Qətərin paytaxtı Doha şəhəri

Qətər böhranı pik həddə çatdı

38
(Yenilənib 21:50 29.06.2017)
Səudiyyə Ərəbistanı liderliyində bəzi ərəb ölkələri Qətərdən ölkəsindəki türk hərbi bazasını bağlamağı tələb etmişdi

BAKI, 29 iyun — Sputnik. Qətərin Müdafiə naziri Xalid bin Muhammed Əl Atiyyə sabah Türkiyəyə səfər edəcək. Sputnik Türkiyə xəbər verir ki, nazirin səfər haqda qərarı anidir və öncədən planlanmayıb. Analitiklər hesab edir ki, ərəb nazirin sabahki səfəri bölgədə ciddi proseslər yaşana biləcəyinə işarədir. Əl Atiyyənin sabah Türkiyənin müdafiə naziri Fikri İşıkla görüşəcəyi bildirilir.

Qeyd edək ki, Səudiyyə Ərəbistanı liderliyində bəzi ərəb ölkələri Qətərdən ölkəsindəki türk hərbi bazasını bağlamağı tələb etmişdi. Rəsmi Doha isə bu təkliflə razılaşmayıb.

38
Avropa Şurası, arxiv şəkli

İnteqrasiya ikili standartlar - Azərbaycan Avropa Şurasından öyrəndi?

29
(Yenilənib 15:23 28.01.2021)
Avropa Şurasının qurucusu olan ölkələrin parlamentlərindən Azərbaycanın Dağlıq Qarabağ ərazisinə müstəqillik verilməsi ilə bağlı çağırışlar otuz ilə yaxındır yurdlarından qovulmuş insanların pozulmuş hüquqlarına biganəlik fonunda riyakarlıq deyilmi?!

Elvin Səlimov, Sputnik Azərbaycan

BAKI, 28 yanvar — Sputnik. İyirmi il öncə Avropa Şurası Nazirlər Komitəsinin nümayəndələr səviyyəsində keçirilmiş iclasında Azərbaycan Respublikasının Şuraya tamhüquqlu üzv qəbul edilməsinə dair qərar qəbul edilib. Ancaq Azərbaycanın Avropa Şurasına üzvlüyü asanlıqla baş tutmuş proses deyil.

Üzvlükdən 9 il əvvəl, 1992-ci il yanvarında Azərbaycan Respublikasının Parlamenti “xüsusi dəvət edilmiş qonaq” statusu almaq üçün Avropa Şurasına müraciət edir. Üzvlüyə qədərki 9 il ərzində Azərbaycan AŞ-nin bir sıra konvensiyalarına qoşulur. Münasibətlərin inkişafı və Azərbaycanın avroməkana inteqrasiyası prosesində qətiyyətli addımlar atılır. Ölkədə ölüm hökmü ləğv edilir, mətbuat üzərindəki senzura götürülür. Amma Şuranın istəklərinin ardı-arası kəsilmir. Xüsusən də seçkilər, insan haqları, siyasi məhbus məsələləri tərəflər arasında aşkar mövqe fərqinin olduğunu ortaya qoyur.

Azərbaycan torpaqlarının işğal altında qalması faktına avroməkanda olan səssizlik və bir çox hallarda Azərbaycana yanaşmada ikili standartların tətbiqi zaman-zaman tərəflər arasında münasibətlərin gərginləşməsinə səbəb oldu. Xüsusən də, Azərbaycanın Avropa Şurasına üzv olarkən təşkilatın Azərbaycan-Ermənistan arasındakı münaqişəyə obyektiv yanaşacağına, işğalçı ölkəyə qarşı təsir imkanlarını işə salaraq problemin sülh yolu ilə həllinə töhfə verəcəyinə inamı özünü doğrultmadı. Şura tərəfindən işğala məruz qalanla işğalçı arasında fərq qoyulmaması iddia edilən ikili standartların bariz nümunəsidir. Bütün bunlar, avroməkanın mötəbər qurumunun qəbul etdiyi qərarların ciddiliyini şübhə altına alırdı. Xüsusən də Azərbaycandan demokratik təsisatların inkişafı üçün ardı-arası kəsilməyən tələblər bir mərhələdən sonra ölkənin daxili işlərinə müdaxilə kimi qiymətləndirilirdi.

Bununla belə, Azərbaycanın regionu enerji dəhlizinə çevirməsi, reallaşdırdığı enerji və nəqliyyat layihələri onu Avropanın enerji təhlükəsizliyi üçün strateji tərəfdaş mövqeyində saxlayır.

