Con Bass

Donald Tramp Türkiyədəki səfiri niyə Əfqanıstana göndərdi?

21
(Yenilənib 15:10 21.07.2017)
Con Bass 2014-cü ildə ABŞ-ın sabiq rəhbəri Barak Obama tərəfindən Türkiyəyə səfir təyin edilib

BAKI, 21 iyul — Sputnik. ABŞ prezidenti Donald Tramp ölkəsinin Türkiyədəki səfiri Con Bassın yerini dəyişmək barədə qərar qəbul edib. Sputnik Azərbaycan "Washington Post"-a istinadən xəbər verir ki, bu barədə Ağ Ev məlumat yayıb.

Xəbərə görə, Con Bass bundan sonra Amerikanın Əfqanıstandakı səfiri vəzifəsini icra edəcək.

Bassın əvəzinə Türkiyəyə kimin göndəriləcəyi isə hələlik məlum deyil. 

Bu ani dəyişikliyi şərh edən Dövlət Departamentinin keçmiş spikeri Con Kirbi, Trampın qərarını "sərsəm" adlandırıb. O, Trampın belə bir addım atmasının səbəbini, Con Bassı məhz sabiq prezident Barak Obamanın təyin etməsi ilə əlaqələndirib.

"Con Bass çox yaxşı tanıdığım diplomatdır. Bu sahədə onun kimi bacarıqlı və təcrübəli birini tanımıram" — Kirbi deyib.

Con Bass 2014-cü ildə ABŞ-ın sabiq rəhbəri Barak Obama tərəfindən Türkiyəyə səfir təyin edilib.

Xatırladaq ki, yeni prezident Donald Tramp, bir müddət əvvəl verdiyi açıqlamasında, xələfi Obamanın təyinatlarını gözdən keçirəcəyini, o nə edibsə əksini edəcəyini söyləmişdi.

21
Teqlər:
Con Bass, Donald Tramp, Con Kirbi, Barak Obama, Əfqanıstan, Türkiyə, ABŞ
Əlaqədar
Çinə yeni səfir təyin olundu
ABŞ-ın Rusiyaya təyin edəcəyi yeni səfirin adı açıqlanıb
ABŞ İsraildəki səfirliyini Qüdsə köçürəcək, amma...
Səfir: “Türk xalqı cümhuriyyətinə xainlik edənləri cəzalandırdı”
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

14
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

14
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

18
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

18

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0