Ermənistanda təcili yardım maşını

Erməni terrorçu həbsxanada öldü

61
(Yenilənib 13:45 03.11.2017)
Həbsxanaya çağırılan “təcili yardım” briqadası onu tibb mərkəzinə aparsa da, məhkum keçinib

BAKI, 3 noyabr — Sputnik. 1999-cu il 27 oktyabr tarixində Ermənistan parlamentində həyata keçirilən terror aktına görə ömürlük həbs cəzasına məhkum edilmiş Eduard Qriqoryan ölüb. Sputnik Azərbaycan RİA Novosti-yə istinadən xəbər verir ki, Qriqoryan ürəyindəki problemlər səbəbindən ölüb.

Ermənistan Ədliyyə Nazirliyinin nümayəndəsi bildirib ki, məhkum ürək nahiyəsində ağrılar hiss edib. Həbsxanaya çağırılan “təcili yardım” briqadası onu “Erebuni” tibb mərkəzinə aparıb. Amma həkimlərin səyinə baxmayaraq, məhkum keçinib.

Qeyd edək ki, 18 il əvvəl bir qrup terrorçu Ermənistan Milli Məclisinə soxularaq, parlament və hökumət rəhbərliyini güllələyib. Terrorçular, parlamentin spikeri Karen Dəmirçyan, baş nazir Vazgen Sarkisyan, deputatlar Yuri Baxşiyan, Ruben Miroyan, Mikael Kotanyan, Armenak Armenakyan, Henrix Abramyan, operativ məsələlər üzrə nazir Leonard Petrosyanı öldürüblər.

Terrorçular üzərində məhkəmə 2001-2003-cü illərdə davam edib. Başda qruplaşmanın lideri Nairi Unanyan olmaqla, 6 terrorçu ömürlük həbs cəzasına məhkum edilib. Daha bir terrorçuya 14 il iş kəsilib.

61
Teqlər:
deputatlar, parlamentin spikeri, Ermənistan parlamenti, qətl, məhkum, baş nazir, terrorçu
Əlaqədar
Daha dörd İŞİD terrorçusu yaxalandı
Tramp terrorçuya "dəli və axmaq" dedi, ortalıq qarışdı
Amerikalı terrorçu haqda yeni məlumatlar yayıldı
İsraildən açıqlama: "Biz PKK-nı terrorçu olaraq görürük, amma..."
DTX: Terrorçulara qoşulmuş azərbaycanlıların çoxu öldürülüb
Rusiya Prezidenti Vladimir Putin və Belarus Prezidenti Aleksandr Lukaşenko, arxiv şəkli

Putin Lukaşenko 33 rusiyalının saxlanılmasını müzakirə ediblər

1
Yaranan vəziyyətin iki ölkə arasında əməkdaşlıq üçün xarakterik olan qarşılıqlı anlaşma ruhunda həll ediləcəyinə əminlik ifadə edildi.

BAKI, 7 avqust — Sputnik. Rusiya Prezidenti Vladimir Putin telefonla Belarusdan olan həmkarı Aleksandr Lukaşenko ilə respublikada 33 Rusiya vətəndaşının saxlanılmasını müzakirə edib. Sputnik Azərbaycan xəbər verir ki, bu barədə Kremlin mətbuat xidməti məlumat yayıb.

"Yaranan vəziyyətin iki ölkə arasında əməkdaşlıq üçün xarakterik olan qarşılıqlı anlaşma ruhunda həll ediləcəyinə əminlik ifadə edildi", - deyə Kremlin yaydığı məlumatda bildirilir.

Məlumatda qeyd olunub ki, Moskva Belarusda sabit ölkədaxili vəziyyətin saxlanılmasında və sakit mühitdə prezident seçkilərinin keçirilməsində maraqlıdır.

Bu arada, Belarus Prezidentinin mətbuat xidməti vurğulayıb ki, ölkə başçıları vəziyyəti "ən ciddi şəkildə həll etməyə çalışırlar".

"Prezidentlər yaranmış vəziyyətin əsl səbəblərini müəyyən etmək, günahkarları tapmaq və onları məsuliyyətə cəlb etmək üçün mövcud olan hər bir faktı mümkün qədər əsaslı və hərtərəfli şəkildə öyrənməyə dair razılığa gəldilər", - deyə rəsmi Minskin yaydığı məlumatda bildirilir.

1
ABŞ dollarları, arxiv şəkli

Qarşılayın! Bu da yeni ultramilyarderimiz

6
(Yenilənib 16:01 07.08.2020)
Zukerberqin sərvəti ona məxsus "Instagram" tətbiqində yeni "Reels" servisinin işə salınması fonunda "Facebook" şirkətinin səhmlərinin bahalaşması hesabına artıb

BAKI, 7 avqust — Sputnik. "Facebook" şirkətinin yaradıcısı və rəhbəri Mark Zukerberqin sərvəti ilk dəfə olaraq 100 milyard dolları keçib. Bu barədə Sputnik Azərbaycan "Bloomberg" nəşrinə istinadən xəbər verir.

Bununla da o dünyada yeni ultramilyarder olub. Daha əvvəl ultramilyarder adını "Amazon" şirkətinin rəhbəri Ceff Bezos və "Microsoft" şirkətinin yaradıcısı Bill Qeyts qazanmışdı.

Zukerberqin sərvəti ona məxsus "Instagram" tətbiqində yeni "Reels" servisinin işə salınması fonunda "Facebook" şirkətinin səhmlərinin bahalaşması hesabına artıb. "Reels" funksiyası "TikTok" tətbiqinə bənzəyir.

6