Türk polisi

Türkiyədə Rusiya vətəndaşlarına qarşı əməliyyat: həbs olunanlar var

277
(Yenilənib 15:02 14.07.2017)
Baş verən hadisənin ucu Bakıyadək uzanır

BAKI, 14 iyul — Sputnik. Qeyri-leqal yolla Suriyaya keçmək istəyən rusiyalı ailə Türkiyədə saxlanılıb. Sputnik Azərbaycan RT-yə istinadla xəbər verir ki, Saratov vilayətinin sakini Svetlana Uxanova iki uşağı və vətəndaş nikahında yaşadığı əri Yevgeni Kaaçari ilə birlikdə Türkiyədə saxlanılıb. Onlar qeyri-qanuni yolla Türkiyə sərhəddindən Suriyaya keçməyə cəhd edirmiş.

Radikal qruplaşmaya qoşulmağa cəhddə ittiham edilən ailə Antakya şəhərindəki miqrasiya həbsxanasına göndərilib. Artıq bir aya yaxındır ki, qohumları saxlanılan şəxsləri axtarır. Onları axtarışa Svetlananın keçmiş əri Sergey Uxanov verib. Uxanov bildirib ki, onların birgə iki uşağı var və Svetlana onu aldadaraq uşaqlarını götürüb aparıb.

Uxanovun sözlərinə görə, iyunun ortalarında Svetlana vətəndaş nikahında yaşadığı əri və iki uşağı ilə birlikdə xalası qızının yaşadığı Ankara şəhərinə istirahətə getdiyini bildirib. Lakin onlar Ankaraya yox, İstanbula gediblər. Bundan sonra onlarla əlaqə itib.

Qohumlarının dediyinə görə, Svetlana son zamanlar tamamilə dəyişib. İslam dinini qəbul edib və dinin radikal cərəyanına heyranlığını gizlətməyib. Bu isə onun əri ilə münasibətlərinin korlanmasına və ayrılığa səbəb olub. 

Sergey Uxanov müəyyən edib ki, Svetlananı Suriya-Türkiyə sərhəddini saxta sənədlərlə keçməyə cəhd edərkən saxlayıblar və oradan İstanbula göndəriblər. Svetlana əri və qızları ilə birlikdə İstanbuldan Bakıya getməyə cəhd edib.

"İyulun 7-də biz aeroportda bir qrup adamın içində nəvələrimizi gördük. Yoldaşım qaçaraq dərhal nəvəmizin əlindən tutdu. Svetanın anası onunla danışmaq üçün Svetanı yana çəkdi. Elə bu vaxt dərhal uşağı bizdən aldılar" — deyə Sergeyin atası Valeri Uxanov bildirib.

Svetlana Rusiyaya qayıtmaqdan imtina edib, bildirib ki, onu aeroportda dərhal həbs edəcəklər. Valerinin sözlərinə görə, sonra Svetanı uşaqları və vətəndaş nikahında yaşadığı əri ilə birlikdə Türkiyə polisinin əməkdaşları tutublar və naməlum istiqamətə aparıblar. Sonra məlum olub ki, ailəni elə həmin gecə ölkənin cənubunda — Suriya sərhəddinə yaxınlıqda yerləşən Antakya şəhərinə aparıblar. Svetlananın keçmiş əri və anası ora uçublar ki, qızları götürsünlər. Lakin Türkiyə tərəfi bildirib ki, uşaqlar anaları ilə qalmaq istəyirlər. 

Türkiyənin Rusiyadakı səfiri Hüseyn Diriöz bildirib ki, Türkiyə-Suriya sərhəddində saxlanılan ailə ilə bağlı gələn həftə tərəflər arasında məsləhətləşmə olacaq. "Bu məsələ məhkəmə-hüquq müstəvisində həll olunmalıdır. Onu deyə bilərəm ki, gələn həftə konsulluq məsələsi ilə bağlı məsləhətləşmə olacaq və danışıqlarda bu məsələ də qaldırılacaq" — deyə səfir bildirib.

