İran parlamenti

İranda sabitlik pozuldu: parlamentdə Xomeyni türbəsində atışma gedir

491
(Yenilənib 11:27 07.06.2017)
Üç nəfər silahlı şəxs parlamentdə mühafizəçiləri yaralayaraq bir neçə nəfəri girov götürüb

BAKI, 7 iyun — Sputnik. İran parlamentinə naməlum şəxslər tərəfindən silahlı hücum olub. Sputnik Azərbaycan "Tasnim" agentliyinə istinadla xəbər verir ki, hücum edən şəxslər üç nəfərdir. Onlar bir neçə nəfəri girov götürüblər.

Son məlumata görə, hücum nəticəsində, ikisi sadəcə vətəndaş olmaqla 3 nəfər yaralanıb, bir nəfər təhlükəsizlik əməkdaşı isə həlak olub. Hücumun səbəbləri və hücumçuların tələbləri hələlik bəlli deyil. Hücum edənlərin şəxsiyyəti də müəyyən edilməyib. İranın təhlükəsizlik qüvvələri girovlar barədə məlumatı dəqiqləşdirməyib.

İran KİV-ləri üç nəfər silahlı şəxsin parlamentdə mühafizəçiləri yaralayaraq bir neçə nəfəri girov götürdüyünü, parlamentdə atəş səslərinin davam etdiyini xəbər verir. Həmçinin bildirilir ki, atışma Tehranın cənubunda, Xomeyninin türbəsi olan ərazidə də baş verib, yaralananlar var. Hücum edənlər Kalaşnokov avtomatından (AK-47) istifadə ediblər.

491
Teqlər:
İran, parlament, hücum, girov
Mövzu:
İran paytaxtında terror (6)
Əlaqədar
ABŞ Rusiya və İranı hədəfə aldı
Bu təyinat İrana qarşı müharibəni qaçılmaz edir
İranda partlayış nəticəsində yaralananların sayı artır
Donald Trampın çıxışına İran sərt reaksiya göstərib
Şiə liderdən İrana təcili ismarıc
İranla bağlı əməliyyat məlumatı gəldi
Rusiya Təhlükəsizlik Şurasının sədrinin müavini Dmitri Medvedev, arxiv şəkli

Medvedyev Belarusa xəbərdarlıq etdi - Kədərli nəticələri olacaq

5
(Yenilənib 19:04 05.08.2020)
Belarus Prezidenti Aleksandr Lukaşenko prezident seçkiləri ərəfəsində xalqa və parlamentə müraciətində bildirib ki, Rusiya Belarusu itirməkdən qorxur.

BAKI, 5 avqust — Sputnik. Belarus rəhbərliyinin Rusiyadan düşmən obrazı düzəltmək və bunun köməyi ilə siyasi nəticələrə nail olmaq cəhdləri kədərli nəticələrə səbəb olacaq. Sputnik Azərbaycan RİA Novosti-yə istinadən xəbər verir ki, bunu Rusiya Təhlükəsizlik Şurasının sədrinin müavini Dmitri Medvedyev bildirib.

Onun sözlərinə görə, Rusiya-Belarus münasibətləri seçki kampaniyasında adi məsələyə dönüb: "Bundan sonra da "istəyir, lap dünya dağılsın. Eybi olmaz, bunu ruslarla həll edəcəyik. Bu yalnız inciklik hissinə səbəb olmur, bu həm də olduqca kədərlidir".

Qeyd edək ki, ötən gün Belarus Prezidenti Aleksandr Lukaşenko prezident seçkiləri ərəfəsində xalqa və parlamentə müraciətində bildirib ki, Rusiya Belarusu itirməkdən qorxur.

"Rusiya bizi itirməkdən qorxur. Çünki bizdən başqa onun həqiqi yaxın tərəfdaşı qalmayıb. Qərb də son zamanlar bizə predmetli maraq göstərir. Çin də öz dostunun sabitliyinə ümid bəsləyir", - deyə Lukaşenko qeyd edib.

O eyni zamanda vurğulayıb ki, hakimiyyətdə kimin olmasından asılı olmayaraq, Rusiya həmişə Belarusun müttəfiqi olacaq: "Belarus və ya Rusiyada kimin hakimiyyətdə olmasından asılı olmayaraq, Rusiya həmişə bizim ən yaxın müttəfiqimiz olub, müttəfiqimizdir və müttəfiqimiz olaraq qalacaq".

5
Kompüter siçanı, arxiv şəkli

Onsuz heç cür olmazdı! Kompüter siçanı yaradan şəxs öldü

83
(Yenilənib 18:34 05.08.2020)
ABŞ-da kompüter siçanının yaradıcılarından biri olan Vilyam İnqliş 91 yaşında tənəffüs çatışmazlığından vəfat edib.

BAKI, 5 avqust — Sputnik. ABŞ-da kompüter siçanının yaradıcılarından biri olan Vilyam İnqliş 91 yaşında vəfat edib. Sputnik Azərbaycan BBC-yə istinadla xəbər verir ki, onun ölümünə tənəffüs çatışmazlığı səbəb olub.

