Türk polisi, arxiv şəkli

Azərbaycanlı məmurun adı İstanbulda 5 milyon dollarlıq sui-qəsddə niyə hallanır?!

1139
(Yenilənib 20:15 12.03.2020)
Şeyx Həmzət Lotu Qulini təkcə Lənkəranskinin intiqamını almaq üçün deyil, həm də onu satdığı üçün axtarır

BAKI, 10 noyabr — Sputnik. İstanbulun "Bahçelievler" məhəlləsində Ömür Plaza AVM-də mafioz qrupa qarşı həyata keçirilən əməliyyatın pərdə arxası üzə çıxıb.

Türkiyənin Hürriyət qəzetinin yazdığına görə, mütəşəkkil cinayətkar dəstə Şirinlər-ə qarşı keçirilən əməliyyatda saxlanılan şübhəlilərin 2016-cı ilin avqustunda İstanbulda öldürülən azərbaycanlı kriminal avtoritet Rövşən Canıyevə (Lənkəranski) qarşı sui-qəsdin intiqamını almaq məqsədilə Azərbaycandan Türkiyəyə gələn 4 nəfərlə 5 milyon dollarlıq razılığa gəlmək üçün görüşdüyü iddia edilir.

İstanbul Polisinin Mütəşəkkil Cinayətkarlıqla Mübarizə İdarəsinin dəstələri 2 noyabr axşamı "Bahçelievler"dəki bir ticarət mərkəzində mütəşəkkil cinayətkar dəstə "Şirinlər"ə qarşı əməliyyat həyata keçirib. Əməliyyat zamanı təşkilatın lideri "Max" ləqəbli Mehmet Sabri Şirinin də aralarında olduğu 8 şübhəli şəxs saxlanılıb. İstintaqın gedişində daha 5 nəfər də yaxalanıb. 

İstintaqın gedişi zamanı şübhəlilərlə bağlı yeni detallar üzə çıxıb. Sən demə, kriminal avtoritet Rövşən Canıyevin məmur qardaşı Namiq Canıyev 4 nəfərlə birlikdə qardaşının intiqamını almaq üçün danışıqlar aparıb. O, qarşı tərəfə qardaşının intiqamı müqabilində 5 milyon dollar təklif edib.

Əməliyyat zamanı intiqam planı üçün "Şirinlər" dəstəsi ilə anlaşmaq məqsədilə Bakıdan İstanbula gələn Azərbaycan əsilli 4 şübhəli (Orxan İsmayılov, Camal Tofiq oğlu Həsənov, Hacı Beyləqanski ləqəbli "qanuni oğru" Talıbxanlı Hacıbaba Tahir oğlunun da bu adamlar arasında olduğu bildirilir — red.) də daxil olmaqla 13 nəfər nəzarət altına alınıb. Namiq Canıyev ilkin dindirmədən dərhal sonra Azərbaycandan edilən bir zəng nəticəsində buraxılsa da, daha sonra yenidən nəzarətə götürülüb.

Onlardan 9 silah müsadirə edilib. Saxlanılan şəxslərin evlərində və avtomobillərində də axtarış aparılıb.

Sputnik Azərbaycan-a Türkiyədəki mənbələrdən verilən məlumata görə, müsadirə edilən silahlar rəsmən qeydiyyatdan keçib və mühafizə xidmətinin əməkdaşlarına məxsus olub. İstanbul polisindən bildirildiyinə görə, onlara mafioz qrupların üzvlərinin görüşəcəyi və sui-qəsdin müzakirə olunacağı barədə kəşfiyyat məlumat verilib. Əməliyyat da bu məlumat əsasında keçirilib. İstanbul polisi sözügedən mafioz qruplaşmanın hər hansı cinayət faktı üzrə saxlanmadığını bildirib. "Sadəcə bizə məlumat verdilər və biz də təhlükəsizlik üçün lazımı addımı atdıq" — deyə İstanbul polisindəki mənbə bildirib.

