Солдаты сирийской армии на юге города Манбидж, провинция Алеппо, фото из архива

"Suriyadakı müharibənin İslama aidiyyatı yoxdur"

75
(Yenilənib 18:47 26.03.2017)
İnternetdə yalançı profillərlə ABŞ-ın maraqlarına xidmət edən 90 min mütəxəssis fəaliyyət göstərir, dünyada 50 milyon insan Qərb xüsusi xidmət orqanlarına qulluq edir

Ramella İbrahimxəlilova, Sputnik Azərbaycan

BAKI, 26 mart — Sputnik. İŞİD təşkilatının və digər qruplaşmaların silahlıları Qərb siyasətçilərinin əlində oyuncaqdan başqa bir şey deyillər. İraq və Suriya ərazisində baş verən bu hərc-mərcliyin İslama aidiyyatı yoxdur. Bu barədə Sputnik Azərbaycan-a müsahibəsində Şeyx Abdulla Əfəndi adına Dağıstan İslam Universitetinin rektoru Arif Səidov bəyan edib.

"Suriyadakı müharibənin dinə heç bir dəxli yoxdur. Zorakılıq İslama yaddır. Görün muzdlular İraq və Suriyanı nə günə qoyublar. İslam bütün digər dinlər kimi əsrlərlə mərhəmət və dözümlülüyü təbliğ edir. Heç bir peyğəmbər heç vaxt müharibə çağırışları etməyib. Siyasətçilər dindən istifadə edərək çirkin işlərini görürlər" — Səidov bildirib.

Rektorun sözlərinə görə, Suriya və İraqdakı hadisələrin fonunda İŞİD terror təşkilatı tərəfindən təhlükənin artması barədə söhbətlər son vaxtlar artıb. Bu isə onu göstərir ki, terrorçu qruplaşma fəallaşacaq və bu fəallıq üçün ona müsəlmanlar yaşayan ölkələrdən yeni tərəfdarlar lazım olacaq. 

"Maskalar yırtılıb, amerikalıların qlobal miqyasda terrorçulara təsiri göz önündədir. Qafqazda vəziyyət elədir ki, biz təsirin haradan və hansı formada olduğunu bilirik. Onlar gəncləri cəlb etmək üçün internet-resurslardan və puldan istifadə edirlər. Hazırda gənclərimiz azad və işsizdirlər, bu isə çox təhlükəlidir" — rektor bildirir.

Onun fikrincə, İraqda və Suriyada islamçıların cihad etdiklərini düşünmək səhvdir: "Liviya dağıdılıb. Suriya ilə İraq da həmçinin. Onlar öz dövlətçiliklərini qoruyub saxlaya bilmədilər. ABŞ Qafqaz və Rusiya xalqlarını da məhv etmək istəyir. Təsəvvür edin, internetdə yalançı profillərlə ABŞ-ın maraqlarına xidmət edən 90 min mütəxəssis fəaliyyət göstərir, dünyada 50 milyon insan Qərb xüsusi xidmət orqanlarına qulluq edir. Bu rəqəmləri mən rəsmi mənbələrdən götürmüşəm. İnternetdə agentlərin və onların əlaltılarının aşkar edilməsi üzrə nəhəng iş görülür".

"ABŞ Suriyadan çəkildiyini və diqqəti Çinə yönəltdiyini bəyan edib. Niyə məhz Çin? Çünki hər şey qazanc naminə edilir. Bu, ölkələrin məhv edilməsi yolu ilə varlanma üsuludur. ABŞ-ın özünün heç bir ştatında müharibə getmir" — Səidov bəyan edib.

Onun sözlərinə görə, əmin-amanlıq olan bölgədə siyasət yürütmək olmur…

75
Dövlət Bayrağı meydanı

Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür

10
(Yenilənib 14:06 27.09.2020)
Azərbaycan Respublikasının Silahlı Qüvvələri Ermənistanın növbəti hərbi təcavüzünün qarşısını almaq və təmas xətti boyunca sıx şəkildə yaşayan mülki əhalinin təhlükəsizliyini təmin etmək məqsədilə əks-hücum və cavab tədbirlərini həyata keçirirlər

Eldar Tanrıverdiyev, Sputnik Azərbaycan

BAKI, 27 sentyabr — Sputnik. "Bu ilin 27 sentyabr tarixində Ermənistan silahlı qüvvələri atəşkəs rejimini kobud şəkildə pozaraq, təmas xətti boyunca Azərbaycan Respublikasının mövqelərini, Tərtər rayonunun Qapanlı, Ağdam rayonunun Çiraqlı və Orta Qərvənd, Füzuli rayonunun Alxanlı, Şükürbəyli və Cəbrayıl rayonunun Cocuq Mərcanlı kəndlərini iriçaplı silahlar, minaatanlar və müxtəlif çaplı artilleriya qurğularından atəşə tutaraq, Azərbaycana qarşı növbəti təcavüzə əl atıb".

