BAKI, 5 noyabr — Sputnik. ABŞ prezidenti Donald Tramp İranı Səudiyyə Ərəbistanının paytaxtı istiqamətində raket atmaqda ittiham edib.
Sputnik Azərbaycan xəbər verir ki, bu barədə RİA Novosti məlumat yayıb.
"Mənim fikrimcə, İran Səudiyyə Ərəbistanına hücum edib. Siz bu barədə bilirsiniz, düzdür? Siz gördünüz ki, raket buraxılıb. Bizim sistemlərimiz isə onu vurub" — deyə Tramp bildirib.
Bundan əvvəl Səudiyyə Ərəbistanının hava hücumundan müdafiə qüvvələri Ər-Riyadın şimal-şərqində ballistik raketi vurub.
