Avropa İttifaqı bayraqları

Avropa İttifaqı üçün həyacan siqnalı

382
(Yenilənib 18:16 27.03.2017)
Fransa prezidentliyinə namizəd: "Dünyaya hegemonluq edən qüvvələr yer üzündən silinməyə məhkumdur"

BAKI, 27 mart — Sputnik. "Avropa İttifaqı məhv olacaq, çünki o, artıq heç kimə lazım deyil. Dünyaya hegemonluq edən qüvvələr yer üzündən silinməyə məhkumdur".

Marin Le Pen, arxiv şəkli
© REUTERS / Pascal Rossignol
Marin Le Pen, arxiv şəkli

Sputnik Azərbaycan ABC-ə istinadən xəbər verir ki, bu barədə Fransa prezidentliyinə namizəd Marin Le Pen açıqlama verib. "Xalq cəbhəsi" partiyasının lideri Marin Le Pen deyib ki, Donald Tramp ABŞ prezidenti seçildikdən sonra Fransada seçkiləri insanların qlobal üsyanı kimi xarakterizə edib.

"Qlobalçıları məhv etmək zamanı gəlib. Rəqiblərim Emmanuel Makron və Fransua Fiyon Avropa İttifaqı və öz biznes maraqları naminə ölkəyə xəyanət edirlər" — deyə Le Pen bildirib.

Xatırladaq ki, Fransada prezident seçkiləri 23 aprel və 7 may tarixlərində iki mərhələdə keçiriləcək.

382
Teqlər:
Marin Le Pen, dünya, Donald Tramp, Avropa İttifaqı, Fransa, seçki
Mövzu:
Fransada prezident seçkiləri (7)
Əlaqədar
"Avropa İttifaqı qeyri-effektivdir"
Donald Tusk yenidən Avropa İttifaqı Şurasının prezidenti seçilib
Türkiyə Avropa İttifaqını böyük yükdən xilas etdi
Avropa İttifaqından Belarusa zərbə
Azərbaycan Avropa İttifaqı ilə əməkdaşlığı genişləndirmək niyyətindədir
Avropa İttifaqı ilə İsrail arasında qarşıdurma
Ekspert: “Avropa İttifaqının əsas məqsədi Türkiyəni çərçivəyə salmaqdır”
Samsung şirkəti

Dünya nəhənginin rəhbəri vəfat etdi

17
2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

BAKI, 25 oktyabr — Sputnik. Samsung konserninin sədri Li Qon Hi vəfat edib, Sputnik Azərbaycan bildiri ki, bu barədə Rönhap agentliyi xəbər verir.

Biznesmen bazar günü Seuldakı Samsung xəstəxanasında keçinib.

Li Qon Hi 1942-ci ildə anadan olub və 1987-ci ildə Samsung-un ikinci sədri olub. O, bu vəzifədə qrupun yaradıcısı olan öz atası Li Byon Çxolu əvəz edib.

2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

Cənubi Koreya prokurorluğu Li Çjo Yonun hakimiyyəti ələ keçirmək üçün qeyri-qanuni maxinasiyalara əl atmasından şübhəlidir.

Li Çjo Yondan başqa Li Qon Hinin iki qızı qalıb - Li Bu Çjin və Li So Hyon. Daha bir qızı Li Yun Hyon 2005-ci ildə intihar edib.

17
Ginnesin Rekordlar kitabının sertifikatı, arxiv şəkli

Çinli iki metr yarıma yaxın boyu ilə Ginnesin Rekordlar Kitabına düşmək istəyir - VİDEO

33
14 yaşlı Keyu Ren Çinin Sichuan əyalətində yaşayan orta məktəb şagirdidir. Ən yüksək qapılardan keçəndə belə başını əyməli olan Ren, bəzən yeriməkdə çətinlik çəkir.

BAKI, 24 oktyabr — Sputnik. Çində yaşayan 14 yaşlı Keyu Ren 2 metr 21 santimetr boyu ilə Ginnesin Rekordlar Kitabına düşmək üçün müraciət edib.

Sputnik Azərbaycan "TRThaber"ə istinadla xəbər verir ki, Keyu Ren Çinin Sichuan əyalətində yaşayan orta məktəb şagirdidir. 14 yaşlı Reni yaşıdlarından fərqləndirən ən vacib xüsusiyyət 2 metr 21 santimetr uzunluğunda olmasıdır. Ən yüksək qapılardan keçəndə belə başını əyməli olan Ren, bəzən yeriməkdə çətinlik çəkir.

Ren 13-18 yaş kateqoriyasında 2 metr 21 santimetr hündürlüyündə Rekordlar Kitabına namizəd kimi göstərilib. Ren müsbət cavab alacağını gözləyir.

Qeyd edək ki, indiyədək dünyada ən uzun yeniyetmə kimi 2015-ci ildə 2 metr 15 santimetr boyu ilə ABŞ-dan olan Kevin Bradford Rekordlar Kitabına düşüb.

33
UNEC-in professoru Elnur Sadıqov

Professor: “Banklar bu əməliyyatlardan uzaq olsalar yaxşıdır”

0
Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov deyir ki, bankların yeganə problemi müştəri hesablarında təhlükəsizliyin təmin edilməsidir
Elnur Sadıqov: “Müştərilərin banklardan uzaqlaşacağı ilə bağlı nəzəriyyələr özünü doğrultmayıb”

Ənənəvi banklarla onlayn ödəmə platformları və elektron portmanatlarının rəqabəti getdikcə artaraq bankların müştəri cəlb etməsini çətinləşdirəcək. Bu barədə “Moody’s” beynəlxalq reytinq agentliyi tərəfindən “Qlobal rəqəmsallaşma pərakəndə ödəmələrdə ənənəvi bankların üstün mövqeyini sual altına qoyur” adlı hesabatda bildirilir.

Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov Sputnik Azərbaycan-a deyir ki, banklar bu gün kifayət qədər geniş elektron xidmətlər yerinə yetirir:

“Pandemiya səbəbindən bankların müştərilərlə apardığı əməliyyatlar azalıb. Ancaq bu, müştərilərin bir dəfəlik banklardan kənarlaşması demək deyil. Müasir texnologiyaların inkişafı müştərilərin daha geniş şəkildə bank xidmətlərindən istifadəsini zəruri edir. Bu gün bankların yeganə problemi müştəri hesablarında təhlükəsizliyin təmin edilməsidir. Müasir dövrdə elə əməliyyatlar var ki, banklar onlardan uzaq olsalar yaxşıdır. Müştərilərin banklardan uzaqlaşacağı ilə bağlı nəzəriyyələr özünü doğrultmayıb”.

Elnur Sadıqovun geniş şərhinə audiofaylda qulaq asa bilərsiniz

0