Kriminal dairələrə yaxın mənbədən Sputnik Azərbaycan-a bildirildiyinə görə, Rövşən Lənkəranskinin öldürülməsindən sonra onunla əlaqəsi olan şəxslər Türkiyəyə gələrkən xüsusi xidmətlər tərəfindən ciddi surətdə izlənilir. Namiq Canıyevin İstanbula gəlişi də Türkiyənin təhlükəsizlik qüvvələrinin nəzərindən qaçmayıb. Onun biznes adı altında əslində qardaşının intiqamını almaq üçün vaxtilə Lənkəranski, eləcə də onun "qardaş" adlandırdığı çeçen kriminal avtoritet, oğru dünyasının "Ümumavropa kassası"nın nəzarətçisi Həmzət Qastəmirovla (Şeyx Həmzət) yaxın əlaqələri olan "Şirinlər" mafioz qrupunun liderləri ilə görüşə gəldiyi güman edilib. Maraqlıdır ki, kriminal aləmə yaxın mənbələrdən biri Canıyevin İstanbulda ona qardaşının intiqamını almağı söz vermiş Şeyx Həmzətlə görüşdüyünü bildirib. Mənbənin sözünə görə, Mehmet Sabri Şirinlə Canıyevi məhz Şeyx Həmzət əlaqələndirib. Şeyx Həmzət Lənkəranskinin intiqamını almaq və onun Türkiyədəki fəaliyyətini davam etdirmək üçün çeçen və türk mafiyaların ortaq işbirliyinə xeyir-dua verib. 

"Şirinlər"ə qarşı əməliyyat öncəsi Lənkəranskinin qətlinin sifarişində şübhəli bilinən Lotu Quli ləqəbli Nadir Səlifov da azadlığa çıxaraq dərhal İstanbula yerləşib. Lənkəranskinin adamları İstanbul polisinə Canıyevin intiqam üçün orada olduğu barədə xəbəri Qulinun adamlarının verə biləcəyini ehtimal edirlər. Çünki bir müddət əvvəl Rövşən Lənkəranskinin il mərasiminə qatılmaq və qəbrini ziyarət etmək məqsədilə Azərbaycana gələn Şeyx Həmzət daha sonra saxta pasport gəzdirməkdə və odlu silah saxlamaqda günahlandırılaraq 8 cangüdəni və aralarında yaxınlarının da olduğu 13 nəfərlə birlikdə Amsterdamın Sxiphol (Schiphol) hava limanı yaxınlığında saxlanılmışdı. Sonra Qastəmirov Hollandiya məhkəməsinə 3,6 milyon avro ödəyərək azadlığa çıxmışdı. Qastəmirovun adamları onu holland polisinə Lotu Qulinin adamlarının satdığını güman edirlər. Odur ki, Şeyx Həmzət Lotu Qulini təkcə Lənkəranskinin intiqamını almaq üçün deyil, həm də onu satdığı üçün axtarır.

İstanbul polisi Namiq Canıyevin həbsdə çox saxlanmayacağını, İstintaq başa çatandan dərhal sonra Azərbaycana göndəriləcəyini bildirib. Yaxın adamlarının bildirdiyinə görə, böyük ehtimalla, Canıyev sabah azadlığa çıxacaq.

Türkiyə mediası bildirir ki, "Şirinlər" qrupuna sonuncu dəfə 3 iyunda "Güngörən" məhəlləsində Saral qrupu tərəfindən hücum təşkil edilmişdi.

1139
Teqlər:
Hacı Beyləqanski, Namiq Canıyev, Nadir Səlifov, Rövşən Canıyev, İstanbul, Azərbaycan
Əlaqədar
Rövşən Lənkəranskinin qardaşı Türkiyədə kriminalların arasına necə düşüb
"Lotu Quli"yə qarşı sui-qəsd: Lənkəranskinin qardaşı tutuldu
"Lotu Quli"nin azadlıqda ilk görüntüsü yayıldı
"Lotu Quli"nin barəsində kimsənin bilmədiyi fakt üzə çıxdı
 Jozep Borrell, arxiv şəkli

Cozep Borrell: Azərbaycan-Ermənistan sərhədindəki vəziyyəti yaxından izləyir

194
(Yenilənib 22:41 14.05.2021)
Avropa İttifaqının Ali Nümayəndəsi Azərbaycan-Ermənistan sərhəddindəki vəziyyətlə bağlı bəyanat yayıb.

