Reina gecə klubunda terror, arxiv şəkli

İstanbul terrorunun əmri ABŞ-dan verilib?

51
İddiaya görə Mançesterdəki konsert salonu ilə “Reina”ya hücum əmri eyni şəxs tərəfindən verilib

BAKI, 25 avqust — Sputnik. “Reina” qətliamının əmri Texasdan gəlib. Sputnik Azərbaycan Türkiyə mətbuatına istinadla xəbər verir ki, İtaliyada yayımlanan həftəlik xəbər jurnalı İstanbuldakı “Reina” gecə klubunda həyata keçirilən qətliam əmrinin ABŞ-ın Texas ştatında yaşayan İŞİD üzvü tərəfindən verildiyini iddia edib.

Jurnal bunu ABŞ Federal Təhqiqatlar Bürosunun (FTB) başladığı istintaq işinə istinad edərək yazıb. “L Espresso” jurnali qeyd edir ki, xüsusi xidmət orqanları İŞİD terror təşkilatının qanlı hərəkətlərinin izini açmağa çalışır. Dərgi, Suriyadan başlayıb, qolları ABŞ-a qədər uzanan təşkilatın Avropadakı əlaqələri ilə bağlı FTB və İtaliya xüsusi xidmət orqanlarının gəldikləri qənaətin bəzi məqamlarını işıqlandırıb.

İddiaya görə, İngiltərənin Mançester şəhərindəki konsert salonunda partlayış və “Reina”ya hücum əmri eyni şəxs tərəfindən verilib.

Jurnalın məlumatına görə, 22 mayda İngiltərənin Mançester şəhərindəki Arena konsert salonunda həyata keçirilən və 22 gəncin öldüyü terror hadisəsi ilə 39 nəfərin ölümü ilə nəticələnən “Reina” terroru əmrini eyni şəxs verib. Jurnal bu şəxsi "sirli texaslı" adlandırıb və sonradan bu şəxsin ABŞ-ın Dallas şəhərində yaşayan iordaniyalı, 40 yaşlı Səid Əzzam Muhəmməd Rahim olduğunu yazıb. Məlumata görə, Rahim “Reina” terrorundan 5 gün sonra Dallasda həbs edilib, ancaq İŞİD-lə əlaqəsinin inkar etdiyi üçün azad buraxılıb. Amma sonra yenidən həbs edilib.

Jurnalın məlumatına görə, texaslı Rahim terror əmrini "Zello" proqramı vasitəsilə verib. Bu proqramdan 10 minə yaxın terrorçunun istifadə etdiyi bildirilir. Jurnal qeyd edir ki, Rahim 16 dekabrda yazışmasında "Türkiyədə yaşayan imanlı qardaşlarına" səslənərək İŞİD-ə sədaqət andı içməyənləri, eləcə də təkcə rəhbərləri deyil, sadə vətəndaşları, turistik məkanları, hava limanlarını və gecə klublarını hədəf almaq əmrini verib. Bundan iki həftə sonra “Reina” qətliamı baş verib və FTB yanvarın 5-də Rahimi həbs edərək dindirib. Onun evində əməliyyat keçirilib, bütün kompüterləri, telefonları və digər texniki vasitələri götürüb. Daha sonra azadlığa buraxılan Rahim İŞİD-in Suriya-İraq qüvvələrinə qoşulmaq üçün İordaniyaya gedərkən təkrar həbs edilib və həbsxanaya göndərilib.

51
Teqlər:
Reina gecə klubu, Texas, ABŞ, terror
Əlaqədar
“Reina qatili” ilə əlbir olan şəxs həbs edildi
Polisdən gizlənən "Reina" qatili bu qadından gizlənə bilmədi
Reina klubunda terror törədən şəxs təlim keçdiyi ölkənin adını açıqladı
“Reina” klubunda cinayəti Özbəkistan vətəndaşı törədib

Əli Əsədov Türkiyənin vitse-prezidentinə məktub göndərib

0
Azərbaycanla Türkiyənin bütün məsələlərdə bir-birini dəstəkləməsinin, bir-birinin yanında olmasının iki ölkənin əsrlərin sınağından çıxmış qardaşlığının və müttəfiqliyinin bariz şəkildə ifadəsi olduğu vurğulanıb

BAKI, 29 oktyabr — Sputnik. Azərbaycan Respublikasının Baş Naziri Əli Əsədov oktyabrın 29-da Türkiyə Respublikasının Vitse-prezidenti Fuat Oktaya məktub ünvanlayıb.

