BAKI, 12 avqust — Sputnik. Çinin Fujian bölgəsində Fuzhou şəhərində yaşayan qadın yeni doğulmuş körpəsindən kuryer xidməti ilə qurtulmaq istəyib.
Sputnik Azərbaycan Türkiyə mətbuatına istinadla xəbər verir ki, 24 yaşlı çinli qadın yüni dünyaya gətirdiyi körpəsini plastik torbaya qoyaraq internata göndərmək üçün kuryer çağırıb. Ancaq kuryer torbanın hərəkət etdiyini və ağlamaq səsini eşidib polisə müraciət edib. Kuryer bildirib ki, torbanı qadından alan zaman yoxlamaq istəsə də, qadın buna sərt şəkildə etiraz edib.
Polis 24 yaşlı ananı övladını atmaqla günahlandıraraq həbs edib. Çin qanunlarına görə, övladlarını atan valideyinlər 5 il azadlıqdan məhrum edilir.
