Arakan qaçqınları

BMT buddist zülmündən qaçan müsəlmanlara yardım əlini uzadacaq

3441
(Yenilənib 18:01 09.09.2017)
Myanmadakı zülmdən əziyyət çəkən müsəlmanlara yardım üçün 7 milyon dollar ayrılacaq

BAKI, 8 sentyabr — Sputnik. Birləşmiş Millətlər Təşkilatı (BMT) Myanmadakı zülmdən əziyyət çəkən müsəlmanlara yardım üçün 7 milyon dollar ayıracaq. Sputnik Azərbaycan xarici mətbuata istinadən xəbər verir ki, bu barədə BMT-nin humanitar məsələlər üzrə rəhbəri Mark Loukok açıqlama verib.

"Fondumuz qaçqınlara sığınacaq və ərzaq yardımı edir. Üstəlik vəziyyəti ağır olanlara tibbi xidmət göstərir" — Loukok qeyd edib.

BMT rəsmisi, humanitar yardımların təhlükəsiz çatdırılması üçün Myanma hökumətindən zəmanət istəyib.

3441
Teqlər:
Birləşmiş Millətlər Təşkilatı, müsəlman, BMT, dollar
Əlaqədar
"Dünya Myanmadakı qətliam qarşısında kar və kordur"
Nüfuzlu təşkilat müsəlman qırğınını "soyqırımı" adlandırdı
Arakanlı müsəlmanlara qarşı daha bir rəzalət
Daha bir ölkədə müsəlmanlara qarşı vandalizm baş verdi
Moskvada 200 min müsəlman namaza durdu
Doktor, arxiv şəkli

Beş yüzdən çox türk həkim Qarabağa könüllü yollanmaq üçün Konsulluğa müraciət edib

5
(Yenilənib 15:58 31.10.2020)
"Türk həkimlər birliyi" platforması arxa cəbhədə xidmət etmək üçün "Qarabağ üçün könüllü ol" layihəsi çərçivəsində könüllü 504 həkimin müraciətini Azərbaycanın İstanbuldakı Baş konsulu Nərminə Mustafayevaya təqdim edib.

BAKI, 31 oktyabr — Sputnik. Türkiyədən 504 həkimin Dağlıq Qarabağda gedən hərbi əməliyyatlarla əlaqədar arxa cəbhədə könüllü xidmət etmək üçün Azərbaycanın İstanbuldakı Baş Konsulluğuna etdiyi müraciət qəbul olunub.

Sputnik Azərbaycan APA-ya istinadla xəbər verir ki, İstanbuldakı Baş Konsulluq həkimlərin müraciətlərinin Bakıya aidiyyəti qurumlara yönəldildiyini bildirib.

Qeyd edək ki, ötən gün "Türk həkimlər birliyi" platforması arxa cəbhədə xidmət etmək üçün "Qarabağ üçün könüllü ol" layihəsi çərçivəsində könüllü 504 həkimin müraciətini Azərbaycanın İstanbuldakı Baş konsulu Nərminə Mustafayevaya təqdim edib.

5
Gürcüstanda parlament seçkisi

Gürcüstanda parlament seçkiləri: Giorgi Qaxaria "ölkənin demokratik inkişafına" səs verib

5
Baş nazir: "Seçki kampaniyası demokratiyanın bütün tələblərinə cavab verib, bu səbəbdən demokratik dəyərlərə, ədalətə və iqtisadi cəhətdən güclü Qərb yönümlü dövlətə səs verdim".

BAKI, 31 oktyabr — Sputnik. Bu gün Gürcüstanda parlament seçkisi keçirilir. Sputnik Azərbaycan-ın RİA Novosti-yə istinadən yaydığı xəbər görə, səhər saatlarında səsvermədə iştirak edən qonşu ölkənin Baş naziri Giorgi Qaxaria ölkənin demokratik inkişafına səs verdiyini bildirib.

"Seçki kampaniyası demokratiyanın bütün tələblərinə cavab verib, bu səbəbdən demokratik dəyərlərə, ədalətə, iqtisadi cəhətdən güclü Qərb yönümlü dövlətə səs verdim", - deyə o bildirib.