Sputnik Azərbaycan xəbər verir ki, Azərbaycan Xarici İşlər Nazirliyinin bəyanatında bildirilib.

"Azərbaycan Respublikasının Müdafiə Nazirliyinin məlumatına əsasən, mülki əhali və hərbi qulluqçular arasında həlak olan və yaralananlar var. Çoxsaylı evlərə və mülki obyektlərə ciddi ziyan dəyib.

Azərbaycan Respublikasının Silahlı Qüvvələri Ermənistanın növbəti hərbi təcavüzünün qarşısını almaq və təmas xətti boyunca sıx şəkildə yaşayan mülki əhalinin təhlükəsizliyini təmin etmək məqsədilə özünü müdafiə hüququ çərçivəsində və beynəlxalq humanitar hüquqa tam riayət etməklə əks-hücum və cavab tədbirlərini həyata keçirirlər.

Ermənistan tərəfinin Azərbaycana qarşı növbəti təcavüzü beynəlxalq hüququn fundamental norma və prinsiplərinin, Ermənistan qoşunlarının Azərbaycanın işğal olunmuş ərazilərindən tam və qeyd-şərtsiz çıxarılmasını tələb edən BMT Təhlükəsizlik Şurasının 1993-cü il tarixli 822, 853, 874 və 884 saylı qətnamələrinin, beynəlxalq humanitar hüququn, o cümlədən 1949-cu il Cenevrə Konvensiyaları və onların əlavə protokollarının kobud şəkildə pozulmasıdır.

27 sentyabr tarixində Ermənistanın Azərbaycana qarşı yeni təcavüz aktı son aylar ərzində Ermənistan tərəfinin təxribatları, o cümlədən 12-16 iyul Tovuz istiqamətində hücum cəhdi, 23 avqust Goranboy istiqamətində diversiya-kəşfiyyat təxribatı, Azərbaycanın işğal olunmuş ərazilərində qeyri-qanuni məskunlaşdırma siyasətinin aparılması, eləcə də Ermənistan rəhbərliyinin təhrikçi bəyanatları və fəaliyyətinin davamıdır.

Ermənistan silahlı qüvvələrinin Azərbaycanın işğal olunmuş Dağlıq Qarabağ və ətraf bölgələrində qeyri-qanuni mövcudluğunun regionda sülh və sabitliyə ciddi təhlükə olduğuna yaxşı bələd olan və Ermənistanın Azərbaycana qarşı təcavüzü və işğalçı fəaliyyətinə beynəlxalq hüququn norma və prinsiplərindən irəli gələrək prinsipial mövqe nümayiş etdirən beynəlxalq ictimaiyyət, Ermənistanın Azərbaycana qarşı işğalçılıq siyasətini və təxribatçı əməllərini kəskin şəkildə qınamalı və Ermənistanı beynəlxalq hüquq, o cümlədən beynəlxalq humanitar hüquq öhdəliklərinə əməl etməyə məcbur etməlidir.

Yaranmış vəziyyətə görə tam məsuliyyət Ermənistanın siyasi-hərbi rəhbərliyinin üzərinə düşür", - XİN-in bəyanatında vurğulanıb.

10
Mövzu:
Azərbaycan və Ermənistan arasında müharibə
Əlaqədar
Ermənistan cəbhə boyu təxribat törədib, ölənlər və yaralananlar var
MN: Ermənistan Silahlı Qüvvələrinin atəş nöqtələri susdurulur
Ermənistan ordusunun mərmi atəşi nəticəsində Ağdamda mülki şəxs yaralanıb
Ermənistanda hərbi vəziyyət və səfərbərlik elan edildi
TBMM sədri: "Ermənistan regionda sülh baxımından islaholunmaz terror dövlətidir"
Rusiyanın Xarici İşlər naziri Sergey Lavrov, arxiv şəkli

Lavrovun Azərbaycan XİN rəhbəri ilə danışığı hazırlanır

27
Lavrov təmas xəttində davam edən genişmiqyaslı əməliyyatlardan, həmçinin ölən və yaralılar barədə daxil olan məlumatlar barədə narahatlığını bildirib. Bundan əlavə, atəşin dərhal dayandırılmasının vacibliyi qeyd olunub

Eldar Tanrıverdiyev, Sputnik Azərbaycan

BAKI, 27 sentyabr — Sputnik. Rusiya Xarici İşlər naziri Sergey Lavrovun azərbaycanlı həmkarı Ceyhun Bayramovla telefon danışığı hazırlanır. Sputnik Azərbaycan xəbər verir ki, bu barədə Rusiya Xarici İşlər Nazirliyinin yaydığı məlumatda bildirilir.

