Avtomobil sürən adam

Avropada ən çox avtomobil satan ölkələrin reytinqi açıqlandı

375
(Yenilənib 16:15 19.05.2017)
Avropa reytinqinə Almaniya başçılıq edir

BAKI, 19 may — Sputnik. Avropada ötən ay ən çox avtomobil satılan ölkələrin reytinqi açıqlanıb. Avtomobil bazarının aprel ayı üçün tərtib olunmuş reytinq cədvəlində Rusiya 5-ci yeri tutub.

Sputnik Azərbaycan-ın məlumatına görə, bu reytinqi "Avtostat" analitik agentliyi, avtomobil istehsalçılarının milli assosiasiyalarının göstəricilərini təhlil edəndən sonra açıqlayıb. Avropa reytinqinə Almaniya başçılıq edir. Ötən ay bu ölkədə 290 min avtomobil (ötən ilin göstəricisindən 8,4% çox) satılıb.

İkinci yeri, 171 min avtomobil satışı ilə Fransa tutur. Fransa ötən ilin analoji dövrü ilə müqayisədə 6% geriləyib. İtaliya da 4,6% geriləmə ilə ötən ay 160 min maşın sataraq reytinqdə üçüncü yeri tutub. Britaniyada maşın satışı analoji dövrlə müqayisədə 19% geriləsə də, 152 min satışla reytinq cədvəlində 4-cü yerdə qərarlaşıb.

Rusiya bir ayda 119 min avtomobil satıb. Bu hesaba yüngül kommersiya avtomobilləri aid deyil. Həmin göstərici 6,9% irəliləmə ilə müsbət hesab olunub.

Aprel ayının yekunlarına görə, Rusiya bazarında ən populyar avtomobil "Lada" olub. Bu dəfə "Lada" ötən ilin satışlarına 7% əlavə edərək 26,4 min maşın satıb.

Rusiya bazarında satılan maşınlar arasında ikinci yeri, 16 min ədədlə "KIA" tutur. Bu maşınların satışı 32% yüksəlib. İlk üçlüyü, 12% artımla "Hyundai" tamamlayır. Rusiya bazarlarında ötən ay 13 650 ədəd "Hyundai" satılıb.

375
Teqlər:
aprel ayı, reytinq, İtaliya, Britaniya, Fransa, Rusiya, Avropa, Almaniya, avtomobil
Əlaqədar
Minik avtomobilləri toqquşdu, ölənlər var
Avtomobil sahibləri üçün vacib məlumat
ATƏT-in avtomobili cəbhə bölgəsində minaya düşdü, 1 nəfər öldü
Su qiymətinə avtomobil satılır
Liberal Demokrat Partiyasının lideri Vladimir Jirinovski

Jirinovski: "Onların üzünə tüpürüb, daşa basacaqlar"

13
Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz!

BAKI, 18 may — Sputnik. Rusiya liberal-demokrat partiyasının (RLDP) sədri rəhbərlik etdiyi təşkilatın "siyasi səhnədə bakirə" olduğunu bəyan edib. Sputnik Azərbaycan Rusiya mediasına istinadən xəbər verir ki, partiya sədri RLDP-nin hələ heç bir partiya ilə siyasi ittifaqa girmədiyini dilə gətirib.

""Yedinaya Rossiya" vətəndaşların qarşısına nə ilə çıxacaq? Onlardan soruşacaqlar: niyə siz heç bir şey etməmisiniz? Axı 20 ildir ki, hökumət partiyasısınız. Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz! Onların heç birinin təklif edəcəyi bir şey yoxdur. Seçicilər onların hamısına yalançı və fırıldaqçı kimi nifrət edirlər", - partiya lideri qeyd edib.

Jirinovski bildirib ki, RLDP isə təmizdir: "Əgər məişət dilində müqayisə aparsaq, RLDP siyasi səhnədə bakirədir. Biz heç kimlə nikaha, siyasi ittifaqa daxil olmamışıq. Bunların hamısı isə elə qurcuxurlar", - deyə Jirinovski bildirib.

Eləcə də oxuyun: 

* Jirinovski Rusiya prezidenti vəzifəsinin adının dəyişdirilməsini təklif edir

* Jirinovskidən xaricdə yaşayan ruslara RF pasportlarının verilməsini sadələşdirmək təklifi

* Köklərə məhdudiyyət qoyun, arıqlar yaşaya bilmirlər

 

13
Teqlər:
partiya, Rusiya, Vladimir Jirinovski

Dmanisidəki hadisəni etnik qruplar arasında münaqişəyə çevirmək cəhdləri təəssüf doğurur

4
(Yenilənib 00:01 18.05.2021)
Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

BAKI, 17 may - Sputnik. Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Gürcüstanın Dmanisi rayonunda azərbaycanlı sahibkara məxsus mağazanın qarşısında həmin şəxsə, eləcə də digər azərbaycanlı gənclərə hücum edilməsi nəticəsində baş vermiş kütləvi dava ilə bağlı Gürcüstanın Xalq Müdafiəçisi Nino Lomcariyaya müraciət edib.

Sputnik Azərbaycan-ın məlumatına görə, Azərbaycan Ombudsmanı hadisəni etnik qruplar arasında münaqişəyə çevirmək cəhdlərinin təəssüf və narahatlıq doğurduğunu bildirib. Azərbaycan və Gürcüstanın strateji tərəfdaş olduğunu qeyd edən Ombudsman müvafiq orqanlar tərəfindən məsələnin araşdırılması üçün zəruri tədbirlər görüləcəyinə inamını ifadə edib.

Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

Qeyd edək ki, 16 may 2021-ci il tarixində, saat 17.00 radələrində Gürcüstanın Dmanisi rayonunun "9 aprel" küçəsində bir qrup şəxsin azərbaycanlı sahibkar Qəşəm Şamilova məxsus mağazanın qarşısına gələrək, ona, eləcə də mağazanın qarşısındakı azərbaycanlı gənclərə hücum etmələri nəticəsində kütləvi dava baş verib. Hadisə zamanı bir neçə nəfər ciddi xəsarət alıb. İnsident iştirakçılarından 8 nəfəri Gürcüstanın hüquq mühafizə orqanları tərəfindən saxlanılıb.

Məsələni bir neçə qurum nəzarətdə saxlayır.

Eləcə də oxuyun:

* Dmanisidə 8 nəfər saxlanıldı, Azərbaycan səfirliyi bəyanat yaydı

* Nazir: "Azərbaycanlılar gürcülərin qardaşlarıdır, qarşıdurmaya imkan verməyəcəyik"

* Gürcüstanda svanlar azərbaycanlılara hücum etdilər, dava düşdü - VİDEO

 

4
Teqlər:
insident, Gürcüstan, Azərbaycan, ombudsman