Su-24 bombardmançı döyüş təyyarəsi, arxiv şəkli

Rusiyanın daha bir təyyarəsi qəzaya uğradı, pilotlar öldü

154
Rusiyanın Su-24 bombardmançı döyüş təyyarəsi Suriyadakı Xmeymim hava limanından çıxarkən qəzaya uğrayıb

BAKI, 10 oktyabr — Sputnik. Rusiyanın Su-24 bombardmançı döyüş təyyarəsi Suriyadakı Xmeymim hava limanından çıxarkən qəzaya uğrayıb.

Sputnik Azərbaycan-ın RİA Novosti-yə istinadən verdiyi məlumata görə, Rusiya Müdafiə Nazirliyi xəbəri təsdiqləyib.

Heyət katapult etməyə imkan tapmayaraq həlak olub.

Təyyarə uçuş-enmə zolağından kənara çıxıb və partlayıb. İlkin məlumatlara görə, qəzaya səbəb təyyanin texniki nasazlığı ola bilər.

Ötən ilin noyabr və dekabr aylarında Rusiyanın Su-33 və MiG-29 təyyarələri "Admiral Kuznetsov" aviadaşıyıcısının üzərinə enərkən, göyərtədən kənara çıxmışdılar. Hər iki halda təyyarələr məhv olsa da, pilotlar katapult edərək xilas olublar.

154
Teqlər:
Xmeymim hava limanı, Qəza, Rusiya Müdafiə Nazirliyi, Rusiya, Suriya
Əlaqədar
Elektriklə işləyən təyyarə hazırlanır
Rusiyada təyyarə qəzası baş verib, ölənlər var
ABŞ hərbi təyyarəsi qəzaya uğradı
ABŞ hərbi təyyarələri Şimali Koreya sərhədlərinə yaxınlaşdı
Azərbaycanın döyüş təyyarələri havaya qaldırıldı
Çernobılda binalar, arxiv şəkli

Çernobılda böyük təhlükə nüvə reaksiyaları yenidən başladı

34
Mütəxəssisin sözlərinə görə, reaktorun dərinliyindəki qapalı hissədə daim artan neytron axını orada yenidən nüvə parçalanması prosesinin getdiyini göstərir.

 

BAKI, 9 may — Sputnik. 1986-cı ildə baş vermiş qəza nəticəsində minlərlə insanın ölümünə səbəb olan Çernobıl Atom Stansiyasında illər sonra gözlənilməz problem yaranıb. Mütəxəssislər yeni qəza riski ilə bağlı xəbərdarlıq ediblər.

Sputnik Azərbaycan-ın Türkiyə mediasına istinadla yaydığı məlumata görə, stansiyanın qəzanın baş verdiyi 4 saylı reaktorunun dağıntılarından çıxan radioaktiv maddələrin ətrafa yayılmaması üçün çəkilən beton sipərin içində yenidən nüvə reaksiyalarının getdiyi müəyyənləşib.

"Sheffield" Universitetinin nüvə materialları üzrə kimyaçısı Neil Hyatt bildirib ki, partlayış baş verdiyi yerdə "manqaldakı közlər kimi" yanğın başlayıb.

Mütəxəssisin sözlərinə görə, reaktorun dərinliyindəki qapalı hissədə daim artan neytron axını orada yenidən nüvə parçalanması prosesinin getdiyini göstərir.

Radioaktiv çirklənməyə nəzarət etməyə çalışan alimlər üçün ən vacib problemlərdən biri də yağış suyudur. Şiddətli fırtınalar zamanı su beton sipərin içinə daxil olaraq radioaktiv maddələrin yeraltı sulara qarışmasına səbəb olur.

Hələlik bu problemin aradan qaldırılması ilə bağlı hər hansı bir plan mövcud deyil. Ən pisi isə odur ki, alimlər nüvə reaksiyasının hansı səbəbdən yenidən başladığını izah edə bilmirlər.

Hyatt bildirib ki, reaksiyaların aktivləşməsinin səbəbi bəlli olmadığından, bunun qarşısını almaq üçün hansı mexanizmi tətbiq etmək lazım gəldiyini də bilmirlər.

Qeyd edək ki, 1986-cı ilin aprel ayında Çernobıl Atom Elektrik Stansiyasında qəza baş verib. Stansiyanın 4 saylı enerji blokunun RBMK-1000 reaktorunun partlaması nəticəsində ətrafa çoxlu miqdarda radioaktiv maddə atılıb. Çernobıl hadisəsi tarixin ən böyük texnogen qəzası hesab olunur. Qəzanın ilk günlərində 10 minə yaxın, sonrakı aylarda daha 15 min insan ölüb. İllər ötdükcə bu rəqəm 100 mini keçib.

