İran polisi

Tehran terrorunun ilkin təfərrüatları məlum oldu

1396
(Yenilənib 14:47 07.06.2017)
Saxlanılan şəxslər bir gündə üç yerdə terror aktı törətməyi planlaşdırdıqlarını bildiriblər

BAKI, 7 iyun — Sputnik. Xəbər verdiyimiz kimi, bu gün səhər saatlarında silahlı qruplar İran parlamentinə və Tehranın cənubundakı Xomeyni türbəsinə hücum edib. Hər iki hücum nəticəsində ümumilikdə 8 nəfər ölüb, 33 nəfər isə yaralanıb.

Sputnik Azərbaycan "Tasnim"ə istinadla xəbər verir ki, bu silahlı terror aktlarını İŞİD öz üzərinə götürüb. Parlamentə hücum zamanı 7 nəfər ölüb, 4 nəfər isə girov götürülüb.

"Fars" agentliyi isə bildirib ki, hücum edənlər arasında kamikadze də olub. O, təhlükəsizlik qüvvələri tərəfindən mühasirəyə alınıb. Sonra məlum olub ki, o, parlament binasının 4-cü mərtəbəsində özünü partladıb.

Daha bir iştirakçı isə parlament binasını tərk etməyə müvəffəq olub və küçədə qarşısına çıxanlara atəş açıb. Parlamentə hücum edənlərin ümumilikdə 3-4 nəfər olduğu bildirilir. Onlardan birinin təhlükəsizlik qüvvələri tərəfindən tutulduğu bildirilsə də, bu, rəsmilər tərəfindən təsdiqlənməyib. Deputatlar parlament binasını tərk edə biliblər və onlardan heç kəs xəsarət almayıb.

ISNA agentliyi isə bildirib ki, İmam Xomeyni türbəsinə hücum edən qadın olub. Türbənin qərb tərəfdəki həyətində o, geyindiyi kamikadze kəmərini partladıb. Digər cinayətkar isə mühafizəçilər tərəfindən zərərsizləşdirilib. Burada 1 nəfərin öldüyü, 5 nəfərin isə yaralandığı bildirilir.

Daha sonra IRIB telekanalı daha bir terrorçunun özünü türbədə partlatdığını xəbər verib. Lakin hökumət bu xəbəri təkzib edib. Başqa bir məlumatda isə türbəyə hücum edənlərdən birinin təhlükəsizlik qüvvələrinin əlinə keçməmək üçün özünü sianid turşusu ilə zəhərlədiyi bildirilib.

İranın Kəşfiyyat Nazirliyi Tehran sakinlərinə ictimai nəqliyyatdan və metrodan istifadə etməməyi tövsiyə edib. Nazirlik silahlı hücumda iştirak edən bir qrup şəxsi zərərsizləşdirdiyini açıqlayıb. Saxlanılan şəxslər bir gündə üç yerdə terror aktı törətməyi planlaşdırdıqlarını bildiriblər.

Daxili işlər naziri Abdolreza Rəhmani Fəzli hücumla bağlı parlamentin fövqəladə iclasını çağırmaq əmri verib. Rusiya XİN İrandakı vətəndaşlarını parlament və türbənin yerləşdiyi rayonlardan uzaq durmağa çağırıb.

1396
Teqlər:
silahlı terror aktı, Xomeyni türbəsi, təhlükəsizlik qüvvələri, Tehran, İran parlamenti, İŞİD
Mövzu:
İran paytaxtında terror (6)
Əlaqədar
Atışma gedən İran parlamentindən son xəbər
Tehranda fövqəladə vəziyyət: təcili toplantı çağırıldı
İranda terror kütləvi hal alır, canlı görüntülər yayıldı
İranda sabitlik pozuldu: parlamentdə və Xomeyni türbəsində atışma gedir
Xorvatiya-Şotlandiya matçında oyun məqamı

Xorvatiya millisi şotlandiyalılara qalib gələrək AVRO-2020 pley-off mərhələsinə çıxdı

13
(Yenilənib 01:35 23.06.2021)
Futbol üzrə Xorvatiya yığma komandası Şotlandiya millisi üzərində Avropa çempionatının qrup mərhələsində qələbə çalaraq 1/8 final mərhələsinə yüksəlib.

"D" qrupunun son turunda Qlazqoda keçirilən qarşılaşma 3:1 hesabı ilə xorvatların xeyrinə başa çatıb. Qalib komandanın heyətində qolları Moskvanın MOİK komandasının oyunçusu Nikola Vlaşiç (17-ci dəqiqə), Luka Modriç (62) və İvan Pereşiç (77) vurublar.

Şotlandiyalıların heyətində Kallum Makqreqor rəqib komandanın qapısına yol tapıb (42).

Stadionda oyuna 9896 azarkeş tamaşa edib.

"D" qrupunun digər oyununda Londonda İngiltərə-Çexiya oyunu 1:0 hesabı ilə ingilislərin xeyrinə başa çatıb.

Beləliklə, İngiltərə yığması 7 xalla qrupun lideri olaraq çempionatın 1/8 finalına yüksəlib. Pley-off mərhələsində onun rəqibi "F" qrupunda ikinci yeri tutmuş komanda olacaq.

