BAKI, 1 iyul — Sputnik. Surqutdan Antalyaya istirahətə gəlmiş ailənin etdiyi oğurluq hadisəsi Rusiya və Türkiyə mətbuatında yer alıb.
Qaldıqları oteldən qəribə oğurluq edən Rüstəm və Mariya cütlüyü oteldə işləyənlərin diqqətini cəlb edib. Şahidlər qarşısında ailənin çemodanları açıldığı zaman ordan 14 rulon tualet kağızı, iki xalat, bir neçə hamam dəsmalı, hotel başmaqları, 7 kiloqrama qədər portağal, hotelin həyətindən kökündən qoparılmış güllər aşkar edilib. Ailədən oğurladıqları məhsulların dəyəri — 231 dollar alındıqdan sonra onların hoteldən çıxmalarına icazə verilib.
Hadisə Rusiyada sosial şəbəkələrdə də geniş müzakirə edilir.