Daha əvvəl isə Rusiyanın Ankaradakı səfirliyinin mətbuat attaşesi Aleksandr Leşukov bildirmişdi ki, səfirlik Türkiyənin səlahiyyətli orqanlarından ölkə ərazisindəki Uxanova, onun əri və uşaqları barədə onlara məlumat verməyi xahiş etmişdi. 

Xatırladaq ki, Rusiya səfirliyi Türkiyənin səlahiyyətli orqanlarına müraciət edərək ölkə ərazisinə daxil olan ruslarla bağlı onlara məlumat verməyi xahiş edib. Deportasiya haqqında qərar qəbul olunduqdan sonra diplomatlar həmin vətəndaşları Rusiya ərazisinə deportasiya edir.

Qeyd edək ki, 4 iyun 2015-ci il tarixində Türkiyə-Suriya sərhəddini qanunsuz olaraq keçməyə cəhd göstərən rusiyalı tələbə Varvara Karaulova saxlanılmışdı. O, özünün həqiqi ad və soyadını dəyişərək sənədlərdə Aleksandra İvanova göstərmişdi. Onunla birlikdə terrorçulara qoşulmaq arzusu olan daha 13 Rusiya vətəndaşı tutulmuşdu. Qız bildirmişdi ki, Suriyaya sevgilisinin yanına gedir və cihadda iştirak etmək niyyəti yoxdur. 2016-cı ilin dekabrında Moskvanın hərbi dairə məhkəməsi onu 4,5 il müddətinə azadlıqdan məhrum etmişdi.

277
Teqlər:
Valeri Uxanov, Hüseyn Diriöz, Aleksandr Leşukov, Varvara Karaulova, Sergey Uxanov, Svetlana Uxanova, Saratov vilayəti, Ankara, İstanbul, Moskva, Suriya, Türkiyə
Əlaqədar
Müharibə Suriya üzərindən başqa bir ölkəyə daşına bilər
BMT Suriyadakı atşkəsi dəstəklədi
Suriyada terror aktı nəticəsində 4 nəfər ölüb
Suriyanın bölüşdürülməsi planı razılaşdırıldı, pay bölgüsündə PKK da var
Rusiya: ABŞ və İŞİD Suriyada razılığa gəlib
Aleksey Navalnıy, arxiv şəkli

G7 ölkələrinin Navalnı tələbi

0
G7 ölkələrinin - Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri Aleksey Navalnının dərhal azad edilməsini tələb ediblər

BAKI, 26 yanvar - Sputnik. G7 ölkələri Rusiya hökumətini bloger Aleksey Navalnını həbsdən azad etməyə çağırıb.

Sputnik Azərbaycan bu barədə RİA Novosti-yə istinadən məlumat verir. 

"Biz, Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri, eləcə də AB-nin yüksək statuslu nümayəndəsi, Aleksey Navalnının saxlanılmasını və siyasi motivli həbsini qətiyyətlə pisləyirik", - nazirlərin bəyanatında deyilir.

"Biz həmçinin minlərlə dinc nümayişçinin və jurnalistlərin saxlanılmasından da narahatıq və Rusiyanı özünün beynəlxalq və daxili öhdəliklərini yerinə yetirməyə, yanvarın 23-də özlərinin sərbəst toplaşma hüququnu reallaşdırmağa cəhd etdiklərinə görə saxlanılanları azad etməyə çağırırıq. Vətəndaşların öz rəylərini ifadə etmək hüuququnu polislər vasitəsilə, güc yoluyla dəf etmək qəbuledilməzdir", - bəyanatda yazılıb.

Nazirlər həmçinin bildiriblər ki, Avropa İnsan Haqları Məhkəməsi Navalnının tutulmasına rəvac verən məhkəmə qərarını da dəstəkləməyib. 

