Səudiyyə Ərəbistanı kralı Salman bin-Əbdüləziz, arxiv şəkli

Şahzadə kralın əmri ilə həbs olundu

49
Səudiyyə Ərəbistanı şahzadələrindən biri kralın əmri ilə həbs olunub

BAKI, 20 iyul — Sputnik. Səudiyyə Ərəbistanı şahzadələrdən biri sosial şəbəkələrdə yayılan videodan sonra həbs olunub.

APA-nın verdiyi məlumata görə, bu barədə Səudiyyə Ərəbistanın kralı Salman bin Əbdüləziz əl-Saud qərar verib.

Şahzadə Əbdüləziz bin Müsaid bin Saudun "Youtube" və "Twitter"dəki hesablarında başından qan axan şəxsə tərəf silah tuşlamasının yer aldığı video yayılıb.

760 min dəfə baxılan videoda həmçinin şahzadənin qarşısındakı masanın üzərində 18 şüşə viski və böyük miqdarda pul olub.

Digər videoda isə maşında oturmuş bir nəfərin başından qan axdığı, şahzadənin başqa bir şəxsi yumruqlayaraq döydüyü əks olunub. Videolar yayılandan sonra sosial şəbəkə istifadəçiləri "Şahzadə xalqa zülüm verir" kimi rəylər yazıblar.

Kral bundan sonra videonun araşdırılması, hadisə iştirakçılarının həbs olunması və şəriət məhkəməsinin qərarı olmadan onların sərbəst buraxılmaması barədə göstəriş verib.

Səudiyyə kral ailəsinin üzvlərinin bir çox imtiyazları olsa da, istintaq və məhkəmə qərarlarına dair immunitetə malik deyillər.

Belə ki, ötən ilin oktyabrında bir nəfəri güllələyərək öldürən daha bir şahzadə edam edilib.

Bundan başqa, 2015-ci ildə taxta oturan Salman bin Əbdüləziz əl-Saud vətəndaşlarla kobud rəftar edən nazirləri vəzifədən azad etmiş, müqəddəs Kəbəni dövrə vuranların şəklini çəkən fotoqrafa hücum edən kral ailəsinin yüksək vəzifəli daha bir üzvünü qovmuşdu.

49
Finlandiyada epidemioloji vəziyyət

Bu ölkədə rəqəmlər yenidən artdı - 45 yoluxma faktı hökuməti hərəkətə keçirdi

2
(Yenilənib 23:20 15.08.2020)
Baş nazir hər kəsin maska taxmasının vacibliyini vurğulayaraq az gəlirli ailələrə bələdiyyələr vasitəsilə pulsuz maka paylanılacağına diqqət çəkib.

BAKI, 15 avqust — Sputnik. Finlandiya hökuməti bütün dünyada 20 milyon şəxsin yoluxduğu, 750 min nəfərin isə dünyasını dəyişdiyi koronavirus pandemiyasını önləmək üçün yenidən təcili addımlar atmalı olub. Sputnik Azərbaycan-ın Türkiyə mediasına isitnadən xəbərinə görə, belə ki, ölkənin baş naziri Sanna Marin və səhiyyə üzrə baş mütəxəssislərdən biri olan Mika Salminenin birgə təşkil etdiyi mətbuat konfransında bildiirlib ki, son 2 həəftədə ölkədə COVID-19-la bağlı rəqəmlərlə artım qeydə alınıb. Marin bildirib ki, xaricdən, xüsusən də virusun daha çox tüğyan etdiyi "qırmızı bölgə"dən gələn şəxslər  məcburən 14 gün karantində qalacaqlar.

Baş nazir hər kəsin maska taxmasının vacibliyini vurğulayaraq az gəlirli ailələrə bələdiyyələr vasitəsilə pulsuz maka paylanılacağına diqqət çəkib.

Baş nazir bildirib ki, virusdan qorunmağın ən yaxşı yolu, əlləri tez-tez yumaq, gigiyenik qaydaları qorumaqır.

Qeyd edək ki, son sutkada ölkədə 45 nəfərdə COVID-19-un aşkarlanması Finlandiya hökumətini həyəcan siqnalı çalmağa vadar edib.

2
Amerikalı hərbçilər, arxiv şəkli

Kontingent böyüyür: ABŞ Polşa ilə hərbi əməkdaşlıq sazişi imzalayıb

4
(Yenilənib 21:32 15.08.2020)
Sənəd ötən il Vaşinqtonda prezidentlər Andjey Duda və Donald Trampın imzaladıqları bəyannamənin davamıdır.

BAKI, 15 avqust — Sputnik. Vaşinqton və Varşava hərbi əməkdaşlıq haqqında müqavilə imzalayıb.

Sputnik Azərbaycan RİA Novosti-yə istinadən xəbər verir ki, Amerika tərəfindən sazişə Dövlət katibi Mayk Pompeo, Polşa tərəfindən isə Milli Müdafiə naziri Mariuş Blaşak imza atıb.

Sənəd ötən il Vaşinqtonda prezidentlər Andjey Duda və Donald Trampın imzaladıqları bəyannamənin davamıdır.

Saziş xüsusilə Polşadakı Amerika hərbi kontingentinin sayının min nəfər artırılmasını, həmçinin ABŞ Quru qoşunlarının Beşinci korpusunun Komandanlığının respublikaya köçürülməsini nəzərdə tutur.

Hazırda Polşada beş minə yaxın Amerika əsgəri yerləşdirilib.

Sənəd imzalanarkən Duda bəyan edib ki, Polşa ilə ABŞ-ın hərbi əməkdaşlığı "Avropanın bizim yaşadığımız hissəsi üçün", xüsusilə Baltikyanı ölkələr və Ukrayna üçün təhlükəsizliyin gücləndirilməsi deməkdir.

4