BAKI, 3 noyabr — Sputnik. Türkiyənin Diyarbəkir vilayətində polis PKK terrorçularına qarşı xüsusi əməliyyat keçirib. Silahlılarla atışma zamanı bir polis şəhid olub, 9 polis yaralanıb, 1 terrorçu isə məhv edilib.
Sputnik Azərbaycan NTV-yə istinadən xəbər verir ki, antiterror əməliyyatı PKK üzvlərinin toplaşdığı mənzildə keçirilib. Bölgədə genişmiqyaslı əməliyyat davam edir.
Qeyd edək ki, dünən də PKK-ya qarşı əməliyyat keçirilmiş, xeyli sayda terrorçu məhv edilmişdi.
