US RC-135 kəşfiyyat təyyarəsi

ABŞ Rusiya səmada qarşı-qarşıya gəldi

70
Hadisənin Kalininqradın təxminən 40 kilometr yaxınlığında, beynəlxalq hava sahəsində yaşandığı bildirilib

BAKI, 21 iyun — Sputnik. ABŞ Müdafiə Nazirliyi (Pentaqon) Rusiya ordusuna aid bir qırıcı təyyarənin Baltik dənizi üzərində uçan ABŞ kəşfiyyat təyyarəsinin təxminən 1,5 metr yaxınından keçdiyini açıqlayıb. Sputnik Azərbaycan BBC-yə istinadla xəbər verir ki, hadisənin Kalininqradın təxminən 40 kilometr yaxınlığında, beynəlxalq hava sahəsində yaşandığı bildirilib.

Hadisəni təhlükəli olaraq xarakterizə edən ABŞ səlahiyyətliləri rus pilotun çox sürətli uçduğunu və idarəetmənin zəif olduğunu söyləyib. Rusiya isə ABŞ təyyarəsinin qırıcılarına qarşı təhrikedici hərəkət etdiyini iddia edib.

Pentaqon sözçüsü Jeff Davis isə deyib: "Beynəlxalq hava sahəsində uçurduq və təhrikedici hərəkətə səbəb olacaq heç bir şey etmədik".

Pentaqon sözçüsü hadisə əsnasında "US RC-135" tipli kəşfiyyat təyyarəsinin peyk alıcı-vericisinin açıq olduğunu da əlavə edib. Bu sistem təyyarənin digər təyyarələr tərəfindən fərq edilə bilməsini təmin edir.

Rusiyanın Müdafiə Nazirliyi isə ABŞ təyyarəsinin təhlükəli hərəkətlər etdiyini açıqlayıb. Açıqlamada hadisədən 10 dəqiqə sonra bölgəyə başqa bir ABŞ casus təyyarəsinin gəldiyi, o təyyarənin də yolunun kəsildiyi deyilib. 

Amerikalı səlahiyyətlilər ABŞ və Rusiya təyyarələrinin iyun ayının əvvəlindən bəri Baltik dənizi üzərində təxminən 30 dəfə yaxınlaşdığını, ancaq bunların çoxunun "etibarlı" olduğunu söyləyib. ABŞ-ın bazar günü Suriyada Raqqa üzərində uçan bir Suriya qırıcısını vurmasının ardından Rusiya ilə ABŞ arasında təzyiq yüksəlib.

70
Teqlər:
Rusiyanın Müdafiə Nazirliyi, Pentaqon, Baltik dənizi, Rusiya, Suriya, ABŞ
Əlaqədar
Müxaliflər hökumət qüvvələrinin döyüş təyyarəsini vurdu
ABŞ Rusiya sərhədinə nüvə silahı daşıya bilən təyyarə göndərib
Rusiyadan xarici ölkə təyyarə və gəmilərinə xəbərdarlıq
İki sərnişin dalaşdı, təyyarə yerə düşdü
Fransalı deputat Olivye Dasso həyat yoldaşı Aleksandra və qızı Helena ilə, arxiv şəkli

Fransalı deputat pilotla birlikdə helikopter qəzasında həlak olub

7
(Yenilənib 23:30 07.03.2021)
Hadisə nəticəsində Fransa parlamentinin deputatı, 69 yaşlı milyarder Olivye Dasso və pilot həlak olublar.

BAKI, 7 mart - Sputnik. Fransanın şimalında, Normandiya ərazisində helikopter qəzası baş verib. Sputnik Azərbaycan Fransa mediasına istinadla xəbər verir ki, helikopter Tuk kommunası ərazisinə düşüb.

Hadisə nəticəsində Fransa parlamentinin deputatı, milyarder, 69 yaşlı Olivye Dasso həlak olub. Qəza zamanı Respublikaçılar Partiyasının üzvü ilə yanaşı helikopterin pilotu da həlak olub.

Fransa prezidenti Emmanuel Makron Twitter hesabında həlak olanların ailələrinə başsağlığı verib.

Olivye Dassonun atası Serj Dasso məşhur siyasətçi və biznesmen olub. 

7
F-16 qırıcısı, arxiv şəkli

ABŞ qırıcılar üçün yeni lazer toplarını sınaqdan keçirəcək

10
(Yenilənib 22:20 07.03.2021)
Yayda topun enerji qurğusu və şüanın idarə edilməsi sistemi hazır olacaq. 2024-cü ildə bütün kompleksin tam yerüstü sınaqları başlayacaq.

BAKI, 7 mart — Sputnik. ABŞ-da yeni lazer topunun maketi hazırlanıb. Həmin toplarla qırıcılar təchiz ediləcəklər. Bu barədə Sputnik Azərbaycan RİA Novosti-yə istinadən xəbər verir.

Shield sisteminin sınaqdan keçirilməsinə yayda başlanılacaq. Yayda topun enerji qurğusu və şüanın idarə edilməsi sistemi hazır olacaq. 2024-cü ildə bütün kompleksin tam yerüstü sınaqları başlayacaq.

Planlaşdırıldığına görə, lazertəyyarəyə yaxınlaşan "yer-hava" və "hava-hava" tipli raketləri vurmalıdır.

Ekspertləri isə hesab edirlər ki, enerji qurğusunun ölçülərinə görə lazerlərin hərbi təyyarələrə inteqrasiyasına on illər lazımdır.

10

Badamdarda torpaq sürüşdü, yol bağlandı

8
Badamdarda sonuncu dəfə sürüşmə hadisəsi bu il yanvarın 28-də qeydə alınmışdı. Həmin vaxt 1 ictimai iaşə obyekti, 2 fərdi yaşayış evi zərər görmüşdü.

BAKI, 8 mart - Sputnik. Bakının Səbail rayonu, Badamdar qəsəbəsində sürüşmə hadisəsi baş verib.

Sputnik Azərbaycan APA-ya istinadən bildirir ki, hadisə nəticəsində bir neçə gün əvvəl təmizlənən Badamdar şossesi yenidən bağlanıb, yaxınlıqda olan restoranın isə pəncərəsi sınıb. 

Fövqəladə Hallar Nazirliyi yanında Tikintidə Təhlükəsizliyə Nəzarət Dövlət Agentliyinin rəis müavini Elxan Əsədovun Sputnik Azərbaycan-a verdiyi açıqlamaya görə, Bakıda sırf insanların yaşadığı yerlərdə olan sürüşmə zonaları dörd hissədə müəyyən edilib. Bunlardan biri Alov qüllələri ətrafı və onun əhatəsində olan sahələr - Dağüstü park, Nərimanov heykəlinin ətrafı, Abdulla Şaiq küçəsi və s.-dir. Bu, ərazisinə görə ən böyük sürüşmə sahəsidir. İkinci və üçüncü sürüşmə zonaları Badamdar ərazisindədir. Dördüncü sürüşmə zonası Gəncə prospektindədir. Orada iki yerdə müəyyən edilib. Bunlar general Şıxlınski və Nəsrəddin Tusi küçələrinin kəsişməsində yerləşir.

Badamdarda sonuncu dəfə sürüşmə hadisəsi bu il yanvarın 28-də qeydə alınmışdı. Həmin vaxt 1 ictimai iaşə obyekti, 2 fərdi yaşayış evi zərər görmüşdü.

 

8
Teqlər:
Badamdarda sürüşmə, Badamdar, Bakı