Tsutomu Yamaguchi

İki atom bombası partlayışından sağ qurtulan yeganə adam

235
Hamı onu xoşbəxt adam hesab etsə də, o özünü ən bədbəxt adam sayırdı

BAKI, 18 iyun — Sputnik. Tsutomu Yamaguchi II Dünya Müharibəsi zamanı Naqasakidə yaşayırdı. Sputnik Azərbaycan xarici mətbuata istinadən xəbər verir ki, o, avqustun 6-da bir iş üçün Xirosimaya gedir. Bir anlıq göy üzündə yumrulanan işığı görür və sonra özündən gedir.

Təxmin etdiyiniz kimi, bu vaxt Xirosimaya atom bombası atılmışdı. Onun bədənində ciddi yanıqlar əmələ gəlir və doğma şəhəri Naqasakiyə aparılaraq müalicəsinə başlanılır. Bədbəxt Yamaguchi bu dəfə də ikinci atom bombası ilə qarşılaşır. O, yaralanmasa da, bədənindəki sarğıları dəyişdirəcək kimsə qalmadığı üçün infeksiyadan ölmə riski yaşayır.

Amerikanın atom bombası atdığı hər iki şəhərdə olan Yamaguchi, Yaponiya hökuməti tərəfindən iki atom bombası partlayışından sağ qurtulan yeganə adam – yaşayan qurban (hibakusha) kimi qeydə alınır.

Xirosima
© Photo :
Xirosima

Yamaguchi sağlığında iki atom bombasından, özü də heç kəsin sağ qalmadığı şəhərlərdə xilas olmasını Independent-ə müsahibəsində belə qiymətləndirmişdi: "Allah mənim üçün bir yol tikmişdi".

"Mən heç cür başa düşə bilmirəm ki, dünya nüvə silahının əzabını niyə dərk etmir?! Onlar bu silahları niyə inkişaf etdirirlər" — deyən Yamaguchinin ailə üzvlərinin bir qismi bomba partlayışı zamanı məhv olmuşdu.

Sonradan qurduğu ailəsində isə həyat yoldaşı və övladları radiasiyanın təsiri nəticəsində yaranan xərçəngdən ölüblər. Sağ qalan qızı, nəvələri isə hələ də bu bəlanın fəsadlarından əziyyət çəkirlər. Yamaguchi möcüzə nəticəsində sağ qalsa da, həyatı boyunca radiasiya yaraları və ağrılarla yaşayıb.

"Hamı mənə deyir ki, sən bəxtəvər adamsan ki, o bəladan sağ çıxmısan. Amma heç kəs başa düşmək istəmir ki, mən bunu yaşadığım və bunun nə demək olduğunu öz üzərimdə hiss etdiyim üçün bəlkə də dünyanın ən bədbəxt adamıyam" — deyə illər əvvəl Yamaguchi bildirmişdi.

Yamaguchi 4 yanvar 2010-cu ildə 93 yaşında dünyasını dəyişib. Xatırladaq ki, II Dünya Müharibəsinin sonlarına yaxın ABŞ Yaponiyanın iki şəhərinə — 1945-ci ilin 6 avqustunda Xirosimaya, kod adı "Little Boy" (balaca oğlan) olan bombanı, 9 avqustda isə Naqasakiyə kod adı "Fat Man" (Gömbul) olan bombanı atıb.

235
Teqlər:
II Dünya Müharibəsi, Tsutomu Yamaguchi, atom bombası, Xirosima, Yaponiya, Naqasaki
Əlaqədar
Akkuyu atom elektrik stansiyası 2023-cü ildə istifadəyə veriləcək
Yeni ili Atom Elektrik Stansiyasında qarşılamaq istədilər...
15 illik sirr: "Kursk" atom sualtı gəmisi niyə batmışdı?
Yaponlar atom bombardmanına görə ABŞ-dan üzr gözləyirlər
Barak Obama İranla atom razılaşmasının detallarını açıqlayıb
İran Azərbaycanla atom enerjisi sahəsində əməkdaşlıq etməyə hazırdır
Asılılıqdan qurtulmağa yardım eden çip

Çip söhbəti reallığa çevrilir: Beynimizə mikroçip yerləşdirəcəklər

23
(Yenilənib 20:15 11.07.2020)
Yaradılmış çip insan beyni və kompüter arasında birbaşa əlaqə yaratmaq məqsədi daşıyır. Bu icadın ilkin hədəfi Alzheimer ve Parkinson kimi xəstəlikləri müalicə etməkdir

BAKI, 11 iyul — Sputnik. "Neuralink" neyrotexnologiya şirkətinin rəhbəri Elon Musk mikroçip ilə beynin idarə edilməsini həyata keçirən texnologiya haqqında yeni məlumatlar paylaşacaq.