BAKI, 14 may - Sputnik. Avropa İttifaqının (Aİ) Xarici siyasət və Təhlükəsizlik məsələləri üzrə Ali Nümayəndəsi Cozep Borrell Azərbaycan-Ermənistan sərhəddindəki vəziyyətlə əlaqədar bəyanat yayıb.

APA-nın xəbərinə görə, bəyanatda qeyd olunub ki, Aİ Azərbaycan-Ermənistan sərhədindəki son vəziyyəti yaxından izləyir.

"Mənim adımdan Avropa Xarici Fəaliyyət Xidmətinin Baş katibi Stefano Sannino mayın 13-də Ermənistan xarici işlər naziri Ara Ayvazyan, mayın 14-də isə Azərbaycan xarici işlər naziri Ceyhun Bayramovla əlaqə saxlayaraq, hər iki tərəfi son dərəcə təmkinli olmağa və vəziyyəti gərginləşdirməməyə çağırıb. Aİ-nin Cənubi Qafqaz üzrə Xüsusi Nümayəndəsi Toivo Klaar ATƏT Sədrliyi ilə əlaqə saxlayıb", bəyanatda qeyd olunub.

Aİ-nin Ali Nümayəndəsi bildirib ki, sərhədin delimitasiyası və demarkasiyası yerli əhalinin təhlükəsizliyi naminə danışıqlar yolu ilə həll olunmalıdır: "Biz iki tərəf arasında texniki səviyyədə davam edən təmasları alqışlayırıq. Aİ münaqişənin hərtərəfli həllini dəstəkləyir və hər iki ölkəni regiondakı sabitliyi qoruyaraq sülh yolu ilə həlli tapmağa təşviq edir".

194
UEFA loqosu, arxiv şəkli

İstanbul bir itkinin əvəzini iki qazancla çıxacaq - UEFA-dan möhtəşəm qərar

443
İstanbulun iki böyük tədbirə ev sahibliyi etmək barədə qərarların, UEFA İcraiyyə Komitəsinin həyata keçirəcəyi ilk toplantıdan sonra ictimaiyyətə elan edilməsi gözlənilir.

BAKI, 14 may — Sputnik. 2023-cü ildə İstanbul UEFA Çempionlar Liqasının finalına ev sahibliyi edəcək.

Sputnik Azərbaycan bu barədə Anadolu Agentliyinə istinadən məlumat verir.

UEFA-nın 2021-ci il Çempionlar Liqası finalını İstanbuldan Portuqaliyanın Porto şəhərinə keçirmə qərarından sonra Türkiyə Futbol Federasiyası (TFF) ilə UEFA arasında keçirilən müzakirələrdə İstanbulun 2023-cü ildə oynanılacaq Çempionlar Liqası finalina ev sahibliyi edəcəyi qərarına gəlindiyi məlum olub.

Üstəlik bu ilin avqustunda oynanılacaq UEFA Superkuboku uğrunda görüşün də İstanbulda keçirilməsi barədə də razılıq əldə edildiyi bildirilir.

İstanbulun iki böyük tədbirə ev sahibliyi etmək barədə qərarların, UEFA İcraiyyə Komitəsinin həyata keçirəcəyi ilk toplantıdan sonra ictimaiyyətə elan edilməsi gözlənilir.

