ABŞ və Türkiyə bir-birilərinə qarşı sərt qərarlar qəbul edib

© REUTERS / Joshua RobertsПрезидент Турции Реджеп Тайип Эрдоган и президент США Дональд Трамп
Президент Турции Реджеп Тайип Эрдоган и президент США Дональд Трамп - Sputnik Azərbaycan
Abunə olmaq
Hər iki ölkə qarşılıqlı olaraq vizaların dayandırılması qərarı verib

BAKI, 9 oktyabr — Sputnik. ABŞ Türkiyə vətəndaşlarına viza verilməsini dayandırıb. Sputnik Azərbaycan "Anadolu" agentliyinə istinadla xəbər verir ki, ABŞ-ın Ankaradakı səfirliyi Türkiyədəki bütün ABŞ diplomatik missiyalarında qeyri-miqrant viza xidmətlərinin dayandırıldığını açıqlayıb.

Здание посольства США в Москве - Sputnik Azərbaycan
RUSİYA
ABŞ Rusiya vətəndaşlarına viza verilməsini dayandırır

"Son zamanlarda yaşanan hadisələr ABŞ hökumətini, Türkiyə Respublikası hökumətinin ABŞ missiyasının təsis və personalının təhlükəsizliyi ilə bağlı öhdəliklərini yenidən nəzərdən keçirməyə məcbur edib", — deyə ABŞ-ın Ankaradakı səfirliyindən yazılı açıqlama verilib.

Açıqlamada, qiymətləndirmə prosesində səfirliklərə və konsulluqlara ziyarətçilərin sayını minimuma endirmək üçün Türkiyədəki bütün ABŞ diplomatik nümayəndəliklərində qeyri-miqrant viza xidmətlərinin dayandırıldığı bildirilib. Qərarın qeyri-müəyyən müddətə qədər qüvvədə qalacağı qeyd olunub.

Türkiyə də, ABŞ hökumətinin bu ölkənin vətəndaşlarına viza verilməsini dayandırmaq qərarına cavab verib. Bununla bağlı bəyanat Türkiyənin Vaşinqtondakı səfirliyinin "Twitter" səhifəsində yerləşdirilib.

Açıqlamada deyilir ki, son zamanlarda yaşanan olaylar Türkiyə hökumətini, ABŞ hökumətinin Türkiyə missiyasının təsis və personalının təhlükəsizliyi ilə bağlı öhdəliklərini yenidən nəzərdən keçirməyə məcbur edib.

Qeyd olunur ki, Birləşmiş Ştatlardakı Türkiyə səfirliyinə və konsulluğuna gələn ziyarətçi sayının azaldılması üçün ABŞ-da olan bütün missiyalarda ABŞ vətəndaşları üçün vizaların verilməsi proseduru dayandırılıb.

Xəbər lenti
0