Sputnik Azərbaycan "TRThaber"ə istinadla xəbər verir ki, Elon Musk gələn ay kompüteri birbaşa beyinə bağlayan "Neuralink" implant cihazlarının inkişafı ilə bağlı açıqlama verəcəyini deyib.

Qeyd edək ki, Musk bundan öncə "Neuralink" tərəfindən istehsal edilən beyin mikroçipinin meymunlar üzərində sınaqdan keçirildiyini, meymunun zehni ilə birbaşa kompüteri idarə etdiyini söyləmişdi. Musk bunun insanlar üzərində sınaqlarına 2020-ci ilin sonunda başlayacaqlarını açıqlamışdı.

Yaradılmış çip insan beyni və kompüter arasında birbaşa əlaqə yaratmaq məqsədi daşıyır. Bu icadın ilkin hədəfi Alzheimer ve Parkinson kimi xəstəlikləri müalicə etməkdir. Amma uzun müddətli hədəflərin nə olacağını birlikdə görəcəyik.

İnsanlarda istifadə edilməsi planlaşdırılan layihəyə görə, mikroçip qulağın arxasına yerləşdirilir və 4 kiçik elektroda birləşdirilir.

23
Koronavirus

Koronavirusu neytrallaşdıran 28 anticisim aşkar edilib

20
(Yenilənib 18:29 11.07.2020)
Tədqiqatçılar tərəfindən aşkar edilmiş anticisimlər patogenin proteininə birləşir və virusun sağlam hüceyrələrə daxil olmasına mane olur.

BAKI, 11 iyul — Sputnik. Köln Universitet Klinikasından və Almaniyanın İnfeksiya Tədqiqatları Mərkəzindən olan bir qrup alim koronavirusu neytrallaşdırmaq ehtimalı yüksək olan 28 anticismi aşkar ediblər.

Bu barədə Sputnik Azərbaycan Almaniyanın İnfeksiya Tədqiqatları Mərkəzinə istinadən xəbər verir.

"Biz orqanizmin infeksiyaya qarşı immun cavabını daha ətraflı öyrənməyi və bununla yanaşı COVID-19-un müalicəsində istifadə oluna biləcək anticisimləri tapmağı planlaşdırırdıq", - layihənin rəhbəri Florian Klayn bildirib.

Mütəxəssisin sözlərinə görə, tədqiqatçılar tərəfindən aşkar edilmiş anticisimlər patogenin proteininə birləşir və virusun sağlam hüceyrələrə daxil olmasına mane olur.

Alimlər anticisimlərin xüsusiyyətlərini "Boehringer Ingelheim" əczaçılıq şirkəti ilə birlikdə öyrənməyə davam edirlər. Klinik tədqiqatların bu il başlaya biləcəyi ehtimal olunur. Mütəxəssislər inanırlar ki, virusu neytrallaşdıran anticisimlər bir neçə həftə fəal olur və bu dövrdə insanı xəstəlikdən qoruya bilər.

20
Mövzu:
Dünyanı cənginə almış bəla
Beynəlxalq Bankın Mətbuat filialı qarşısında növbə, arxiv şəkli

Kreditlərlə bağlı təklif hələ aktualdır - bank zərər görəcək, müştəri

0
(Yenilənib 20:23 11.07.2020)
Bəzi ölkələr özəl sektorun kredit faizlərinin dondurulması ilə bağlı qərar verib. Azərbaycanda da buna bənzər qərarın verilməsi mümkündür

Nigar İsgəndərova, Sputnik Azərbaycan

BAKI, 11 iyul — Sputnik. Bir neçə ay öncə Mərkəzi Bank koronavirus pandemiyası şəraitində əhalinin və biznesin dəstəklənməsi istiqamətində əlavə tədbirlər barədə qərar qəbul edib. Bu qərara görə, fiziki şəxslərin (sahibkarlıq fəaliyyəti ilə məşğul olmayan) dəstəklənməsi istiqamətində İpoteka və Kredit Zəmanət Fondunun vəsaitləri hesabına verilmiş ipoteka kreditlərinin restrukturizasiya imkanları yaradılacaq.

