanada müalicə alır.

BAKI, 24 fevral — Sputnik. Ermənistanda koronavirusa yoluxanların sayı 170945-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 273 nəfər artıb.

Ermənistanda son gündə daha 4 nəfər ölüb. Ümumilikdə bu virusdan ölənlərin sayı 3175-ə çatıb. Xəstəlikdən sağalanların sayı 162517 nəfər olub. Hazırda bu ölkədə 4445 nəfər xəstəxanada müalicə alır.

Xatırladaq ki, koronavirus infeksiyası 2019-cu ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 111,7 milyonu keçib, 2,47 milyondan çox insan isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

6
Teqlər:
Koronavirus, epidemiya, COVID-19, Ermənistan
Afrikada koronavirus

ÜST koronavirus haqda: Vəziyyət ərəbcədir azalır, amma yayılır

12
(Yenilənib 16:03 24.02.2021)
Dünyada koronavirusa yoluxma hallarının sayında altı həftədir ki, azalma qeydə alınır: Ötən həftə 2,4 milyon yoluxma halı qeydə alınıb ki, bu da əvvəlki həftədən 11% azdır.

BAKI, 24 fevral — Sputnik. Dünyada koronavirusa yoluxanların sayı, həmçinin ondan ölənlərin sayı azalmağa davam edir, lakin koronavirus mutasiyasının aşkarlandığı ölkələrin sayı artır. Sputnik Azərbaycan xəbər verir ki, bu barədə məlumat Ümumdünya Səhiyyə Təşkilatının (ÜST) saytında yerləşdirilib.

"Dünyada koronavirusa yoluxma hallarının sayında altı həftədir ki, azalma qeydə alınır: Ötən həftə 2,4 milyon yoluxma halı qeydə alınıb ki, bu da əvvəlki həftədən 11% azdır. Yeni ölüm faktlarında da azalma qeydə alınır. Belə ki, ötən həftə təxminən 66 min yeni ölüm faktı qeydə alınıb ki, bu da ondan əvvəlki həftə ilə müqayisədə 20% çoxdur", - deyə ÜST-ün məlumatında bildirilir.

Bu arada ÜST bildirir ki, koronavirusun yeni ştamları yayılmağa davam edir. Son məlumatlara görə, "Britaniya" ştammı artıq 101 ölkədə, "Cənubi Afrika" ştammı 51, "Braziliya" ştammı isə 29 ölkədə qeydə alınıb.

Xatırladaq ki, koronavirus infeksiyası 2019-cu ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 112,1 milyonu keçib, 2,48 milyondan çox insan isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

12
Teqlər:
ÜST, pandemiya, Koronavirus, epidemiya, COVID-19
Mövzu:
Yeni tip koronavirus pandemiyası
Səhnə

"Sözün nizamı" - festivala Milli Teatr Günündə yekun vurulacaq

0
(Yenilənib 00:50 25.02.2021)
Bədii qiraət festivalı nəticələrinin onlayn səsverməyə uyğun dəyərləndirilməsi planlaşdırılır. Festivala Milli Teatr Günündə yekun vurulması nəzərdə tutulub.

BAKI, 25 fevral — Sputnik. Bakı Şəhər Mədəniyyət Baş İdarəsinin Bakı Uşaq və Gənclər Teatrı "Bir teatr, bir festival" layihəsi çərçivəsində "Sözün nizamı" adlı V festivalını keçirir.

Sputnik Azərbaycan xəbər verir ki, festival görkəmli şair və mütəfəkkir Nizami Gəncəvinin 880 illik yubileyinə həsr olunub.

Festivalda Bakı Uşaq və Gənclər Teatrının aktyorları Nizami poeziyasından nümunələrlə çıxış edəcəklər. Aktyorlar tərəfindən təqdim olunan materiallar martın 3-nə qədər video şəklində çəkilib, Bakı Uşaq və Gənclər Teatrının "YouTube" kanalında yerləşdiriləcək. Bədii qiraət festivalı nəticələrinin onlayn səsverməyə uyğun dəyərləndirilməsi planlaşdırılır. Festivala Milli Teatr Günündə yekun vurulması nəzərdə tutulub.

0