Məlumatda, həmçinin qeyd olunur ki, Rusiya Xarici işlər naziri Sergey Lavrovun erməni həmkarı Zöhrab Mnatsakanyanla artıq telefon danışığı baş tutub. Lavrov təmas xəttində davam edən genişmiqyaslı əməliyyatlardan, həmçinin ölən və yaralılar barədə daxil olan məlumatlar barədə narahatlığını bildirib. Bundan əlavə, atəşin dərhal dayandırılmasının vacibliyi qeyd olunub. Vurğulanıb ki, Rusiya ATƏT-in Minsk qrupunun digər həmsədr ölkələri ilə birgə vəziyyətin sabitləşməsinə istiqamətlənən vasitəçilik səylərini davam etdirəcək.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

 

27
Teqlər:
Sergey Lavrov, Rusiya XİN, münaqişə, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
İlham Əliyev: Azərbaycan torpaqlarının işğalı Ermənistanın planındadır və bunu gizlətmir
Müdafiə Nazirliyi məlumat yaydı: Vacib yüksəkliklər uğrunda döyüşlər aparırıq
Türkiyənin müdafiə naziri: "Azərbaycanlı qardaşlarımızın yanında olacağıq"
Səfərbərlik Xidməti məlumat yaydı
Çavuşoğlu və Lavrov Qarabağdakı son durumu müzakirə etdilər
Şuşa, arxiv şəkli

Qarabağ icmasından cəbhədəki vəziyyətlə bağlı bəyanat

0
(Yenilənib 14:11 27.09.2020)
Hazırda bütün cəbhə boyu davam edən döyüşlərə görə bütün məsuliyyət təcavüzkar Ermənistanın hərbi-siyasi rəhbərliyinin üzərinə düşür

Eldar Tanrıverdiyev, Sputnik Azərbaycan

BAKI, 27 sentyabr — Sputnik. Azərbaycan Respublikasının Dağlıq Qarabağ bölgəsinin azərbaycanlı icması Ermənistanın cəbhə xətti boyu etdiyi sonuncu hücumlarla bağlı bəyanat yayıb.

Sputnik Azərbaycan-a daxil olan bəyanatda deyilir:

"Bu gün, 27 sentyabr 2020-ci il tarixində, səhər saatlarında təcavüzkar Ermənistanın silahlı qüvvələri bütün cəbhə xətti boyu ordumuzun mövqelərinə və yaşayış məntəqələrinə hücum etmişdir.

Biz, işğalın və etnik təmizləmənin qurbanı olan Azərbaycan Respublikasının Dağlıq Qarabağ bölgəsinin azərbaycanlı icması olaraq Ermənistanın bu hücumunu və törətməkdə davam etdiyi müharibə cinayətlərini ən kəskin formada pisləyirik. Biz, təcavüzkar Ermənistan qoşunlarının bütün işğal etdiyi ərazilərimizdən dərhal çıxarılmasını tələb edirik. Yetər 30 ildir gözlədik, artıq evlərimizə qayıtmaq istəyirik.

Keçən illər göstərdi ki, təcavüzkar Ermənistan, BMT-nin Təhlükəsizlik Şurasının qətnamələrini və digər beynəlxalq təşkilatların sənədlərini ayaq altına ataraq, tapdalanmış hüquqlarımızın bərpasına imkan vermədi.

Hazırda bütün cəbhə boyu davam edən döyüşlərə görə bütün məsuliyyət təcavüzkar Ermənistanın hərbi-siyasi rəhbərliyinin üzərinə düşür.

Ermənistanın bu növbəti hücumu nəticəsində şəhid olmuş hərbçilərimiz və mülki vətəndaşlarımıza Allahdan rəhmət diləyirik və onların ailələrinə başsağlığı veririk".

0
Teqlər:
cəbhə, münaqişə, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Cəbhədə yaralanan vətəndaşlarımızın adları açıqlandı
Səfərbərlik Xidməti məlumat yaydı
Çavuşoğlu və Lavrov Qarabağdakı son durumu müzakirə etdilər
Ermənistanda hərbi vəziyyət və səfərbərlik elan edildi
İlham Əliyev Təhlükəsizlik Şurasının iclasını keçirib