Rumeli Hasarı qalası, arxiv şəkli

Tarixi məkanda yanğın baş verib

34
(Yenilənib 15:15 14.10.2017)
Yanğının səbəbləri haqqında hələlik heç bir məlumat verilmir

BAKI, 14 oktyabr — Sputnik. İstanbulda tarixi limanda yanğın baş verib. Sputnik Azərbaycan Türkiyə mətbuatına istinadla xəbər verir ki, hadisə Sarıyer Rumeli Hisarı sahilində yerləşən restoranda baş verib.

İstanbuldakı Rumeli Hasarı qalası sahilində yerləşən restoranda yanğın
© Photo : Milliyet.com.tr
İstanbuldakı Rumeli Hasarı qalası sahilində yerləşən restoranda yanğın

Qısa müddətə yanğın söndürülüb. Yanğının səbəbləri haqqında hələlik heç bir məlumat verilmir. Bildirilir ki, yanğın zamanı xəsarət alan olmayıb.

İstanbuldakı Rumeli Hasarı qalası sahilində yerləşən restoranda yanğın
© Photo : Milliyet.com.tr
İstanbuldakı Rumeli Hasarı qalası sahilində yerləşən restoranda yanğın

34
Teqlər:
liman, restoran, İstanbul, yanğın
Əlaqədar
Yanğından Mühafizə Xidmətinin rəis müavini: "Evin hər yeri yanmışdı, "Quran"dan başqa"
Meşə yanğını sürətlə yayılır, ölənlər və itkin düşənlər var
Ticarət mərkəzində baş verən yanğına görə minlərlə insan təxliyə olundu
Bütün ailəsini yanğında itirən sənətkar, mümkün olmayanı bacardı
Ticarət mərkəzində güclü yanğın
Dieqo Armando Maradona

Maradonanın həkimi ittihamlara cavab verdi

10
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

10
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

11
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

11
Teqlər:
Fransa, final, müsabiqə, Polşa, Uşaq Avroviziyası, uşaqlar