İsrail əsgərləri ilə fələstinlilər arasında qarşıdurma yaşanıb
(Yenilənib 12:02 20.05.2017)
Hadisə nəticəsində 42 nəfər yaralanıbBAKI, 20 may — Sputnik. İsrail əsgərləri fələstinli məhbuslara dəstək vermək üçün aksiya keçirən vətəndaşlara müdaxilə ediblər. Sputnik Azərbaycan "Yeni Akit"-ə istinadən xəbər verir ki, ordu fələstinlilərə qarşı gözyaşardıcı qaz və plastik mərmilərdən istifadə edib. Hadisə nəticəsində 42 nəfər yaralanıb.
Qeyd edək ki, İsrail həbsxanalarındakı fələstinli məhbuslar 33 gündür aclıq aksiyası keçirirlər. Onlar, həbsxana şəraitinin dözülməz olduğundan şikayətçidirlər.
Müğənni koronavirusa görə işsiz qalanlar üçün xeyriyyə aksiyası keçirəcək
(Yenilənib 00:07 03.12.2020)
Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.BAKI, 3 dekabr — Sputnik. Türkiyəli müğənni Haluk Levent növbəti xeyriyyə işi ilə gündəmə gəlib.
Sputnik Azərbaycan xəbər verir ki, Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.
O, 20 min ailəyə qida paketləri paylayacağını söz verib. Qeyd edək ki, Haluk Levent AHBAP adlı (Anadolu Halk ve Barış Platformu) xeyriyyə təşkilatının lideridir.
Müğənni olmaqla yanaşı, yardıma ehtiyacı olan insanlara kömək kampaniyaları ilə də məşhurdur. O, hətta ötən il Azərbaycanda xərçəng xəstəliyindən əziyyət çəkən Surə Nadirovanın müalicəsi üçün xeyriyyə konserti təşkil etmişdi.
Sənətçi bundan başqa, ötən ay İzmirdə baş verən zəlzələ nəticəsində sahibsiz qalan və yaralanan heyvanlara da yardım edib.
Tarixi filmdə rol alan aktrisa atdan yıxıldı
(Yenilənib 23:29 02.12.2020)
Serialda "Aybike" obrazını canlandıracaq aktrisa, rolu üçün at minməyə və qılınc təlimi almağa başlayıb. Təlimlər zamanı o atdan yıxılıb. BAKI, 2 dekabr — Sputnik. Tanınmış türk aktrisası Esra Sönmezer "Kutay" adlı tarixi serialda çəkilməyə başlayıb.
Sputnik Azərbaycan Türkiyə mətbuatına istinadən xəbər verir ki, serialda "Aybike" obrazını canlandıracaq aktrisa, rolu üçün at minməyə və qılınc təlimi almağa başlayıb.
Lakin təlimlər zamanı atdan yıxılıb. Aktrisa ağır yaralanmadığı üçün Allaha şükür etdiyini və at minməyin çox çətin olduğunu dilə gətirib.