Antalya Kəmər bazarı

Ukraynalılar Türkiyəyə axın edirlər

364
Ankara - Kiyev yaxınlaşması Türkiyəni ukraynalılar üçün cəlbedici ölkəyə çevirib

BAKI, 17 iyun — Sputnik. Ukraynanın Ankaradakı səfiri Andrey Sibiqanın sözlərinə görə, Ukraynadan Türkiyəyə bir milyondan çox turist gəlib. Sputnik Azərbaycan Türkiyə mətbuatına istinadla xəbər verir ki, səfirin sözlərinə görə, bu məsələdə ölkələrarası strasteji ortaqlığın böyük payı var.

Səfir Muğlanın Marmaris bölgəsinə səfər edib və orada bələdiyyə sədri Əli Acar ilə görüşüb. Jurnalistlərə açıqlama verən Sibiqa bildirib ki, Marmarisin təbiəti gözəl olmaqla yanaşı insanları da əvəzolunmazdır.

"Ukraynadan Türkiyəyə bir milyondan çox turist gəlib. Ölkələrin strateji ortaqlığının da bunda böyük payı var. Bu, çox yaxşıdır" — səfir vurğulayıb.

O, əlavə edib ki, bu ay qüvvəyə minəcək çipli pasportlardan sonra Ukraynadan gələnlərin sayı daha da çoxalacaq: "Bütün bunlar gələcəkdə münasibətlərimizin daha da dərinləşməsində böyük rol oynayacaq, dostluğumuzu möhkəmləndirəcək".

364
Teqlər:
bir milyon, Andrey Sibiqa, Ankara, Ukrayna, Türkiyə, turist, səfir
Əlaqədar
Ukrayna-Türkiyə əlaqələrində yeni dövr
Türkiyə Ukraynada hərbi baza yaradacaq
 Birləşmiş Ştatların Səhiyyə naziri Aleks Azar

ABŞ-ı istefa dalğası bürüdü Nazirlər bir-bir vəzifədən gedirlər

2
(Yenilənib 12:09 16.01.2021)
Daha əvvəl ABŞ-ın səhiyyə naziri Betsi Devos, nəqliyyat naziri Eleyn Çao və daxili təhlükəsizlik üzrə nazir səlahiyyətlərinin icraçısı Çed Vulf istefa veriblər.

BAKI, 16 yanvar — Sputnik. Birləşmiş Ştatların Səhiyyə naziri Aleks Azar istefa verib, lakin o, səlahiyyət müddəti bitənə qədər vəzifədə qalacaq. Bu barədə Sputnik Azərbaycan CNN telekanalına istinadən xəbər verir.

Telekanalın məlumatına görə, Azar yanvarın 6-da Vaşinqtonda baş tutan qarşıdurmalardan sonra istefa vermək barədə qərar qəbul edib.

Azarın istefası simvolik xarakter daşıyır və onun heç bir praktiki nəticələri olmayacaq. Çünki o, istənilən halda yanvarın 20-də istefa verməli idi. Belə ki, ənənəyə uyğun olaraq, ABŞ prezidentinin səlahiyyət müddəti bitəndə onun kabineti də istefaya gedir.

Qeyd edək ki, daha əvvəl ABŞ-ın səhiyyə naziri Betsi Devos, nəqliyyat naziri Eleyn Çao və daxili təhlükəsizlik üzrə nazir səlahiyyətlərinin icraçısı Çed Vulf istefa veriblər.

2
Teqlər:
istefa, nazir, ABŞ
Skamyada yatan adam, arxiv şəkli

Kiminin əvvəli, kiminin axırı - Məşhur model küçələrdə yaşayır

5
(Yenilənib 10:26 16.01.2021)
Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır

BAKI, 16 yanvar — Sputnik. Bir vaxtların məşhur modeli Loni Uillison hazırda küçədə yaşayır.

Sputnik Azərbaycan xarici mediaya istinadən xəbər verir ki, Kaliforniya ştatında yaşayan model ötən gün zibil qutularını qarışdırarkən jurnalistlərin obyektivlərinə tuş gəlib.

​Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır.

 

5
Sinovac CoronaVac peyvəndi, arxiv şəkli

Ölkəmizdə "soyuq zəncir" sistemi yaradılıb

0
(Yenilənib 12:29 16.01.2021)
Teymur Musayev bildirib ki, vaksinasiyaya görə ölkə üzrə bütün infrastruktur hazır vəziyyətdədir

BAKI, 16 yanvar — Sputnik. Vaksinlərin ölkə üzrə saxlama məntəqələri qurulub. Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın brifinqində Səhiyyə Nazirliyinin Səhiyyənin təşkili şöbəsinin müdiri Teymur Musayev bildirib. O bildirib ki, bu istiqamətdə ölkə üzrə bütün infrastruktur hazır vəziyyətdədir. Bunun üçün bütün bölgələrdə peyvəndlərin saxlanılması üçün soyuq zəncir sistemi yaradılıb. Nazirlik rəsmisinin sözlərinə görə, Şuşada da vaksinlərin saxlanması üçün bu cür məntəqə qurulur”.

0
Mövzu:
Azərbaycanda COVID-19 əleyhinə vaksinasiya