Ötən ilin sentyabrında Azərbaycan-Ermənistan arasında başlayan müharibəyə qərbin susqunluğu, bəzi hallarda erməni diaspor təşkilatlarının diktəsi ilə verdikləri bəyanatlar Azərbaycan cəmiyyətində qərbdəki təşkilatlara qarşı mövqe formalaşmasına əhəmiyyətli təsir etdi. Avropa Şurasının qurucusu olan ölkələrin parlamentlərindən Azərbaycanın Dağlıq Qarabağ ərazisinə müstəqillik verilməsi ilə bağlı çağırışlar otuz ilə yaxındır yurdlarından qovulmuş insanların pozulmuş hüquqlarına biganəlik fonunda riyakarlıq deyilmi?!

Bu gün Azərbaycan Avropa Şurasının bərabərhüquqlu üzvü kimi fəaliyyətini davam etdirir. Müəyyən vaxtlarda Şuraya üzvlük və götürdüyü öhdəliklər ölkəmizə qarşı təzyiq vasitəsi kimi istifadə edilməyə çalışılsa da, Azərbaycan istənilən qərarın verilməsində müstəqilliyini nümayiş etdirə bilir.

29
Teqlər:
inteqrasiya, ikili standartlar, Avropa Şurası, Azərbaycan
Kloris Liçmen

"Oskar", "Qızıl qlobus" "Emmi" mükafatlarının sahibi vəfat edib

13
(Yenilənib 15:53 28.01.2021)
Kloris Liçmen 50-dən çox ekran əsərində rol alıb və öz işinə görə çoxlu sayda mükafat qazanıb. Aktrisa "Sonuncu kinoseans" filminə görə "Oskar" qazanıb

BAKI, 28 yanvar — Sputnik. Amerikalı aktrisa, "Oskar", "Qızıl qlobus" və "Emmi" mükafatlarının sahibi Kloris Liçmen ömrünün 94-cü ilində vəfat edib.

Sputnik Azərbaycan xarici mediaya istinadən xəbər verir ki, bu barədə aktrisanın meneceri məlumat yayıb.

Amerika Kino Akademiyasının nümayəndələri aktrisanın ölüm xəbəri ilə bağlı onun ailə üzvlərinə başsağlığı veriblər.

Qeyd edək ki, Kloris Liçmen 50-dən çox ekran əsərlərində rol alıb və öz işinə görə çoxlu sayda mükafat qazanıb. Aktrisa "Sonuncu kinoseans" (The Last Picture Show, 1971) filminə görə "Oskar" qazanıb. Bundan əlavə, aktrisa doqquz dəfə "Emmi", həmçinin "Qızıl qlobus" mükafatlarının sahibi olub.

13
Teqlər:
vəfat, aktrisa, Hollivud
Bazarda soğan satışı, arxiv şəkli

Qazaxıstanın pomidor bəhanəsinə Azərbaycan soğanla cavab verdi

0
(Yenilənib 20:24 28.01.2021)
Məhsullarda nitratın qalıq miqdarı qüvvədə olan texniki normativ aktlarda müəyyən edilən həddən xeyli yüksəkdir və istehlak üçün yararsızdır.

BAKI, 28 yanvar - Sputnik. Azərbaycan Respublikasının Qida Təhlükəsizliyi Agentliyi (AQTA) tərəfindən ölkəyə idxal olunan qida məhsullarına nəzarət tədbirləri davam etdirilir.

Sputnik Azərbaycan AQTA-ya istinadla xəbər verir ki, Qazaxıstan Respublikasında fəaliyyət göstərən "ТИМУР" fərdi sahibkar tərəfindən istehsal olunan və Azərbaycan Respublikasına “TechnicAz” MMC tərəfindən idxal olunan 650 ton soğan məhsuluna Agentliyin müfəttişləri tərəfindən baxış keçirilib.

Baxış zamanı idxal olunan məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub.

Müayinələr nəticəsində məlum olub ki, məhsullarda nitratın qalıq miqdarı qüvvədə olan texniki normativ aktlarda müəyyən edilən həddən xeyli yüksəkdir və istehlak üçün yararsızdır.

Agentlik tərəfindən məhsulların istehlak üçün yararsız olması ilə bağlı qərar qəbul edilib və həmin məhsul partiyasının satışına icazə verilməyib.

Hazırda qanunvericiliyin tələbləri çərçivəsində müvafiq tədbirlər görülür.

Xatırladaq ki, Qazaxıstan Azərbaycandan pomidor idxalına müvəqqəti qadağa qoyub. Onların izahatına görə, yanvarın 2-dən 12-dək Azərbaycandan idxal olunan pomidorlarda qəhvəyi qırışlı meyvə virusu (Tomato brown rugose fruit virus – ToBRFV) aşkar edilib. İdxalın dayandırılması qərarı yanvarın 16-da qəbul edilib.

0