Üzündə Rusiya bayrağı çəkmiş qız

Rusiya daha bir müsabiqəyə qayıdır

27
(Yenilənib 21:31 08.11.2017)
Millət vəkili ikinci zərbənin arzuolunmaz olduğunu vurğulayıb

BAKI, 9 noyabr — Sputnik. “Rusiya “Eurovision 2018”-dən imtina etməlidir”. Sputnik Azərbaycan Rusiya mətbuatına istinadla xəbər verir ki, Rusiya Dövlət Dumasının Mədəniyyət Komitəsinin sədri Stanislav Qovoruxin belə hesab edir. O, bunu, müsabiqə təşkilatçılarının rusiyalı iştirakçılara bundan əvvəlki münasibətləri ilə əsaslandırıb.

Qeyd edək ki, Portuqaliyada keçirilən "Eurovision-2018" müsabiqəsinin təşkilatçıları müsabiqədə iştirak edənlərin siyahısını açıqlayıblar. Siyahıda Rusiya da daxil olmaqla 42 ölkə var.

Xatırladaq ki, ötənilki final Kiyevdə keçirilmişdi. Həmin yarışmada Rusiyanı Yuliya Samoylova təmsil etməliydi. Ancaq Ukrayna Təhlükəsizlik Xidməti, müğənninin Krımda çıxış etməsi səbəbindən, onun 3 il müddətinə ölkəyə daxil olmasını qadağan etmişdi. Avropa Yayım Birliyi, Rusiyadan müsabiqəni peyk vasitəsilə yayımlamağı və ya yarışma iştirakçısının dəyişdirməsini təklif etsə də, Moskva yarışdan imtina etmişdi.

"Mən düşünürəm ki, biz bir dəfə zərbə almışıq və bu bizə ikinci dəfə lazım deyil. Ləyaqətimizi qorumalı və yarışmada iştirak etməkdən imtina etməliyik" – deyə Qovoruxin bildirib.

Millət vəkili qeyd edib ki, o, "Eurovision" müsabiqəsini sevmir və onu yaradıcılıq hesab etmir.

27
Teqlər:
Yuliya Samoylova, Stanislav Qovoruxin, Eurovision 2018, Avropa Yayım Birliyi, müsabiqə, Kiyev, Rusiya, millət vəkili
Əlaqədar
“Eurovision-2018”-də Azərbaycanı bu qız təmsil edəcək – Fotolar
“Eurovision-2018”-in tarixi bəlli oldu
“Eurovision 2017” mahnı müsabiqəsinin final mərhələsi başlayıb
Bu gün “Eurovision-2017”nin qalibi məlum olacaq
“Eurovision-2017”-nin bütün finalçıları bəlli oldu
Ermənistanın xarici işlər naziri Zöhrab Mnatsakanyan, arxiv şəkli

Ermənistan xarici işlər naziri yenə Moskvaya gedib - son on gündə üçüncü dəfə

46
Ermənistan xarici işlər naziri Zöhrab Mnatsakanyan son 10 gündə Moskvaya 3-cü səfərini edib. İlkin ehtimallara görə, söhbət Azərbaycan və Ermənistan liderləri İlham Əliyev və Nikol Paşinyanın görüşünə hazırlıq məqsədi daşıyır. 

BAKI, 21 oktyabr - Sputnik. Ermənistan xarici işlər naziri Zöhrab Mnatsakanyan Rusiyaya qısamüddətli işgüzar səfərə gedib.

Sputnik Ermənistan xəbər verir ki, bu barədə Ermənistan XİN-in mətbuat katibi Anna Naqdalyan bildirib.

Onun sözlərinə görə, hazırda Zöhrab Mnatsakanyan Rusiyanın paytaxtı Moskva şəhərindədir.

Səfərin məqsədinin detalları barədə məlumat verilmir. Lakin ilkin ehtimallara görə, söhbət Azərbaycan və Ermənistan liderləri İlham Əliyev və Nikol Paşinyanın görüşünə hazırlıq məqsədi daşıyır. 

Bu, son 10 gün ərzində Mnasakanyanın Moskvaya 3-cü səfəridir. 

Qeyd edək ki, Zöhrab Mnatsakanyan ABŞ dövlət katibi Maykl Pompeo ilə görüşmək üçün oktyabrın 23-də Vaşinqtonda olacaq.

