Məhəmməd bin Salman (soldan ikinci)

Səudiyyə Ərəbistanında gözlənilməz "çevriliş": vəliəhd dəyişdi

2170
(Yenilənib 13:49 21.06.2017)
Kral qardaşı oğlunu tutduğu bütün vəzifələrdən azad edib, yerinə isə öz oğlunu təyin edib

BAKI, 21 iyun — Sputnik. Səudiyyə Ərəbistanında varis şahzadə Məhəmməd bin Nayifin yerinə Kral Salmanın oğlu, ikinci varis, 31 yaşlı şahzadə Məhəmməd bin Salman gətirilib. Sputnik Azərbaycan xarici mətbuata istinadən xəbər verir ki, Səudiyyə Ərəbistanının rəsmi xəbər agentliyi olan "SPA"da nəşr olunan Kral Divanı fərmanlarına görə, birinci varis, baş nazir və daxili işlər naziri Məhəmməd bin Nayif bütün vəzifələrindən azad edilib.

Müdafiə naziri Məhəmməd bin Salman birinci varis və Baş nazir olub. Məhəmməd bin Salman müdafiə naziri vəzifəsini də davam etdirəcək.

Fərmanla Səudiyyə Ərəbistanı kralının seçimini nəzərdə tutan konstitusiyanın 50-ci maddəsində dəyişiklik edilib. Dəyişikliyə görə, "Kral, qurucu lider Əbdüləziz bin Əbdürrəhman bin Səudun oğulları arasından seçilir'' maddəsi "Ölkəni idarə edəcək olan adam, qurucu lider Əbdüləziz bin Əbdürrəhman bin Səudun oğulları və nəvələri arasından seçilir" şəklində dəyişdirilib.

Qeyd edək ki, Məhəmməd bin Nayif hazırki kral Salmanın qardaşı oğludur. Kral Salman, Məhəmməd bin Salmanın bu axşam Məkkədə bağlılıq andı içməsi çağırışını edib.

2170
Teqlər:
Məhəmməd bin Salman, Kral Salman, Məhəmməd bin Nayif, varis, Səudiyyə Ərəbistanı, şahzadə
Əlaqədar
Səudiyyə - İran münaqişəsi qaynar fazaya keçir
Səudiyyə Ərəbistanından sürpriz Qətər qərarı
Səudiyyə - Qətər gərginliyi pik nöqtəyə çatdı, radikal qərar verildi
Ərdoğan Səudiyyə Ərəbistanına elə mesaj göndərdi ki...
Politoloq: “Səudiyyə Ərəbistanı regionun tək lideri olmaq istəyir”
Rus səfirin qatilini səudiyyəli cihadçı ilə nə birləşdirir?