BAKI, 23 sentyabr — Sputnik. London rəhbərliyi Uber-in şərnişin daşımaq üçün lisenziyasının vaxtını uzatmamaq qərarına gəlib. Bu barədə yayılmış bəyanatda deyilir.
Şəhər rəhbərliyinin xoşuna gəlməyən şirkətin sərnişinlərin təhlükəsizliyinə yanaşmasıdır. Onların fikrincə, Uber ciddi kriminal pozuntularla və tibbi sertifikatlarla bağlı vəziyyətlərə kifayət qədər məsuliyyətlə yanaşmır.
London meri Sadiq Xan da Uber-ə qarşı ittihamları dəstəkləyərək hər kəsin qaydalarla oynamalı olduğunu deyib.
Uber-in hazırkı lisenziyası sentyabrın 30-da bitir.
Şirkətin məlumatına görə, Londonda 3,5 milyon sakin Uber-dən istifadə edir və 40 min nəfər bu şirkətə işləyir.
Bloomberg isə ABŞ rəsmilərinin də Uber-ə qarşı istintaqa başladıqlarını yazıb. Şirkət rəqabət qaydalarını pozmaqda ittiham edilir.
