ABŞ-ın Ankaradakı səfirliyi

Türkiyə-ABŞ böhranı: buzlar əriyir?

152
(Yenilənib 16:38 09.10.2017)
ABŞ-ın İstanbuldakı Baş Konsulluğunun daha bir əməkdaşı barədə həbs qərarı verilib

BAKI, 9 oktyabr — Sputnik. Türkiyə ilə ABŞ arasındakı böhrandan sonra tərəflər arasında ilk əlaqə yaradılıb.

Sputnik Azərbaycan-ın "Milliyet" qəzetinə istinadən verdiyi məlumata görə, ABŞ-ın Ankaradakı səfirliyinin müşaviri Filip Kosnett Türkiyə Xarici İşlər Nazirliyinə çağırılıb və ona Ankaranın Türkiyəyə qarşı qəbul olunmuş qərarın ləğv olunmasını gözlədiyi bildirilib. Türkiyə xarici işlər nazirinin müşaviri isə ABŞ səfiri Con Bassla telefonla danışıb. Lakin ölkənin ədliyyə naziri Abdulhamit Gül ABŞ-ın Türkiyədəki səfiri Con Bassın görüş təklifini qəbul etməyib.

Qeyd edək ki, ötən gün ABŞ Türkiyə vətəndaşlarına viza verilməsini dayandırıb. Buna ABŞ-ın İstanbuldakı Baş Konsulluğunun əməkdaşı Metin Topuzun həbsi səbəb olub. M. Topuz FETÖ terror təşkilatı ilə əlbir olmaqda təqsirli bilinərək həbs edilib. Türkiyə də rəsmi Vaşinqtonun qərarına cavab olaraq ABŞ vətəndaşlarına viza verilməsini dayandırıb.

Bu arada ABŞ-ın İstanbuldakı Baş Konsulluğunun daha bir əməkdaşı barədə həbs qərarı verilib.

Haqqında həbs qərarı verilən baş konsulluq əməkdaşının həyat yoldaşı və övladının ifadəsi alınır. Həmin şəxs hazırda baş konsulluqdadır, binanı tərk etmir.

152
Teqlər:
ABŞ-Türkiyə böhranı, ABŞ-ın İstanbuldakı Baş Konsulluğu, Türkiyə Xarici İşlər Nazirliyi, Metin Topuz, Abdulhamit Gül, Filip Kosnett, Con Bass, Türkiyə, ABŞ
Mövzu:
ABŞ-Türkiyə gərginliyi (15)
Əlaqədar
ABŞ-ın Türkiyəyə qarşı radikal qərar verməsinin səbəbi ortaya çıxdı
ABŞ və Türkiyə bir-birilərinə qarşı sərt qərarlar qəbul edib
Türkiyədə qalmaqallı həbs: terror təşkilatının Azərbaycan təmsilçisi həbs edildi
Avropada miqrant düşərgəsi, arxiv şəkli

Avropada itkin düşmüş miqrant uşaqların sayı açıqlanıb

2
(Yenilənib 17:39 21.04.2021)
Cinayətkar təşkilatlar miqrantların uşaqlarını getdikcə daha çox hədəfə alırlar və həmin uşaqların bir çoxu insan alverinin, habelə məcburi əmək və seksual istismarın qurbanına çevrilirlər.

BAKI, 21 aprel — Sputnik. Böyük Britaniyanın "The Guardian" məcmuəsi və "Lost in Europe" beynəlxalq jurnalistlər qrupunun birgə araşdırması nəticəsində Avropada 2018-ci ilin yanvar ayından 2020-ci ilin dekabrına qədər 18292 miqrant uşağın itkin düşdüyü məlum olub. Sputnik Azərbaycan Rusiya mediasına istinadən xəbər verir ki, itkin düşmüş uşaqların əksəriyyəti son üç il ərzində Mərakeş, Əlcəzair və Əfqanıstandan gələn miqrantlardır.

Hesabata görə, bu minvalla Avropada təqribən hər gün 17 miqrant uşaq itkin düşüb. Bu uşaqların 90%-i oğlanlar olub. İtkin düşən hər altıncı uşaq isə 15 yaşdan kiçikdir. Məlumatda qeyd olunur ki, təkcə 2020-ci ildə Avropanın 13 ölkəsində 5768 uşaq itkin düşüb.

"Bu qədər uşağın itkin düşməsi onu göstərir ki, uşaqları müdafiə sistemi işləmir", - deyə "Missing Children Europe" qeyri-kommersiya təşkilatının müdafiə və miqrasiya şəbəsinin rəhbəri Federika Toskano bildirib.

Onun sözlərinə görə, cinayətkar təşkilatlar miqrantların uşaqlarını getdikcə daha çox hədəfə alırlar və həmin uşaqların bir çoxu insan alverinin, habelə məcburi əmək və seksual istismarın qurbanına çevrilirlər.

Bir müddət əvvəl Niderlanddakı sığınacaqlardan 60 nəfər vyetnamlı uşağın itməsi barədə xəbərlər yayılıb. Hollandiya hökumət dairələri həmin uşaqların Böyük Britaniyaya aparılaraq kannabis yetişdirilən fermalarda və manikür salonlarında işə cəlb olunmaları ilə bağlı şübhələrini bildiriblər.

 

2
Marixuana nümunələri, arxiv şəkli

Koronavirus peyvəndi vurduranlara marixuana payladılar

16
(Yenilənib 15:02 21.04.2021)
Dörd mindən çox adam peyvənddən sonra marixuana payını almaq üçün müraciət edib, hətta bəziləri aksiya təşkilatçılarına kələk gəlməyə də çalışıblar.

BAKI, 21 aprel — Sputnik. ABŞ-ın Nyu-York şəhərinin mərkəzində koronavirusa qarşı peyvənd vurduranlara marixuana paylanılıb. Aksiya ABŞ-da narkotiklərin leqallaşdırılması üçün mübarizə aparan DCMJ qeyri-hökumət təşkilatı tərəfindən təşkil olunub. Bu barədə Sputnik Azərbaycan Rusiya mediasına istinadla məlumat yayıb.

DCMJ-nin qurucularından biri Nikolas Şiller bildirib ki, "Marixuana istifadəçiləri peyvəndin tərəfdarıdır" şüarı ilə keçirilən aksiya Vaşinqtonda da təşkil olunub. Onun sözlərinə görə, aktivistlər bu yolla insanları vaksinasiyaya cəlb etmək istəyirlər.

Şiller onu da deyib ki, Nyu-Yorkda dörd mindən çox adam peyvənddən sonra marixuana payını almaq üçün müraciət edib. Hətta bəziləri narkotik almaq məqsədilə aksiya təşkilatçılarına kələk gəlməyə də çalışıblar. Belə ki, peyvənd vurdurduqları haqqında sertifikat əvəzinə, qanda antitelin olduğuna dair arayış gətiriblər.

Şillerin sözlərinə görə, ABŞ-da Rusiya istehsalı olan "Sputnik V" peyvəndi tətbiq olunmasa belə, bu preparatla da vaksinasiya olunanlara marixuana veriləcək.

Tədbir hər il ABŞ-da aprelin 20-də qeyd olunan Çətənə Günü münasibətilə təşkil olunub.

Qeyd edək ki, Nyu-York ştatının qanunverici məclisinin hər iki palatası marixuanadan istifadəni leqallaşdırmaq üçün qanun layihəsinin lehinə səs verib. Daha sonra həmin sənəd ştatın qubernatoru Endryu Kuomo tərəfindən imzalanıb.

https://lenta.ru/news/2021/04/21/april20/

16