İŞİD döyüşçüsü, arxiv şəkli

İŞİD əsir götürdüyü rus hərbçilərin dəhşətli videosunu yaydı

2072
(Yenilənib 10:19 10.10.2017)
İŞİD terror qruplaşması tərəfindən əsir götürülən iki rus hərbçisi ilə bağlı yeni video yayılıb

BAKI, 9 oktyabr — Sputnik. İŞİD terror qruplaşması tərəfindən əsir götürülən iki rus hərbçisi ilə bağlı yeni video yayılıb.

Sputnik Azərbaycan Rusiya mediasına istinadla xəbər verir ki, bu videoyazını terrorçuların fəaliyyətinin monitorinqi ilə məşğul olan Directorate 4 Telegram kanalı yayıb.

Videoyazıda terrorçular əsir götürdükləri kişilərin şəxsiyyətini müəyyənləşdirirlər. Danışıqlardan o məlum olur ki, girovların ikisi rusdur və onlar silahlar barədə məlumata malikdirlər.

Xatırladaq ki, beş gün öncə sözgedən şəxslərin terrorçular tərəfindən danışdırıldığı digər bir video da yayılmışdı. Həmin video Twitter-də paylaşılmış və bildirilmişdi ki, bu iki rus əsgəri Suriyanın Deyr-əz-Zor əyalətində cihadçılara əsir düşüblər.

​Videoda kişilərdən biri Rostov vilayətində doğulmuş 1979-cu il təvəllüdlü Zabolotni Roman Vasilyeviç olduğunu bildirir. O danışır ki, İŞİD-in əks-hücumu zamanı Əş-Şula yaşayış məntəqəsində girov düşüblər.

Əsir, yanındakı digər kişi haqqında deyir ki, o, 1978-ci il təvəllüdlü Domodedovo rayon sakini Tsurkan Qriqori Mixayloviçdir. Əsirlərin sir-sifətindən işgəncələrə məruz qaldıqları görünür.

Sentyabrın 28-də İŞİD iki rus hərbçisini əsir götürdüyünü açıqlamış və onların videosunu yaymışdı. Rusiyanın Müdafiə Nazirliyi isə xəbəri təkzib etmişdi.

2072
Əlaqədar
Rusiya İŞİD-in mövqelərinə növbəti raket zərbəsini endirib
İŞİD-dən xilas edilən azərbaycanlı uşaqların qohumları tapıldı - VİDEO
İŞİD-ə qoşulan azərbaycanlıların sayı bilindi
İŞİD-lə əlaqəsi olan 36 nəfər həbs edildi
Sinem Kobal, arxiv şəkli

Türkiyəli məşhur aktrisadan nümunəvi addım

8
(Yenilənib 08:22 12.08.2020)
Ulduz aktirisa "Hürrem Sultan", "Arka Sokaklar", "Selena", "Gönül işleri", "Yüz yüze" kimi məşhur film və seriallardakı rolları ilə tanınıb.

Şahpəri Abbasova, Sputnik Azərbaycan

BAKI, 12 avqust — Sputnik. Ana olmağa hazırlaşan türkiyəli aktrisa Sinem Kobal doğum günü üçün pərəstişkarlarından yardım istəyib. Sputnik Azərbaycan türk mətbuatına istinadən xəbər verir ki, Kobal hədiyyə yerinə "Xərçəngiz həyat" fonduna yardım edilməsini xahiş edib.

Aktirisa rəsmi "Instagram" səhifəsindən izləyicilərinə çağırış edbi: "14 avqusta – ad günümə az qaldı. Bu il ad günümü qeyd etmək istəmirəm. Ad günümü qeyd etmək yox, xeyriyyə addımı atmaq istəyirəm. Hədiyyələr almaq əvəzinə, xərçəng xəstəliyindən əziyyət çəkən uşaqlarımıza yardım edək, onların kiçik qəlblərini sevindirməyə vəsilə olaq. "Xərçəngsiz həyat" kampaniyamıza başladım. Sevginin gücü ilə, sizin dəstəyinizlə yaxşılaşdıraq, yaxşılaşaq"

Qeyd edək ki, Sinem Kobal məşhur türk aktyoru Kenan İmirzalıoğlunun həyat yoldaşıdır. Ulduz aktirisa "Hürrem Sultan", "Arka Sokaklar", "Selena", "Gönül işleri", "Yüz yüze" kimi məşhur film və seriallardakı rolları ilə tanınıb.