Nazirlər Kabinetinin Mətbuat Xidmətindən Sputnik Azərbaycan-a verilən məlumata görə, Baş Nazir Əli Əsədov Türkiyə Respublikasının milli bayramı – Respublika Günü münasibətilə Fuat Oktayı və qardaş türk xalqını təbrik edib.

Baş Nazir, həmçinin məktubunda Türkiyənin Vitse-prezidentini Ermənistanın Azərbaycana qarşı davam edən hərbi təxribatı ilə əlaqədar son hadisələr barədə məlumatlandırıb. Ermənistanın Azərbaycana qarşı vəhşiliklərini və hərbi cinayətlərini pislədiyinə, Azərbaycanın haqq işini dəstəklədiyinə görə Türkiyə Respublikasının rəhbərliyinə və bütün qardaş türk xalqına bir daha dərin təşəkkürünü bildirib.

Azərbaycanla Türkiyənin bütün məsələlərdə bir-birini dəstəkləməsinin, bir-birinin yanında olmasının iki ölkənin əsrlərin sınağından çıxmış qardaşlığının və müttəfiqliyinin bariz şəkildə ifadəsi olduğu vurğulanıb.

0
Mövzu:
Azərbaycan və Ermənistan arasında müharibə
Gəncədə vəziyyət, arxiv şəkli

10 aylıq Narin, 1 yaşlı Mədinə, 8 yaşlı Aysu - UNICEF-dən erməni terroru ilə bağlı bəyanat

10
(Yenilənib 11:09 29.10.2020)
"Riayət olunmayan üç atəşkəs anlaşması fonunda davam edən dörd həftəlik döyüşlərin uşaqlar üçün acı nəticəsidir"

BAKI, 29 oktyabr — Sputnik. "10 aylıq Narin, 1 yaşlı Mədinə, 8 yaşlı Aysu, 9 yaşlı Viktoriya, 13 yaşlı Şəhriyar, 13 yaşlı Artur, 14 yaşlı Fərid, 15 yaşlı Fidan, 15 yaşlı Nigar, 16 yaşlı Orxan. Bunlar, Dağlıq Qarabağ münaqişəsi zonasında və ondan kənarda bir ay davam edən döyüşlər zamanı öldürülən 10 uşağın adları və yaşlarıdır. 11 yaşlı oğlan və 12 yaşlı qızın adları hələlik açıqlanmayıb".

Sputnik Azərbaycan-ın məlumatına görə, bu barədə UNICEF-in Dağlıq Qarabağ və ətrafında gedən bir aylıq döyüşlərə dair yaydığı bəyanatda bildirilib. Bəyanatda qeyd edilib ki, 130 mindən çox insan evlərindən didərgin düşüb, 76 məktəb və uşaq bağçasına ziyan dəyib, bir doğum evi topla atəşə tutulub: "Mülki bölgələrə gündəlik endirilən raket hücumlarının psixoloji təsirinə məruz qalan saysız-hesabsız uşaqlar qorxu keçirirlər. Riayət olunmayan üç atəşkəs anlaşması fonunda davam edən dörd həftəlik döyüşlərin uşaqlar üçün acı nəticəsidir. UNICEF uşaqların bundan sonra da həlak olmaması üçün döyüşlərin dərhal və tam dayandırılması üçün bir daha müraciət edir".

10
Mövzu:
Azərbaycan və Ermənistan arasında müharibə
Əlaqədar
Bərdədə erməni təxribatından ölənlərdən biri 7 yaşlı uşaqdır - FOTO
Dərhal evə qaçdım, amma artıq gec idi - Erməni hücumu nəticəsində həlak olan Aysunun atası
Yalnız Xədicə sağ qalıb: qızın xalası onun vəziyyəti barədə danışıb
Şeyxdən II Qareginə irad: "Uşaqları hərbi savaşa çağırması..."
Gəncədə öldürülən 26 nəfərdən 10-u qadın, 6-sı uşaqdır - Baş Prokurorluq