Rəcəb Tayyib Ərdoğan və Berat Albayrak. İstanbul, 16 iyul 2016-cı il

Ərdoğandan Atatürk açıqlaması

255
(Yenilənib 17:45 10.11.2017)
Adı Qazi Mustafa Kamal Atatürkdürsə, bunu bizim belə deməyimiz niyə qəribə səslənsin ki?"

BAKI, 10 noyabr — Sputnik. Türkiyə Prezidenti Rəcəb Tayyib Ərdoğan Beştəpədə Atatürkü anma mərasimində Atatürklə bağlı əvvəlki fikirlərinə aydınlıq gətirib. Sputnik Azərbaycan Türkiyə mətbuatına istinadla xəbər verir ki, mərasimdə çıxış edən Ərdoğan, məqsədinin CHP kimi bir partiyanın Atatürkü millətdən almasına icazə verilməməsi olduğunu bildirib: "Biz Atatürkə Atatürk dedik deyə, bəzi insanlar müxtəlif ssenarilər yazır. Adı Qazi Mustafa Kamal Atatürkdürsə, bunu bizim belə deməyimiz niyə qəribə səslənsin ki?"

Daha sonra prezident qeyd edib ki, artıq Türkiyənin qarşısında yeni üfüqlər açılıb: "Qarşımızda yenə bir imtahan var. Bu da 2019-cu il seçkilərini də qəzasız–bəlasız keçirməkdir. Bu gün hələ də özünü Atatürkün davamçısı hesab edən CHP-nin Atatürklə əlaqəsi əvvəldən zəifləməyə başlayıb və 10 noyabr 1938-ci ildə tamamilə kəsilib".

Ərdoğan qeyd edib ki, Türkiyədə əvvəldən Atatürk və atatürkçülük münaqişələri yaşanır. "Ancaq təəssüf olsun ki, CHP Atatürkün adını elə istismar edib ki, millətin ürəyindəki Atatürklə, atatürkçülük arasında böyük bir fərq yaranıb. Millətimizin Qazi Mustafa Kamal Atatürkə hörməti və sevgisi tükənməzdir. Bəs nə üçün belə bir münaqişə var? Çünki üsyançıların, ölkənin tarixinə, millətin dəyərlərinə düşmənlik edənlər atatürkçülük örtüyünə bürünüb" — deyə Türkiyə prezidenti bildirib.

255
Teqlər:
Beştəpə, CHP, Atatürk, Rəcəb Tayyib Ərdoğan, Türkiyə prezidenti
Əlaqədar
Dünyanın ən çox danışdığı adam Ərdoğanın qəbulunda olub
Ərdoğanın Rusiyaya gedəcəyi tarix açıqlandı
Ərdoğan Akşenerə nə söz verib...
Ərdoğanın məlum çağırışına aidiyyatı olmayan bələdiyyə sədrləri Azərbaycana gələcək
Ərdoğan: "Bu gün Türkiyə bütün məzlumların ümid qapısıdır"
 Tibb işçisi Dövlət Gömrük Komitəsinin hospitalında, arxiv şəkli

Pandemiyanın başa çatmasına hələ çox var - ÜST rəsmisi

3
"Delta" ştammı Avropada çox geniş yayılıb və qarşıdakı aylarda bütün dünyada ən geniş yayılmış ştamm olacaq.

BAKI, 24 iyul — Sputnik. Koronavirus pandemiyasının başa çatmasına hələ çox var. "Delta" ştammı Avropada çox geniş yayılıb və qarşıdakı aylarda bütün dünyada ən geniş yayılmış ştamm olacaq.

Sputnik Azərbaycan xəbər verir ki, Avropa Xəstəliklərin Profilaktikası və onlara Nəzarət Mərkəzinin və ÜST-ün Avropa Regional Bürosunun məlumatında bu barədə xəbərdarlıq edilib.

Məlumata görə, aparılmış müşahidələr göstərir ki, iyunun 28-dən iyulun 11-dək təhlil üçün kifayət qədər məlumat təqdim etmiş 28 ölkədən 19-da "Delta" ştammı üstünlük təşkil edir. Cari meyllərin təhlili belə deməyə əsas verir ki, qarşıdakı aylarda "Delta" variantı qlobal miqyasda üstünlük təşkil edəcək. Avropa ölkələrinin, demək olar ki, hamısında bu ştamm aşkar edilib. Əgər daha güclü virus yaranmasa, "Delta" variantı geniş yayılmaqda davam edəcək".

ÜST-ün Avropa Regional Bürosunun direktoru Hans Klüge deyib: "Pandemiyanın başa çatmasına hələ çox var. Təəssüf ki, bizim regiona daxil olan ölkələrin çoxunda "Delta" ştammının yayılması hallarının xeyli artması müşahidə olunur".

H.Klüge daha sonra bildirib ki, əhalinin peyvəndlənməsi üzrə bütün səylərə baxmayaraq, milyonlarla insan hələ də peyvəndlənməyib və bu səbəbdən onların xəstəxanaya düşmək riski qalır.

Koronavirusun ştammları

Xatırladaq ki, Uhanda SARS-Cov-2 yeni tip koronavirusunun yayılması barədə məlumatı 2019-cu il dekabrın 31-də Çin Ümumdünya Səhiyyə Təşkilatına verib. 2020-ci ilin martında isə ÜST koronavirus epidemiyasını pandemiya elan edib.