Xorvatiya millisi 4 xalla öz qrupunda ikinci yerdə qərarlaşıb və 1/8 finalda "E" qrupunda ikinci yeri tutmuş komanda ilə üz-üzə gələcək.

Çexiya millisi son oyunda məğlubiyyətə baxmayaraq qrupda üçüncü yerdən pley-off mərhələsinə adlaya bilib.

Qrupun autsayderi olan Şotlandiya millisi isə üç turda 1 xal toplayaraq turnirdə çıxışlarını başa vurub.

İngiltərə, Xorvatiya və Çexiya komandalarının 1/8 finaldakı rəqibləri çərşənbə günü müəyyən olunacaq.

13
İngiltərə millisinin oyunçuları qola sevinirlər

İngiltərə yığması Çexiya millisi üzərində qələbə qazanıb

6
(Yenilənib 01:31 23.06.2021)
Londondakı oyunda yeganə qolu Cek Qrilişin ötürməsindən sonra ingilislərin hücumçusu Rahim Sterlinq vurub.

Futbol üzrə İngiltərə millisi Avropa çempionatının qrup mərhələsində Çexiya komandasını məğlub edib.

"D" qrupunun üçüncü turunun Londonda keçirilən qarşılaşması 1:0 hesabı ilə ingilislərin xeyrinə başa çatıb. Oyunda yeganə qolu 12-ci dəqiqədə Rahim Sterlinq vurub.

Moskvanın "Spartak" komandasının və Çexiya millisinin yarımmüdafiəçisi Aleks Kral oyunun 64-cü dəqiqəsində meydana çıxıb.

Hər iki yığma komanda turnirin pley-off mərhələsinə vəsiqə alıb.

Bu dördlüyün digər oyununda Xorvatiya millisi Qlazqoda Şotlandiya komandasını məğlub edib.

İngiltərə yığması 7 xal qazanaraq D qrupunda 1-ci yerdən 1/8 finala çıxıb. Pley-offda onun rəqibi F kvartetindən ikinci komanda olacaq. Xorvatiya millisi 4 xalla ikincidir və 1/8 finalda E kvartetinin ikincisi ilə oynayacaq. 

Çexlər 4 xalla üçüncü pillədən pley-offa çıxıblar. 

Şotlandlar üç turdan cəmi 1 xal aldıqlarına görə turnirdəki çıxışlarını dayandırıblar. 

İngiltərə, Xorvatiya və Çexiyanın 1/8 finaldakı rəqibləri çərşənbə günü bəlli olacaq.

6
Azərbaycan Respublikası İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı

Vüsal Qasımlı: “Rusiya hər üç Cənubi Qafqaz ölkəsi üçün əsas ticarət partnyorudur”

0
(Yenilənib 16:46 22.06.2021)
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyir ki, “3+3” formatında ölkələrin ümumi iqtisadiyyatı 3 trilyon dollara yaxındır
Vüsal Qasımlı: “Yeni format iqtisadi baxımdan böyük potensial vəd edir”

““3+3” formatı ölkələrinin kəsişmə coğrafiyası Cənubi Qafqaz, kənar həlqəsi isə Rusiya, Türkiyə və İrandır”. Sputnik Azərbaycan xəbər verir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı bildirib.

O bildirib ki, Azərbaycan Cənubi Qafqazın siyasi, iqtisadi və hərbi cəhətdən lideri olmaqla bu formatın həm özəyində, həm də kənar həlqəsində həlledici mövqeyə malikdir: “Azərbaycan Qarabağ konfliktini uğurla həll etməklə, Cənubi Qafqazda sülh, təhlükəsizlik və inkişaf üçün zəmin hazırlayıb və “3+3” formatına əsaslar yaradıb.  “3+3” formatında ölkələrin ümumi iqtisadiyyatı 3 trilyon dollara yaxındır ki, bu da ABŞ, Çin, Yaponiya və Almaniyadan sonra dünyanın 5-ci ən böyük iqtisadiyyatı deməkdir: Bu miqyaslar onu göstərir ki, yeni format təkcə siyasi və təhlükəsizlik deyil, həm də iqtisadi baxımdan böyük potensial vəd edir. Cənubi Qafqaz ölkələri Avropa İttifaqı ilə Avrasiya İttifaqı bazarlarına oriyentasiya götürüblər, amma regional identiklik zəifdir. Hansı ki, regional ticarətin inkişafı da iqtisadi artım üçün əsaslar yarada bilər. Rusiya hər üç Cənubi Qafqaz ölkəsi üçün əsas ticarət partnyorudur, Gürcüstan və Azərbaycan üçün ikinci ən böyük ticarət partnyoru Türkiyədir. “3+3” formatı təkcə Cənubi Qafqazda regional ticarətə deyil, həm də Türkiyə, Rusiya və İranın da öz aralarında ticarət həcminə təsir göstərə bilər”.

Vüsal Qasımlının fikirlərinə audiofaylda qulaq asa bilərsiniz

 

0