İspan polisinə etiraz edən gənclər, Barselona, 20 sentyabr 2017-ci il

Separatçıların lideri sərt danışdı: "Türkiyədə belə bir hadisə baş verərsə..."

445
(Yenilənib 14:09 06.10.2017)
"Özlərini demokrat sayan qlobal güclər, hələ də bu haqsızlığa səs çıxarmayıb"

BAKI, 5 oktyabr — Sputnik. "Əgər Türkiyə, Polşa və ya Macarıstanda, polis mülki şəxslərə qarşı sərt davransaydı, Avropanın mövqeyi çox sərt olardı. Ancaq, eyni Avropa, ispan polisinin katalanlara qarşı qeyri-insani rəftarını görməzdən gəldi".

İspaniyanın Kataloniya Muxtar bölgəsinin rəhbəri Karles Puçdemon
© AFP 2020 / Josep LAGO
İspaniyanın Kataloniya Muxtar bölgəsinin rəhbəri Karles Puçdemon

Sputnik Azərbaycan "Timeturk"-ə istinadən xəbər verir ki, bunu İspaniyanın Kataloniya Muxtar Vilayətinin lideri Karls Pucemont jurnalistlərə açıqlamasında deyib. O, İspaniya hökuməti və polisinin insani dəyərləri, haqq və hüququ tapdadığını söyləyib.

"Mən Avropa dəyərlərinin gələcəyindən şübhə edirəm. Özlərini demokrat sayan qlobal güclər, hələ də bu haqsızlığa səs çıxarmayıb" — katalan lider qeyd edib.

Qeyd edək ki, oktyabrın 1-də İspaniyanın Kataloniya Muxtar bölgəsində müstəqillik referendumu keçirilib. Madrid hökumətinin və ispan polisinin bütün təzyiqlərinə baxmayaraq, referendum baş tutub.

Nəticələrə əsasən, katalanların 90%-i İspaniyadan ayrılmağa səs verib. Artıq 5 gündür ki, bölgədə ispan polisi ilə katalanlar arasında şiddətli qarşıdurmalar yaşanır. Yüzlərlə insan yaralanıb.

445
Teqlər:
Karls Pucemont, Kataloniya, dəyər, Avropa, Türkiyə, polis, İspaniya, referendum
Əlaqədar
Separatçı referendumlar fonunda Avropanın və Yaxın Şərqin gələcəyi
Vəlizadə: “Son keçirilən referendumlar demokratik meyarlara söykənmir”
Kataloniyada referendumun nəticələri elan edilib
Qanlı referendum: 40-dək insan xəsarət aldı
Kürdlərin referendumu bitdi, ilkin nəticələr açıqlandı
Türkiyə kürdlərin referendumuna qarşı sözdən əmələ keçdi
Bütün xəbərdarlıqlara rəğmən: referendum rəsmən başladı
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

20
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

20
Ramil Quliyev

Dünya çempionu da "Qarabağ Azərbaycandır!" dedi

31
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

31
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0