34
Fillər, arxiv şəkli

Nyu-York məhkəməsi filin müraciətinə baxacaq

10
Heyvanların hüquq müdafiəçiləri ümid edirlər ki, Heppi dünyada azadlıq hüququ məhkəmə qaydasında təsbit olunmuş ilk heyvan olacaq.

BAKI, 9 may — Sputnik. ABŞ-ın Nyu-York şəhər məhkəməsində Heppi adlı dişi filin adından irəli sürülmüş iddiaya dair məsələ araşdırılacaq. Sputnik Azərbaycan xəbər verir ki, Bronks heyvanxanasında yaşayan dördayaqlının adından iddianı məhkəməyə "Nonhuman Rights Project" (İnsan olmayan canlıların hüquqları layihəsi) fondu təqdim edib.

Təşkilatın saytında yerləşdirilmiş məlumatda deyilir ki, bu, tarixdə ingilisdilli məhkəmənin insan olmayan canlı adından verilmiş ərizəni araşdıracağı ilk proses olacaq. Qeyd edək ki, adı çəkilən təşkilat artıq 2018-ci ildən bəri Heppinin adından məhkəmələrə rəsmi müraciətlər ünvanlayıb. Lakin məhkəmələr hər dəfə bu ərizələri geri göndərib.

Məsələ bundadır ki, adı çəkilən fil heyvanxanaya 1970-ci ildə yerləşdirilib. Hazırda o sahəsi 0,81 hektar olan bir qahalda saxlanılır. Zoopark işçiləri onu Peqqi adlı digər dişi fildən ayırmalı olublar. Belə ki, onlar tez-tez dalaşıblar.

"Nonhuman Rights Project" isə hesab edir ki, Heppinin ayrıca qahalda saxlanması onun hüquqlarını pozur. Təşkilat fəalları məhkəmənin filin xüsusiləşdirilmiş fil qoruğuna köçürülməsi barədə qərar çıxarmasına nail olmaq istəyirlər. Heyvanların hüquq müdafiəçiləri ümid edirlər ki, Heppi dünyada azadlıq hüququ məhkəmə qaydasında təsbit olunmuş ilk heyvan olacaq.

Xatırladaq ki, bir müddət əvvəl Pakistandakı Kaavan adlı fil dünyada ən tənha fil adlandırılıb. Belə ki, dişi tayı öldükdən sonra həmin fil təklikdə və dar qəfəsdə saxlanıb. Burada onun digər heyvanlarla yanaşı olmasına imkan verilməyib və o heyvanxana ziyarətçiləri qarşısında çıxış etməyə məcbur edilib. Hüquq müdafiəçiləri beş ildən sonra Kaavanın Kambocadakı fil qoruğuna köçürülməsinə nail olublar. Onların qələbəsinə məşhur müğənni Şerin danışıqlarda iştirak etməsi də kömək edib.

10
Azərbaycan prezidenti İlham Əliyev

Prezident İlham Əliyev Naxçıvanda səfərdədir

0
Naxçıvan Beynəlxalq Hava Limanında dövlətimizin başçısını Naxçıvan Muxtar Respublikası Ali Məclisinin Sədri Vasif Talıbov qarşılayıb.

BAKI, 10 may - Sputnik. Azərbaycan Respublikasının Prezidenti İlham Əliyev mayın 10-da Naxçıvan Muxtar Respublikasına səfərə gəlib.

Sputnik Azərbaycan AZƏRTAC-a istinadən xəbər verir ki, Naxçıvan Beynəlxalq Hava Limanında dövlətimizin başçısını Naxçıvan Muxtar Respublikası Ali Məclisinin Sədri Vasif Talıbov qarşılayıb.

Qeyd edək ki, bu gün səhər Prezidenti İlham Əliyev və birinci xanım Mehriban Əliyeva Fəxri xiyabanda ulu öndər Heydər Əliyevin, ulu öndərin ömür-gün yoldaşı, görkəmli oftalmoloq-alim, akademik Zərifə xanım Əliyevanın, görkəmli dövlət xadimi Əziz Əliyevin və tanınmış həkim-alim Tamerlan Əliyevin məzarlarını ziyarət ediblər.

* Prezident ailəsi ilə Cəbrayıl və Zəngilanda

* Ermənilər İlham Əliyevin Zəngilanda çəkilmiş fotolarını görüb qorxuya düşdülər

0
Teqlər:
səfər, Naxçıvan, İlham Əliyev