BAKI, 7 iyun — Sputnik. "Türkiyə və Misirdəki dövlət çevrilişlərinə qarşı olduğumuz, Qəzzadakı HƏMAS təşkilatına yardım elədiyimiz üçün bizə hücuma keçiblər. Ancaq biz bu hücumlar qarşısında aciz deyilik". Sputnik Azərbaycan "Yeni Akit" qəzetinə istinadən xəbər verir ki, bu sözləri qətərli məşhur jurnalist Əziz əl-Mahmud deyib.
O bildirib ki, Qətər ərəb ölkələri içində yeganə dövlət idi ki, həm Misirdəki, həm də Türkiyədəki çevrilişə qarşı çıxırdı. "Biz həm də Qəzzada İsrail işğalına qarşı dirənən HƏMAS təşkilatına dəstək olduğumuz üçün bu təzyiqlərə məruz qalırıq" — əl-Mahmud qeyd edib.