2021-ci il iyunun 2-də Ümumdünya Səhiyyə Təşkilatı qərar verib ki, COVID-19-a səbəb olan koronavirus ştammları bundan sonra yunan əlifbasının hərfləri ilə adlandırılsın.

Bunadək koronavirus ştammları "coğrafi" adlarla bilinirdi – virusun yeni versiyası hansı ölkədə geniş yayılırdısa, həmin ölkənin adı ilə da adlandırılırdı. Ancaq ÜST-də belə hesab etdilər ki, bu sistem ayrı-seçkiliyə səbəb olur və ölkələr haqqında əsassız mənfi assosiasiya yarada bilər. Elə bu səbəbdən də, SARS-CoV-2-nin "Çin mənşəli" virus adlandırılmasına son qoyulub.

Beləliklə, hazırda koronavirusun "Britaniya" ştammı "Alfa", Cənubi Afrika ştammı "Beta", "Braziliya" ştammı "Qamma", Hindistan ştammı "Delta", Cənubi Amerika ştammı isə "lyambda" adlandırılır.

Xatırladaq ki, Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə yaydığı məlumata görə, son dövrdə ölkə xaricindən gələn şəxslərdən alınmış nümunələrdən 31-də B.1.617 (Delta) variantı aşkar olunub. Nümunələrdən 9-da isə B.1.1.7 (20 Alpha V1, Britaniya) variantı aşkar olunub.

Onu da əlavə edək ki, Baş nazir Əli Əsədovun imzaladığı qərara əsasən, Azərbaycan ərazisində xüsusi karantin rejiminin müddəti 1 sentyabr saat 06:00-dək uzadılıb.

Eləcə də oxuyun:

3
Teqlər:
pandemiya, 'Delta' ştammı, ştamm, Koronavirus, epidemiya, COVID-19
Mövzu:
Yeni tip koronavirus pandemiyası
Легионер, выступающий за Азербайджан, архивное фото

Azərbaycan idmançılarının Tokio gündəliyi: hələ ki sevindirmirlər

9
Tayfur Əliyevin ardınca Lorenso Sotomayor da rinqdə sözünü deyə bilməyib. Üzgüçülükdə isə iki təmsilçimiz sondan dördüncü yeri tutub.

BAKI, 24 iyul - Sputnik. Azərbaycanın daha bir boksçusu Tokio Yay Olimpiadasını tərk edib.

Sputnik Azərbaycan bildirir ki, titullu idmançı, Riodakı 2016-cı il Olimpiadasının gümüş mükafatçısı Lorenso Sotomayor (69 kq) 1/16 finalda Gürcüstan təmsilçisi Əsgərxan Madiyevə uduzub. 

Görüş üçüncü raundda Sotomayorun zədə alması səbəbindən dayandırılıb (qanaxma). Ancaq Azərbaycan yığmasının kubalı legioneri üçün qələbə ümidi heç yox idi də: ilk iki raundu o uduzmuşdu.

Bu gün daha bir boksçumuz rinqə çıxacaq. 91 kq çəki dərəcəsində çıxış edən Məhəmməd Abdullayev Bəhreyn təmsilçisi Denis Latipovla qarşılaşır. 

1/16 mərhələdə 57 kq çəki dərəcəsində çıxış edən boksçumuz - Tayfur Əliyev də hakimlərin mübahisəli qərarından sonra çıxışını dayandırmışdı. O, Vyetnam təmsilçisi Duaonq Van Nquenə qarşı döyüşürdü. Sonda nokdauna düşməsinə rəğmən beş hakimdən dördü ilk raundda Əliyevi qalib hesab etdi. Ancaq ikinci raundda Tayfurun rəqibindən geri qalmamasına rəğmən bütün hakimlər qələbəni vyetnamlıya verdilər. 

Üçüncü raundda Əliyev azacıq önə çıxsa da, ümumi hesabda Nquen qalib olub (2:3).

Üzgüçülərimiz də uduzdular 

Üzgüçülər Maksim ŞemberevMəryəm Şeyxəlizadəxangah Tokiodakı Olimpiadada uğursuz çıxış ediblər.

400 m məsafədə kompleks üzgüçülükdə çıxış edən Şemberev 4:19.40 dəqiqə nəticə ilə çıxışını yekunlaşdırıb. O, öz yarımqrupunda sonuncu - səkkizinci yer tutub. Ümumi sıralamada isə 29 iştirakçı arasında 26-cı ola bilib. Yarımfinala çıxa bilməyən Şemberev Olimpiadadakı işini yekunlaşdırıb.

Şemberev üçün bu, ikinci Olimpiadadır. 2012-ci ildə Londonda o, Ukrayna bayrağı altında çıxış edirdi.

100 m məsafədə batterflyay üsulu ilə yarışda Məryəm Şeyxəlizadəxangah finişə 1:01,37 dəqiqə nəticə ilə çataraq, üç nəfərdən ibarət yarımqrupda birinci olub. Yekun hesabda isə 33 yarışçı arasında 30-cu olub və o da Tokiodakı çıxışını bitirib.

Azərbaycan Tokio-2020-də

Tokio Yay Olimpiadasında ölkəmizi 44 idmançı təmsil edəcək. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgücülük və triatlonda - çıxış edəcəklər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Eləcə də oxuyun:

9
Teqlər:
üzgüçülük, boks, Tokio Yay Olimpiya Oyunları