Vilyam İnqliş 1929-cu ildə Kentukki ştatının Leksinqton şəhərində doğulub. Onun atası kömür mədənlərində elektrik mühəndisi, anası isə evdar qadın olub. Arizonada internat məktəbində oxuyan ixtiraçı sonradan Kentukki Universitetində elektrik mühəndisliyi üzrə təhsili alıb.

1964-cü ildə İnqliş Duqlas Engelbartın laboratoriyasında ilk dəfə kompüter siçanı obrazı üzərində işləyən işçilərdən biri olub.

Əvvəlcə cihaz ekranda şəkilləri hərəkət etdirmək üçün nəzərdə tutulmuşdu. O, bir düyməyə və iki çarxa malik, şəkilləri şaquli və üfüqi istiqamətdə hərəkət etdirməyə imkan verən taxta parçasından ibarət idi.

Cihaz 1968-ci ildə San-Fransiskoda təqdim olunub, lakin yaradıcılarına böyük pullar gətirməyib. Nəticədə bütün şöhrət və intellektual hüquqlar siçanın yaradıcılarının işəgötürəninə çatıb.

Lakin artıq 1971-ci ildə İnqliş Xerox PARC-ın elmi-tədqiqat mərkəzinə keçib, burada həmin siçanın iki çarxını bir diyircəklə əvəz edib. Qurğunun bu modeli ötən əsrin 1990-cı illərinə qədər aktual idi.

83
Qoruyucu geyimdə olan tibb işçiləri, arxiv şəkli

Pandemiya beş ayını tamam elədi, alimlər hələ bir qərara gələ bilmədilər

1
(Yenilənib 19:10 05.08.2020)
"Sadəcə olaraq, maska nə zaman taxılmalıdır, ilk olaraq bunu dəqiqləşdirmək lazımdır. Adi hallarda qarşınızda he kim yoxdursa, yaxud da arada 2-3 metrdən artıq məsafə varsa, küçədə açıq havada gəzirsizsə, bu zaman maska taxmağa ehtiyac yoxdur" - Ədalət Rüstəm

Nigar İsgəndərova, Sputnik Azərbaycan

BAKI, 5 avqust — Sputnik. Alimlər maska, şərf və sipər arasındakı fərqi aşkarlayıblar. Belə ki, insanlar üzərində aparılan sınaq zamanı belə qənaətə gəlinib ki, maska və şərf sipərlə müqaysədə insan səhhəti üçün daha təhlükəlidir. Belə ki, maska taxarkən və şərflə ağzı bağlayarkən insan daha çox karbon qazı ilə təmasda olur, nəinki sipər taxarkən.

Bu səbəbdən də alimlər maska, şərf deyil, sipər taxmağı tövsiyə edirlər. Çünki maska və şərf karbon dioksidi yenidən ciyərlərə geri qaytarır ki, bu da insan səhhəti üçün təhlükəlidir. Uzun müddət maska taxmaq qandakı oksigenin həcminin azalması deməkdir. Eyni zamanda bu, həm də beyinə gedən oksigenin həcminin azalması deməkdir. Bu isə insanın özünü daha zəif hiss etməsinə səbəb olmaqla yanaşı ö lüm üçün də faktor ola bilər. Yəni, ölüm riski də yarada bilər.

Bu gün artıq təhsilin bərpa olunduğu bir çox ölkələrdə də şagirdlər maska deyil, sipər taxırlar.

Azərbaycan Tibb Universitetinin dosenti Ədalət Rüstəm Sputnik Azərbaycan-a açıqlamasında bu fikirlərlə raızlaşmadığını bildirib. O belə hesab edir ki, maska digərləri ilə müqayisədə mövcud vəziyyətdə daha effektivdir: "Üz sipəri də faydalıdır. Lakin bunların arasında ən faydalısı elə maskadır. Maskanın karbon qazını geri qaytarması boş söhbətdir. Çünki maska taxarkən hava kənarlardan çıxır".

Pandemiyadan belə qazanmaq olar: brilyantlarla bəzədilmiş qoruyucu maskalar satılır>>

"Sadəcə olaraq, maska nə zaman taxılmalıdır, ilk olaraq bunu dəqiqləşdirmək lazımdır. Adi hallarda qarşınızda heç kim yoxdursa, yaxud da arada 2-3 metrdən artıq məsafə varsa, küçədə açıq havada gəzirsizsə, bu zaman maska taxmağa ehtiyac yoxdur. Maskanı qısa məsafə oduqda taxmaq lazımdır. Xüsusən də qapalı məkanlarda taxmaq vacibdir.  Maska taxmaq müddəti 15-20 dəqiqədirsə, bu müddətdə karbon qazı ziyan verməyəcək. Karbon qazı ümumiyyətlə geri qayıtmır, maskanın kənarlarından xaric olunur", - deyə Ə.Rütəm əlavə edib.

1
Əlaqədar
Dünyanın koronavirus büdcəsi tükənir: xəstəliyə necə qalib gələcəyik?
Koronavirus öləcək: maskanı benzinə batırın...
Azərbaycan COVİD-19 infeksiyasının payız sıçrayışına hazır olmalıdır - rusiyalı həkim
Tramp əsəbiləşdi: "Hamı maska taxsa da, virus yox olmayacaq"
Bəla gələndə tək gəlmir: Payızı gözləyək, vəziyyət bir az da pisləşə bilər