Xatırladaq ki, UEFA  dünən mayın 29-da İstanandabulda keçirilməsi planlaşdırılan Çempionlar Liqası finalının Portuqaliyaya keçirildiyini bildirib. Səbəb finalda iki ingilis klubunun oynamasıdır. Böyük Britaniya hökumətinin qərarına əsasən, bu ölkənin vətəndaşlarının Türkiyəyə getmək məsələsində ciddi məhdudiyyətlər mövcuddur və o səbəbdən britaniyalı oyunçular İstanbula gələ bilməyəcəklər. Beləliklə, İngiltərənin "Mançester Siti" və "Çelsi" komandaları arasında final oyunu Portuqaliyanın Porto şəhərində keçiriləcək.

443
Kosmos, arxiv şəkli

Alimlər Kainatın genişlənməsi haqqında yeni məlumatlar əldə ediblər

0
Alimlər hələ ki Kainatın genişlənmə sürətinin dəyişməsinə nəyin səbəb olduğunu bilmirlər. Ola bilsin ki, bunu izah etmək üçün kosmik miqyasda işləyən yeni fizika və ya onun modifikasiya olunmuş versiyanı yaratmaq lazım gələcək.

BAKI, 14 may - Sputnik. Astronomlar ifrat yeni ulduzların alışmasına dair kataloqdakı informasiyanı analiz ediblər və belə nəticəyə gəliblər ki, müşahidələrin məlumatları Kainatın dəyişən sürətlə genişlənməsi modelinə daha çox uyğundur. Tədqiqatın nəticələri ilə bağlı məqalə “Astrophysical Journal” nəşrində dərc edilməsi üçün hazırlanıb və “arXiv.org” preprint serverində yerləşdirilib.

Kainatın genişlənməsi sürəti kosmologiyanın vacib parametrlərindən biridir. Astrofiziklər adətən Habbl sabitindən çıxış edirlər. Lakin alimlər Kainatın genişlənməsi sürətini onun tarixinin müxtəlif dövrlərində müqayisə etməyə başlayanda müşahidələr nəzəri modellərlə tez-tez ziddiyyət təşkil edir.

AZƏRTAC bildirir ki, bu problemi həll etmək üçün Yaponiya Milli Astronomiya Rəsədxanasından və SOKENDAI perspektiv tədqiqatlar universitetindən Maria Ciovanna Dainottinin rəhbərliyi ilə Yaponiya və İtaliya alimləri Kainat tarixinin müxtəlif vaxtlarında partlamış 1048 yeni ulduzun kataloqunu analiz ediblər. Tədqiqatçılar bu məlumatlar əsasında rəqəmsal model qurublar. Onu düzgün təsvir etmək üçün müəlliflər zamandan asılı yeni dəyişən təqdim etməli olublar ki, Habbl sabiti zamanla dəyişəcəyi təqdirdə, onun qarşısını almaq mümkün olsun.

Müşahidələrdə sistematik səhv ehtimalını istisna etmək üçün tədqiqatçılar nəticələrini Havayda Mauna-Kea rəsədxanasında Yaponiya Milli Astronomiya Rəsədxanasının “Subaru” teleskopunda quraşdırılmış “Hyper Suprime-Cam” alətinin köməyilə ayrıca yoxlayıblar.

İfrat geniş görmə sahəsi olan bu 900-meqapiksel kamera ən böyük sahədə zəif yeni ulduzların müşahidəsi üçün nəzərdə tutulur. Tədqiqatçılar onun köməyilə erkən Kainatda müşahidə edilən ifrat yeni ulduzlar seçimini böyütməyə və məlumatlarda qeyri-müəyyənliyi azaltmağa nail olublar.

Alimlər hələ ki Kainatın genişlənmə sürətinin dəyişməsinə nəyin səbəb olduğunu bilmirlər. Ola bilsin ki, bunu izah etmək üçün kosmik miqyasda işləyən yeni fizika və ya onun modifikasiya olunmuş versiyanı yaratmaq lazım gələcək.

Tədqiqatçılar nəticələrini “Subaru” teleskopundan və digər rəsədxanalardan əldə olunmuş əlavə və ya daha keyfiyyətli məlumatların köməyilə təsdiq etmək məqsədilə müşahidələrini davam etdirməyi planlaşdırırlar.

0