Bu tədbir nəticəsində 1.1 milyard manat həcmində ipoteka krediti üzrə 23 minə yaxın borcalanın faydalanması imkanı yaranacaq. Kreditlər borcalanların müraciəti əsasında restrukturizasiya olunacaq. 01 mart 2020-ci il tarixinədək verilmiş və keyfiyyəti qənaətbəxş olan belə kreditlərin restrukturizasiyası 30 sentyabr 2020-ci ilədək həyata keçirildiyi halda onların keyfiyyəti pisləşdirilməyəcək.

Lakin kreditlərin üst-üstə daha da yığılması növbəti, payız aylarında onun ödənilməsini daha da çətinləşdirəcək. Bəs vəziyyətdən çıxış yolu olaraq nə etmək olar?

İqtisadçı-ekspert Natiq Cəfərli Sputnik Azərbaycan-a hazırkı vəziyyəti şərh edərək atılması vacib addımlardan söz açıb: "Azərbaycanda pandemiyanın ən çox vurduğu ziyanlardan biri kreditlərlə bağlıdır. Lakin bununla bağlı biz çox dərindən düşünülmüş, problemi dərindən önləyə biləcək addımları görə bilmədik. Bildiyiniz kimi, ipoteka kreditləri ilə bağlı o qədər də nəzərə çarpmayan güzəştlər var. Çünki bu aylarda yığılan vəsaitlərin bir hissəsini sonradan artıqlaması ilə qaytarmalı olacaqlar".

“Bundan başqa fəaliyyətinə qadağa qoyulan özəl sektorlarda çalışan iş adamlarının götürdükləri kreditlərin faiz dərəcələrinin yarısını ödəməyi hökumət üzərinə götürüb. Onların gəlirləri yoxdursa, kreditlərinin yerdə qalan faizini belə ödəyə bilməyəcək. Problem dərinliyinədək ölçülmədi, adekvat addımlar atılmadı və bunun nəticəsi olaraq da payız aylarında problemli kreditlərin həcmində ciddi artımların olma ehtimalı var. Bu zaman da bank sektorunda müəyyən dalğaların, problemlərin yaşanması ehtimalı yarana bilər", - deyə N.Cəfərli əlavə edib.

Ekspert bildirib ki, indiki vəziyyətdə müəyyən qabaqlayıcı tədbirlə görülsə, payız aylarında vəziyyət dəyişə bilər. Onun sözlərinə görə, başqa ölkələrdə faiz dərəcələrinin dondurulması üçün müxtəlif təcrübələr olub: "Bəzi ölkələr özəl sektorun kredit faizlərinin dondurulması ilə bağlı qərar verib. Azərbaycanda da buna bənzər qərarın verilməsi mümkündür. 

Biz bununla bağlı təklif də irəli sürmüşük. Yəni, bu ilin sonunadək özəl sektora faizlərin hesablanması dondurula bilərdi. Əslində belə bir qərarın verilməsi hələ də gec deyil".

"Banklarla dəymiş ziyanın qarşısını almaq üçün xüsusi bir proqram hazırlana bilərdi. Təbii ki, banklar belə olan halda ciddi ziyan görəcəklər. Bu ziyanı qarşılamaq üçün dövlət bütün banklardan vergi ödənişlərini dondura bilər. Yəni bütün vergilərin bağışlanmasına gedilər. Bununla yanaşı, bank sektoruna  Mərkəzi Bank tərəfindən 0 faizlə 1 illik kredit xətti açıla bilərdi. 1  illik kredit xətti 0 faiz olduğundan, gələn ilin əvvəlindən 0 faizlə olan kreditləri istehlakçılara və biznesə daha yüksək - 14, 15, 16% ilə verməklə banklar itkilərini artıqlaması ilə geri ala bilərdilər. Lakin təəssüflər olsun ki, təklifimiz hələ dəyərləndirilməyib Amma hələ də gec deyil", - deyə ekspert əlavə edib.

0