Donald Tramp, arxiv şəkli

Ekspert: "Trampın gəlişi ilə Azərbaycan üçün heç dəyişməyib"

17
(Yenilənib 16:13 11.04.2017)
Sputnik.Rəy-in keçirdiyi sorğunun nəticələrinə əsasən, fransızların (64%) və almanların (72%) yarıdan çoxu hesab edir ki, Donald Tramp ABŞ prezidenti seçildikdən sonra dünya daha təhlükəli məkana çevrilib

BAKI, 11 apr – Sputnik. Trampın gəlişi ilə Azərbaycan üçün kardinal olaraq heç nə dəyişməyib, dünya isə daha təhlükəli və ya daha təhlükəsiz bir məkana çevrilməyib. Politoloq İlqar Vəlizadə ABŞ-ın yeni prezidentinin fəaliyyətinin Azərbaycana təsirlərini Sputnik Azərbaycan-a şərh edərkən bu fikirləri işlədib.

Sputnik.Rəy-in keçirdiyi sorğunun nəticələrinə əsasən, fransızların (64%) və almanların (72%) yarıdan çoxu hesab edir ki, Donald Tramp ABŞ prezidenti seçildikdən sonra dünya daha təhlükəli məkana çevrilib. 

Vəlizadənin sözlərinə görə, Tramp ABŞ prezidenti kimi təbii ki, çox vacib qərarların qəbul edilməsinə təsir göstərir, lakin Birləşmiş Ştatların xarici siyasət strategiyasını o müəyyən etmir və belə bir hal Obama, Klinton və digərlərinin dövründə də olub.

"Burada söhbət öz fəaliyyətlərində prezidentdən asılı olmayan və ya prezidentin onlara təsirinin göründüyü qədər güclü olmadığı daha ciddi institutlardan gedir" — politoloq bildirib.

Vəlizadə qeyd edib ki, Trampın gəlişi ilə Azərbaycan üçün kardinal olaraq heç nə dəyişməyib, dünya isə daha təhlükəli və ya daha təhlükəsiz bir məkana çevrilməyib. 

Bundan əlavə, onun fikrincə, bu gün Tramp siyasətçi kimi Azərbaycanın xarici siyasətinə o qədər də təsir etmir ki, bu siyasətdə dəyişikliklərdən danışmaq mümkün olsun. 

"Prinsip etibarilə indi o Azərbaycanın hayında deyil" — Vəlizadə hesab edir. 

Donald Tramp
© AP Photo / Andrew Harnik

Politoloq qeyd edib ki, ABŞ hökumətinin siyasətinin ümumi cizgiləri prezidetnin dövlət başçısı olaraq ilk 100 günündən sonra bilinir. Ondan sonra prezidentın edəcəyi xüsusi çıxışda aparılacaq siyasətin hansı istiqamətə yönələcəyi bilinəcək. Yalnız bundan sonra dünyanın dəyişib-dəyişməyəcəyindən danışmaq olar. 

Vəlizadənin fikrincə, Trampın gəlişindən sonra Azərbaycan üçün təhlükəsizlik dərəcəsi məsələsində dəyşiklik olmayıb.

17
Teqlər:
Trampın prezident seçilməsinin Azərbaycana təsiri, Donald Tramp, İlqar Vəlizadə, Barak Obama, ABŞ, Azərbaycan
Əlaqədar
Şimali Koreyanı "əzmək" planı Trampa təqdim olundu
Tramp bu fotonu görüncə özündən çıxdı: "Vurun!"
Trampdan Əsədlə bağlı sərt qərar
Trampın kürəkəni ilk rəsmi səfərini bu ölkəyə etdi

Çavuşoğlu Qarabağ məsələsini NATO-nun gündəminə gətirdi

4
(Yenilənib 22:33 26.11.2020)
Türkiyənin xarici işlər naziri Mövlud Çavuşoğlu ilə NATO-nun baş katibi Yens Stoltenberq Dağlıq Qarabağ və digər regional münaqişələri müzakirə ediblər.

BAKI, 26 noyabr - Sputnik. Türkiyənin xarici işlər naziri Mövlud Çavuşoğlu və NATO-nun baş katibi Yens Stoltenberq arasında telefon danışığı olub.

Sputnik Azərbaycan Türkiyə mediasına istinadla xəbər verir ki, telefon danışığı zamanı tərəflər regional gündəmin aktual məsələlərini, o cümlədən Dağlıq Qarabağı müzakirə ediblər.

Türkiyə XİN rəhbəri və NATO-nun baş katibi Şərqi Aralıq dənizi, Əfqanıstan və Liviya böhranı barədə də fikir mübadiləsi aparıblar.

Çavuşoğlu Stoltenberqə İrini Hərəkatı çərçivəsində Aralıq dənizindəki Türkiyə ticarət gəmisində axtarış aparılmasının beynəlxalq hüquqa zidd və yolverilməz olduğunu bildirib.

4
Teqlər:
Aralıq dənizi, Liviya, Dağlıq Qarabağ, Türkiyə xarici işlər naziri Mövlud Çavuşoğlu, Mövlud Çavuşoğlu, baş katibi Yens Stoltenberq, Yens Stoltenberq, NATO

Ermənistandakı hərbi bazada Rusiya hərbçisinin cəsədi tapılıb

18
(Yenilənib 21:33 26.11.2020)
Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. H

BAKI, 26 noyabr - Sputnik. Ermənistanın Gümrü şəhərində Rusiyanın 102-ci hərbi bazasının hərbi qulluqçusu ölü tapılıb.

Bu barədə Sputnik Ermənistan-a Cənub Hərbi Dairəsinin mətbuat xidmətindən bildirilib. Ermənistan İstintaq Komitəsinin Şirak Regional İstintaq İdarəsi hazırda hərbçinin ölümü ilə bağlı materialları toplayır.

Bildirilir ki, 36 yaşlı rus hərbçinin həyat əlamətləri olmayan cəsədi onun hərbçi yoldaşları tərəfindən aşkar edilib. Onun üzərində hər hansı zorakılıq əlamətlərinə rast gəlinməyib: 

"Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. Hərbçinin cəsədində zorakılıq əlamətlərinə rast gəlinməyib".

Hazırda hadisənin baş vermə şəraiti və səbəbləri araşdırılır.

Cinayət xəbərləri saytı shamshyan.com-un yazdığına görə, ölən şəxs 36 yaşlı müqaviləli hərbçi A.P.-dir.

18