"Rusiya hökumətini qeyri-şərtsiz və dərhal cənab Navalnını azad etməyə çağırırıq... Biz cənab Navalnının, etirazçıların və jurnalistlərin həbsdən azad olunmaları barədə beynəlxalq çağırışlara Rusiyanın necə reaksiya verəcəyini, eləcə də cənab Navalnının zəhərlənməsinə görə cinayət işinin necə araşdırılacağını nəzarətdə saxlayacağıq", - nazirlər bildiriblər. 

Qeyd edək ki, yanvarın 23-də Rusiyanın müxtəlif şəhərlərində razılaşdırılmamış etiraz aksiyaları keçirilib. İnsanları mitinqlərə Navalnının tərəfdarları səsləyiblər. Saxlanılanlara hökumət nümayəndələrinə qarşı zorakılıq, yolların bağlanması, xuliqanlıq və sanitariya qaydalarının pozulmasına görə bir neçə cinayət işi açılıb. 

Aleksey Navalnı isə yanvarın 17-də Şeremetyevo aeroportunda həbs olunub. Həmin gün o, uzun müddət Almaniyada zəhərlənmədən müalicə aldıqdan sonra vətəninə qayıtmışdı.

0
Teqlər:
Rusiya, azadlıq, tələb, nazirlər, G7, Aleksey Navalni

Putin prezident Baydenlə ilk dəfə danışdı, ABŞ-ın arzusunu yerinə yetirdi

8
(Yenilənib 23:17 26.01.2021)
Vladimir Putin Cozef Baydenlə ABŞ prezidenti qismində ilk dəfə telefonla danışıb. ABŞ-ın təşəbbüsü ilə baş tutan danışıqda Baydenin arzusunda olduğu məsələ həllini tapıb

BAKI, 26 yanvar - Sputnik. Rusiya Prezidenti Vladimir Putin ABŞ-ın yeni seçilmiş dövlət başçısı Cozef Baydenlə bu gün telefonla danışıb. 

Sputnik Azərbaycan bildirir ki, bu barədə Kremlin mətbuat xidməti məlumat yayıb.

Co Baydenin mətbuat katibib Cen Psakinin sözlərinə görə, telefon danışığı ABş tərəfinin təşəbbüsü ilə baş tutub.

Putin həmkarını ABŞ prezidenti postunda işə başlaması münasibətilə təbrik edib. 

Kremlin məlumatına görə, Putin dünyada təhlükəsizlik və sabitliyin qorunmasına görə məsuliyyətləri nəzərə alınmaqla Rusiya ilə ABŞ-ın münasibətlərinin normallaşmasının hər iki ölkənin, eləcə də bütün dünyanın xeyrinə olacağını vurğulayıb. 

Psakinin sözlərinə görə, ABŞ tərəfinin əsas niyyətlərindən biri Strateji Hücum Silahlarına dair Müqavilənin (SHS-3) 5 il müddətinə uzadılması olub. Prezidentlər müqavilənin uzadılması barədə razılığa gəliblər.

Həmçinin dövlət başçıları koronavirus pandemiyasına qarşı mübarizədə, eləcə də ticari-iqtisadi əlqələr daxil olmaqla digər sahələrdə də əməkdaşlıq imkanlarını müzakirə ediblər. Beynəlxalq və ikitərəfli gündəmin aktual məsələləri də müzakirə obyekti olub.

Qeyd edək ki, SHS-3 silahlanmanın məhdudlaşdırılması ilə bağlı Rusiya və ABŞ arasında qüvvədə olan yeganə müqavilədir. 5 fevral 2011-ci ildə qüvvəyə minmiş müqavilənin müddəti 5 fevral 2021-ci il tarixində başa çatacaq. Əgər müqavilə yenilənməsə, artıq dünyada bu iki böyük nüvə gücünün silah arsenallarını məhdudlaşdıran heç bir sənəd mövcud olmayacaq

8