İvanka Trump

Prezident qızına məxfi sənədlərə giriş səlahiyyəti verdi

134
(Yenilənib 19:11 21.03.2017)
Donald Tramp qızını Ağ Evə yerləşdirdi

BAKI, 21 mart — Sputnik. Ağ Evdə ABŞ prezidenti Donald Trampın böyük qızı İvankanın iş otağı olacaq. Lakin prezidentin 35 yaşlı qızı onun administrasiyasında hansısa vəzifəni tutmayacaq.

Politico nəşrinin İvanka Trampın vəkili Ceymi Qorelikə (Jamie Gorelick) istinadən yaydığı məlumata görə, məxfi materiallara girişi olan prezident qızı faktiki olaraq Donald Trampın müşaviri səlahiyyətlərini icra edəcək. Onun başlıca vəzifəsi atasının "gözü və qulaqları" olmaqdır.

Xəbərə görə, İvankanın kabineti Oval otaq tərəfdə, Ağ Evin qərb hissəsində yerləşəcək.
Donald Trampın dünya liderləri ilə görüşündə iştirak edən İvanka, o cümlədən Kanadanın baş naziri Castin Trudo (Justin Trudeau) və Almaniya kansleri Angela Markellə danışıqlarda da iştirak edib.


İvankanın vəkilinin sözlərinə görə, prezident qızının Ağ Evdə olması qohumbazlıqla mübarizəyə yönəlmiş Amerika qanunvericiliynə zidd deyil.
Cünki məvacib almayan İvankanın hansısa rəsmi vəzifəsi yoxdur və o, sadəcə könüllü olaraq müşavir səlahiyyətlərini yerinə yetirəcək.

Bir qədər əvvəl Trampın qızının həyat yoldaşı Cared Kuşneri (Jared Kushner) Ağ evdə baş müşavir vəzifəsinə təyin etməsi rezonans doğurmuşdu.
Tənqidçilər Kuşnerin diplomatik təcrübəsi olmadığını vurğulamışdılar.
Tramp kimi onun kürəkəni də böyük iş adamıdır. Daşınmaz əmlak imperiyası ona atası Çarlz Kuşnerdən miras qalıb.
Deyilənlərə görə, Tramp kürəkəninin fikirləri ilə hesablaşır.

Kuşner Trampın seçkiqabağı kampaniyası zamanı internet-strategiyalarına rəhbərlik edərək yüksək rütbəli əməkdaşların işə cəlb olunması məsələləri ilə məşğul olub.
Kuşneri baş müşavir təyin edən Tramp İsrail və Fələstin münaqişəsinin həlli istiqamətində danışıqların aparılmasını kürəkəninə tapşırıb.

Trampın sözlərinə görə, yəhudi ailəsində böyüyən Kuşner bu regionu və insanları yaxşı tanıyır.

134
Teqlər:
Çarlz Kuşner, Jared Kushner, Jamie Gorelick, Castin Trudo, Cared Kuşner, Almaniya kansleri Angela Merkel, İvanka Tramp, ABŞ prezidenti Donald Tramp, ABŞ
Əlaqədar
Prezident Tramp olsa da, ABŞ-ı yəhudi biznesmen idarə edəcək
Trampın Bakıda biznes quran qızı iddialara cavab verdi
Tramp ailəsinin geyim-keçiminə türk modelyerin nəzarət etdiyi üzə çıxdı
ABŞ hərbçiləri Əfqənistanda

Çin ABŞ qoşunlarının Əfqanıstandan çıxarılmasına qarşıdır

4
(Yenilənib 21:07 16.05.2021)
Faktiki olaraq isə qoşunların çıxarılmasına hələ aprel ayında başlanıb. Ağ Evin rəhbəri Co Bayden bunu ABŞ və Avropa qüvvələrinin Əfqanıstanda dayanıqlı hökuməti nə qurmağa, nə da onu dəstəkləməyə qadir olmaması ilə izah edib.

 

BAKI, 16 may — Sputnik. Çin Xalq Respublikasının xarici işlər naziri Van İ pakistanlı həmkarı Mahmud Qureyşi ilə telefon danışığında ABŞ qoşunlarının Əfqanıstandan çıxarılmasına qarşı tənqidi fikirlər səsləndirib. Sputnik Azərbaycan Rusiya mediasına istinadən xəbər verir ki, çinli nazir Amerika qoşunlarının tez-tələsik çıxarılmasını Əfqanıstanda barışıq prosesinə ciddi zərbə adlandıraraq regionda sabitlik barədə neqativ fikirlərini dilə gətirib.

