Saleh Müslim

PKK-dan Amerikaya çağırış: türkləri durdurun

1857
(Yenilənib 21:39 03.07.2017)
Saleh Müslim oxşar çağırışı Rusiyaya da edib, lakin Moskva bu çağırışa məhəl qoymayıb

BAKI, 3 iyul — Sputnik. PKK terror təşkilatının Suriya qolu PYD-nin lideri Saleh Müslim, türk ordusuna qarşı ABŞ-dan yardım istəyib. Sputnik Azərbaycan bu barədə Timeturk-ə istinadən xəbər verir. Saleh Müslim, hazırda PYD-nin nəzarətində olan Suriyanın Afrin bölgəsinə Türkiyənin hərbi müdaxiləyə hazırlaşdığını deyib.

"Sultan Ərdoğanın Afrinə müdaxiləsinə əngəl olun. Türkləri dayandırın" — o bildirib.

Saleh Müslim oxşar çağırışı Rusiyaya da edib. Lakin Moskva bu çağırışa məhəl qoymayıb.

Qeyd edək ki, bir neçə gün əvvəl Türkiyə prezidenti Rəcəb Tayyib Ərdoğan Suriyanın şimalında PYD terror təşkilatının dövlət qurmasına icazə verməyəcəklərini, hər an əməliyyat başlada biləcəklərini söyləmişdi.

1857
COVİD-19-da ölən şəxs, arxiv şəkli

Koronavirus 3 milyon can aldı

4
(Yenilənib 13:02 16.04.2021)
Siyahıya ABŞ başçılıq etsə də, peyvənd preparatlarının istehsalı sahəsində lider sayılan Rusiya da ilk onluqdadır.

BAKI, 16 aprel — Sputnik. Dünyada koronavirus pandemiyası nəticəsində ölənlərin sayı 3 milyon nəfərə çatıb. Sputnik Azərbaycan bildirir ki, COVID-19-la bağlı statistikanın mütəmadi şəkildə yayımlandığı "Worldometers" saytının məlumata görə, infeksiyadan ən çox ölüm halı ABŞ-da qeydə alınıb. Bu ölkədə 578 min 993 nəfər koronavirusdan ölüb. Sonrakı yerləri Braziliya (365 min 954 nəfər), Meksika (211 min 213 nəfər), Hindistan (174 min 335 nəfər), İngiltərə (127 min 191 nəfər), İtaliya (115 min 937 nəfər), Rusiya (104 min 398 nəfər), Fransa (100 min 73 nəfər), Almaniya (80 min 141 nəfər) və İspaniya (76 min 882 nəfər) tutur.

Son günlər yoluxma hallarının kəskin şəkildə artdığı Türkiyədə indiyə kimi koronavirusdan 35 min 31 nəfər ölüb. Azərbaycanda isə aprelin 15-nə olan məlumata görə, 4045 nəfər bu virusdan dünyasını dəyişib. Hazırda ölkəmizdə 32 min 224 aktiv koronavirus xəstəsi var.

Qeyd edək ki, ilk dəfə 2019-cu ilin dekabr ayında Çində qeydə alınan infeksiya dünyanın 200-dən çox ölkəsində yayılıb. Dünyada indiyə kimi 139 milyon 710 min 707 yoluxma halı qeydə alınıb. Bu virusa yoluxmuş 118 milyon 763 min 479 nəfər isə sağalıb.

Hazırda dünyada 17 milyon 910 min 479 xəstənin müalicəsi davam etdirilir.

4
Teqlər:
statistika, ölüm, dünya, Koronavirus, epidemiya, COVID-19
Mövzu:
Yeni tip koronavirus pandemiyası
İsrailin müstəqilliyinin 73-cü ildönümü

Bu ölkə aprelin 18-dən açıq havada maska taxmaq məcburiyyətini götürür

5
(Yenilənib 12:53 16.04.2021)
9,3 milyon əhalisi olan İsraildə 5 milyon 338 min 273 nəfərə COVID-19 peyvəndinin birinci, 4 milyon 960 min 281 nəfərə isə ikinci dozası tətbiq olunub.

BAKI, 16 aprel — Sputnik. Əhalisinin sayına düşən nisbətə görə, dünyada ən çox COVID-19 peyvəndinin tətbiq olunduğu İsrail normal həyat tərzinə qayıtmaq yolunda ilk addımı atıb. Belə ki, bu ölkədə koronavirusun qarşısının alınması tədbirləri çərçivəsində açıq havada maska taxmaq məcburiyyəti aprelin 18-dən etibarən aradan qaldırılır. Sputnik Azərbaycan bu barədə CNNTürk-ə istinadla məlumat yayıb.

Məlumatda qeyd olunur ki, İsrailin səhiyyə naziri Yuli Edelsteyn verdiyi yazılı açıqlamada bazar günündən etibarən açıq havada maska taxmağın məcburi olmayacağını bildirib. Qapalı məkanlarda isə maska taxmaq məcburiyyəti qüvvədə qalır.

Qeyd edək ki, vaksinasiya sayəsində İsrail fevral ayının 21-dən başlayaq COVID-19-la bağlı məhdudiyyətləri mərhələli şəkildə yumşaltmağa başlayıb.

9,3 milyon əhalisi olan İsraildə 5 milyon 338 min 273 nəfərə COVID-19 peyvəndinin birinci, 4 milyon 960 min 281 nəfərə isə ikinci dozası tətbiq olunub. Ölkənin Səhiyyə Nazirliyinin məlumatına görə, son vaxtlar gündəlik COVID-19-a yoluxanların sayı 200-dən aşağıdır.

 

5
Teqlər:
İsrail, açıq hava, maska
Bakıda sərtləşdirilmiş xüsusi karantin rejimi

TƏBİB-dən açıq havada maska açıqlaması

0
(Yenilənib 14:26 16.04.2021)
Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında Tibbi-elmi komitənin sədri, professor Akif Qurbanov açıq havada maska taxmaqla bağlı açıqlama verib.

BAKI, 16 aprel — Sputnik. "Artıq bir müddətdir ki, açıq havada, xüsusilə ictimai yerlərdə maska taxmaq qərarı var. İctimai yer iki və daha çox şəxsin olduğu yerlərdir".

Sputnik Azərbaycan-ın məlumatına görə, bu sözləri Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında Tibbi-elmi komitənin sədri, professor Akif Qurbanov Real TV-yə bildirib.

"Biz küçəyə çıxarkən maska taxmasaq, kimləsə görüşürük, marketə daxil oluruq, maska taxmaq yaddan çıxacaq. Biz maska taxmasaq, nəqliyyat vasitələrində də maskasız olacağıq", - deyə TƏBİB rəsmisi əlavə edib.

0
Teqlər:
maska, açıq hava, TƏBİB