"Bugün dünəndən qat-qat üstün olan Gürcüstana səs verdim və sabah bugünküdən daha yaxşı olacaq. Əlbəttə ki, heç kim keçmişə qayıtmağı xəyal edə bilməz, səsimi ölkənin gələcəyi üçün verdim", - deyə Baş nazir vurğulayıb.

Qeyd edək ki, Gürcüstanda budəfəki parlament seçkisi qarışıq seçki sistemi əsasında keçirilir: 150 yerdən 120-si partiyaların təqdim etdikləri siyahı əsasında, 30-u isə majoritar dairələr tərəfindən seçiləcək. Partiyalar üçün keçid həddi 1%-dir, majoritar namizədlərin səslərin 50%-dən çoxunu qazanması tələb olunur.

Səslərin 40%-dən çoxunu alacaq bir partiya müstəqil olaraq hökuməti qura biləcək.

Xatırladaq ki, Gürcüstanda 48 partiya və iki siyasi blok parlament yerləri uğrunda mübarizə aparır. Əsas rəqiblər hakim "Gürcü Arzusu" partiyası və başında keçmiş Prezident Mixail Saakaşvilinin durduğu birləşmiş müxalifəti təmsil edən Vahid Milli Hərəkatdır.

Azərbaycandan qonşu ölkədə seçkiləri müşahidə edən Milli Məclisin Azərbaycan-Gürcüstan parlamentlərarası işçi qrupunun rəhbəri Arzu Nağıyev jurnalistlərə açıqlamasında bildirib ki, onların olduğu dairələrdə hər hansı insident baş verməyib:

“Pandemiya şəraitinə baxmayaraq, seçici fəallığı müşahidə olunur. Seçki məntəqələrində koronavirus infeksiyasının yayılmaması üçün xüsusi qaydalara ciddi şəkildə əməl olunur”.

A.Nağıyev qeyd edib ki, deputatlığa namizədlər arasında Gürcüstan azərbaycanlılarının da yer alması mühüm əhəmiyyət kəsb edir.

Qrup rəhbəri Milli Məclis və Gürcüstanın yeni seçiləcək parlamenti arasında əməkdaşlığın davam etdiriləcəyini söyləyib: “Azərbaycan-Gürcüstan münasibətləri strateji tərəfdaşlıq xarakteri daşıyır. Parlamentlərarası əlaqələrin gələcəkdə də davam etdirilməsi və gücləndirilməsi nəzərdə tutulub”.

Qeyd edək ki, qonşu ölkədə keçirilən parlament seçkilərini Milli Məclisin 3 üzvü müşahidə edir.

5
Həkim, arxiv şəkli

TƏBİB Neyrocərrahiyyə Xəstəxanasına yeni baş həkim təyin edib

0
(Yenilənib 16:19 31.10.2020)
Respublika Neyrocərrahiyyə Xəstəxanasına baş həkim vəzifəsinə Fərid Vahid oğlu Təqdirov təyin edilib.

BAKI, 31 oktyabr — Sputnik. Tibbi Ərazi Bölmələrini İdarəetmə Birliyinin (TƏBİB) idarə heyətinin sədri Ramin Bayramlının müvafiq əmri ilə Respublika Neyrocərrahiyyə Xəstəxanasına baş həkim vəzifəsinə Fərid Vahid oğlu Təqdirov təyin edilib. Bu barədə Sputnik Azərbaycan-a TƏBİB-dən məlumat verilib.

Bildirilib ki, Fərid Təqdirov 1996-2002-ci illərdə Azərbaycan Dövlət Tibb Üniversitetinin Müalicə işi fakültəsində təhsil alıb, 2002-2003-cü illərdə Respublika Neyrocərrahiyyə Xəstəxanasında neyrocərrahiyyə ixtisası üzrə internatura keçib.

İlk əmək fəaliyyətinə Respublika Neyrocərrahiyyə Xəstəxanasında neyrocərrah kimi başlayıb, daha sonra Füzuli rayonu N-saylı Tibb Taborunda, Dövlət Təhlükəsizlik Xidmətinin Hərbi Tibbi Baş İdarəsinin Hospitalında və müxtəlif özəl tibb müəssisələrində neyrocərrah kimi fəaliyyət göstərib.

0
Teqlər:
baş həkim, Tibbi Ərazi Bölmələrini İdarəetmə Birliyi, TƏBİB