8
Aktrisa Alissa Milano, arxiv şəkli

COVID-19 bu amerikalı ulduzdan da yan keçmədi

25
(Yenilənib 22:42 11.08.2020)
"Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"

Şahpəri Abbasova, Sputnik Azərbaycan

BAKI, 11 avqust — Sputnik. Dünyanı cənginə alan koronavirus (COVID-19) bəlası Amerikanın məşhur aktirisası Alissa Milanodan da yan keçməyib.

Virus nəticəsində aktirisanın saçları tökülüb. Ulduz saçının necə töküldüyünü göstərmək üçün instaqram səhifəsində video paylaşıb. Tanınmış aktirisa izləyicilərini maska taxmağa çağırdı. Milano, xəstəlik simtonlarını aprel ayında hiss etməyə başlayıb. Virusa görə test etdirən aktirasanın nəticələri pozitiv çıxıb. Xəstəliyinin hələ də davam etdiyini bildirən aktirisa bunları deyib: "Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"

Qeyd edək ki, A.Milano "Kommando", "Alatoranlıq vaxtı", "Şöhrətin parıltısı", "Gəlini öp", "Patologiya", "Köhnə Yeni il", "Qorxu" və s. filmlərində rol alıb.

25
Əli qandallanmış kişi polis bölməsində, arxiv şəkli

Şəmkirdə "Canavar" ələ keçdi, amma əməli heç canavara yaraşmır

0
Saxlanılan şəxslər istintaqa təhvil veriliblər, maddi sübutlar isə ekspertizaya təqdim olunub. Faktlarla bağlı araşdırma aparılır

BAKI, 12 avqust — Sputnik. Şəmkir Rayon Polis Şöbəsinin (RPŞ) əməkdaşları tərəfindən rayon sakinləri, əvvəllər məhkum olunmuş 42 yaşlı Tural Ələsov, 46 yaşlı Vüqar Zamanov və 42 yaşlı, əvvəllər dəfələrlə məhkum olunmuş Şirxan Aslanov narkotik vasitələrin qanunsuz satışında və saxlanmasında şübhəli bilindikləri üçün saxlanılıblar.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupuna istinadla xəbər verir ki, onların üzərinə qanunvericiliklə müəyyən edilmiş qaydada baxış keçirilən zaman T. Ələsovdan 1.296 qram, Ş. Aslanovdan 0.253 qram, Vüqar Zamanovdan isə 0.289 qram narkotik vasitə olan heroin aşkar edilərək götürülüb. İlkin dindirilmə zamanı Şirxan Aslanov və Vüqar Zamanov narkotik vasitəni "Canavar" ləqəbi ilə tanıdıqları Tural Ələsovdan aldıqlarını etiraf ediblər.

Bundan başqa RPŞ əməkdaşlarının keçirdikləri digər əməliyyat tədbirləri nəticəsində, qanunsuz olaraq narkotik saxlamaqda şübhəli bilinən, əvvəllər məhkum olunmuş rayon sakini Dilqəm Məmmədov saxlanılaraq RPŞ-yə gətirilib və onun üzərinə keçirilmiş baxış zamanı 13.533 qram narkotik vasitə olan həşiş və 0.676 qram qurudulmuş marixuana aşkar edilərək götürülüb.

Rayon Polis Şöbəsinin daxil olmuş məlumat əsasında keçirdikləri daha bir əməliyyat tədbirləri nəticəsində, qanunsuz olar narkotik vasitə əkib-becərməkdə şübhəli bilinən rayonun sakini, əvvəllər məhkum olunmuş 45 yaşlı Ömər Rzayevin Yuxarı Seyfəli kəndi ərazisindəki həyətyanı sahəsinə keçirilən baxış zamanı oradan 5 ədəd ümumi çəkisi 12 kq 400 qram olan çətənə bitkiləri aşkar edilərək götürülüb.

Saxlanılan şəxslər istintaqa təhvil veriliblər, maddi sübutlar isə ekspertizaya təqdim olunub. Faktlarla bağlı araşdırma aparılır.

0
Əlaqədar
Gəncə sakini ağır dəlillə ələ keçdi - FOTO
Oğuzda 3 tondan artıq narkotik vasitə məhv edilib
Dərman da olarmış! Marixuananın xərçəngi məhv edən növü aşkarlanıb
Videosu "tutmadı", özünü tutdular
Şabran polisi əməliyyat keçirdi: üç rayon sakini saxlanıldı