Suriya ilə bağlı tarixi memorandum imzalandı

BAKI, 4 may — Sputnik. Suriyadakı atəşkəsin təminatçısı olan Rusiya, Türkiyə və İran, Suriyada təhlükəsiz zonalar yaradılması haqqında memorandum imzalayıb.

Sputnik-in xəbərinə görə, memorandum Qazaxıstanın paytaxtı Astanada keçirilən Suriya üzrə sülh danışıqlarının 4-cü turunda imzalanıb. 

© AP Photo / Pablo Martinez Monsivais

Tramp: "Suriya məsələsini bitirməyin vaxtı çatıb"

Suriya müxalifətindən bəzi heyət üzvləri, imza mərasiminə müdaxilə edərək memoranduma etiraz edərkən, bəzi müxaliflər də salonu tərk edib.

Yekun sazişə əsasən, Suriyanın 4 ayrı bölgəsində təhlükəsiz zonalar yaradılacaq.

Qeyd edək ki, dünən Soçi şəhərində Rusiya prezidenti Vladimir Putinlə türkiyəli həmkarı Rəcəb Tayyib Ərdoğan arasında keçirilən görüş zamanı, liderlər bugünkü Astana danışıqlarına işarə edərək, Suriya rejimi və müxalifətinin yekun memorandum üzrə razılığa gəlməsinin vacib olduğunu söyləmişdilər.