46
Yunanıstan bayrağı

Yunanıstanın Türkiyə xofu: Orduda xidmət müddətini artırır

34
(Yenilənib 00:32 21.10.2020)
Məlumata əsasən Yunanıstanda xidmət müddəti 9 aydan 12 aya qədər artırılacaq. Bundan əlavə, Yunanıstanda şəxslər hərbi xidmətə bundan sonra 19 yox, 18 yaşdan etibarən çağırılacaq.

BAKI, 20 oktyabr — Sputnik. Yunanıstan Türkiyə ilə münasibətlərin kəskinləşməsi fonunda bu ölkəyə məxsus Silahlı Qüvvələrində xidmət müddətini artırmağı planlaşdırır. Bu barədə Sputnik Azərbaycan "RİA Novosti"yə istinadən xəbər verir.

Məlumata əsasən Yunanıstanda xidmət müddəti 9 aydan 12 aya qədər artırılacaq. Bundan əlavə, Yunanıstanda şəxslər hərbi xidmətə bundan sonra 19 yox, 18 yaşdan etibarən çağırılacaq.

Xatırladaq ki, bu ilin iyununda Türkiyə hökuməti Aralıq dənizinin Kipr adası yaxınlığında olan ərazisində öz maraqlarını qorumaq barədə qərar verib. Rəsmi Ankara bir sıra ölkələrin etirazına baxmayaraq geoloji kəşfiyyat işlərini davam etdirmək niyyətindədir.

Aralıq dənizinin şərq hissəsi – bir tərəfdə Avropa İttifaqının üzvləri Kipr və Yunanıstanla, digər tərəfdə isə Türkiyə olmaqla gərginlik mənbəyidir. Türkiyə dəfələrlə yataqların Kipr türkləri ilə Kipr yunanlarının birgə işlətmələrini təklif edib. Rəsmi Ankara Moskva ilə əməkdaşlığı da istisna etməyib. Enerji daşıyıcıları mübahisəsinə həmçinin, Misir və İsrail də daxildir.

Tərəflər arasında fikir ayrılığı 1974-cü ildə Kiprdə adanın Yunanıstan anneksiyası ilə bağlı çevriliş baş verəndən sonra başlayıb. Həmin vaxt Türkiyə Kiprin şimalına qoşun yeridib və həmin ərazidə Kipr – Türk Federativ dövləti yaradıb. Daha sonra onun adı Şimali Kipr Türk Respublikasına dəyişdirilib. Adanın digər hissəsi isə Kipr Respublikasının nəzarəti altındadır.

34
DSX əsgəri, arxiv şəkli

Baş Prokurorluq sərhədi qanunsuz keçənlərlə bağlı xəbərdarlıq etdi

0
(Yenilənib 12:43 21.10.2020)
Xarici vətəndaşlardan Azərbaycan Respublikasının silahlı qüvvələrinə qarşı, eləcə də Azərbaycan Respublikasının ərazilərinin işğalına yönələn təcavüzkar müharibədə muzdlu kimi iştirak etməmələri tələb olunur.

 

BAKI, 21 oktyabr — Sputnik. Azərbaycan Respublikasının Baş Prokurorluğu tərəfindən aparılmış araşdırmalarla son günlərdə müxtəlif terror təşkilatlarının üzvlərinin, o cümlədən xarici ölkə vətəndaşlarının dövlət sərhədini müəyyən edilmiş sənədlər olmadan Ermənistan ərazisindən qanunsuz keçərək Azərbaycan Respublikasının işğal olunmuş ərazilərinə gəlib qanunsuz silahlı birləşmələr yaratmaları,eləcə də ərazilərimizin işğalına yönələn təcavüzkar müharibədə muzdlu kimi istifadə edilmələri müəyyən edilib.

Sputnik Azərbaycan Baş Prokurorluğun məlumatına istinadla xəbər verir ki, bu kimi qanunsuz halların qarşısının alınması məqsədilə xarici ölkə vətəndaşlarının Azərbaycan Respublikasının ərazisinə hansı qaydada gəlmələri ilə bağlı fransız, ispan, alman, rus, ingilis və ərəb dillərində növbəti dəfə maarifləndirici videoçarxlar hazırlanıb.

Xarici vətəndaşlardan Azərbaycan Respublikasının silahlı qüvvələrinə qarşı, eləcə də Azərbaycan Respublikasının ərazilərinin işğalına yönələn təcavüzkar müharibədə muzdlu kimi iştirak etməmələri tələb olunur.

0
Mövzu:
Azərbaycan və Ermənistan arasında müharibə