Koray Aydın

Məşhur türk millətçisi istefa verdi

1269
"Mövcud iqtidarı haqq-hesaba çəkmək üçün yeni qurulacaq partiyaya qoşulmağa qərar verdim"

BAKI, 22 avqust — Sputnik. Türkiyənin Milliyətçi Hərəkat Partiyasının (MHP) fəal üzvlərindən olan, millət vəkili Koray Aydın partiyadan istefa verdiyini açıqlayıb. Sputnik Azərbaycan "Sözcü"-yə istinadən xəbər verir ki, Koray Aydın bir müddət əvvəl MHP-dən ayrılıb yeni partiya qurmağa hazırlaşan Meral Akşenerin yanında yer alacağını söyləyib.

"Mövcud iqtidarı haqq-hesaba çəkmək üçün yeni qurulacaq partiyaya qoşulmağa qərar verdim. Bu səbəblə də MHP-dən ayrılıram. Quracağımız yeni partiya ilə türk millətinin önünə yeni üfüqlər açmağa gəlirik. Rahat olanları narahat etmək üçün gəlirik. Bu, milli bir vəzifədir" — K. Aydın bildirib.

"Ülkücü hərəkatın quruluş prinsipləri və idealları mövcud rəhbərlik tərəfindən çox təəssüf ki, tərk edilib. Sırf fərqli namizədi dəstəklədikləri üçün partiyalı qardaşlarımız ata ocaqlarından qovulmuş və nəhayət başqalarına göstərilən tolerantlıq ülküdaşlarımızdan əsirgənilmişdir" — o əlavə edib.

1269
Teqlər:
Meral Akşener, Koray Aydın, Milliyətçi Hərəkat Partiyası, MHP, Türkiyə, partiya, istefa
Əlaqədar
"Neftçi"nin baş məşqçisi istefa verib
Azərbaycan idmanında növbəti qalmaqal: vitse-prezident istefa verdi
Hökumət tam tərkibdə istefa verdi
Türkiyə hökumətində sürpriz istefa
Ağ Evdə daha bir istefa
ABŞ-ın dövlət katibi istefa verə bilər