VAN İ bildirib ki, rəsmi Pekin yaranmış vəziyyətdə BMT-nin "vacib rol oynayacağına", Şanxay Əməkdaşlıq Təşkilatı üzvü olan ölkələrin isə Əfqanıstandakı vəziyyətin qaydaya salınmasına ciddi diqqət yetirəcəyinə ümid etdiyini bildirib.

"Əfqanıstanla qonşu ölkələr qarşılıqlı fəaliyyəti gücləndirməli, bir cəbhə kimi hərəkət etməli və əlaqələndirilmiş addımlar atmalıdırlar", - deyə nazir bildirib.

Çin xarici siyasət idarəsinin rəhbəri həmçinin İslamabadın Əfqanıstanda sülhün əldə olunması istiqamətində addımlarını yüksək qiymətləndirdiyini və Pakistanın ənənəvi olaraq Əfqanıstanla bağlı proseslərdə vacib nüfuza malik olduğunu deyib.

Xatırladaq ki, mayın 8-də ABŞ-ın NATO üzrə müttəfiqləri Əfqanıstandan qoşunların çıxarılmasını ləngitməyi və alyansın digər üzvlərinə bu ölkədən çıxmaq üçün daha çox vaxt verilməsini israrla xahiş ediblər. Bəzi ölkələr Əfqanıstandan qüvvələrini vaxtında çıxara bilməyəcəklərini və buna görə də amerikalı hərbçiləri iyulun 4-dən sonra da Əfqanıstanda saxlamağı xahiş ediblər.

Qeyd edək ki, ABŞ və NATO qoşunlarının Əfqanıstandan çıxarılmasına rəsmən mayın 1-də başlanıb və sentyabrın 11-nə qədər davam etməlidir. Faktiki olaraq isə qoşunların çıxarılması hələ aprel ayında başlanıb. Ağ Evin rəhbəri Co Bayden bunu ABŞ və Avropa qüvvələrinin Əfqanıstanda dayanıqlı hökuməti nə qurmağa, nə da onu dəstəkləməyə qadir olmaması ilə izah edib.

Eləcə də oxuyun: 

ABŞ Əfqanıstandan çıxardığı əsgərləri harada yerləşdirəcək?

WSJ: Avropa ABŞ-dan Əfqanıstandan qoşunların çıxarılmasını ləngitməyi xahiş edir

* Hərbi ekspert Baydenin qərarı barədə: "Bakı Vaşinqtona hava-su kimi lazımdır"

 

4
Teqlər:
qoşunlar, Çin, ABŞ, Pakistan, Əfqanıstan
İsraildə təcili yardım maşını, arxiv şəkli

İsraildə faciə üstünə faciə: onlarla adam sinaqoqda xəsarət aldı - VİDEO

10
(Yenilənib 21:17 16.05.2021)
Xatırladaq ki, bu yaxınlarda, aprelin 30-da Meron dağı yaxınlığında keçirilən Laq Ba-Omer dini mərasimi zamanı yaranan izdihamda 44 nəfər həlak olmuşdu.

BAKI, 16 may - Sputnik. İsrailin Givat-Zeev yaşayış məntəqəsində sinaqoqun tribunası çöküb, xeyli adam yaralanıb.

Sputnik Azərbaycan RİA Novosti-yə istinadən bildirir ki, bu barədə Magen David Adom təcili tibbi yardım xidmətinin işçiləri məlumat veriblər.

"19:14-də Qüdsün bir rayonundakı sinaqoqda onlarla adamın olduğu tribunanın çökməsi barədə Təcili Yardım xidmətinə məlumat daxil olub", - tibb işçiləri deyiblər

KAH dövlət telekanalı bildirib ki, xəsarət almış 60 nəfərə tibbi yardım göstərilir, onlardan onunun vəziyyəti ağırdır.

Xatırladaq ki, bu yaxınlarda, aprelin 30-da Meron dağı yaxınlığında keçirilən Laq Ba-Omer dini mərasimi zamanı yaranan izdihamda 44 nəfər həlak olmuşdu.

Eləcə də oxuyun: 

*Rəsmi Bakı İsrailə başsağlığı verdi

İsrail HƏMAS üzvlərinin evlərinə zərbələr endirdi

*Papa nəhayət Fələstin-İsrail qarşıdurmasına münasibət bildirdi

 

 

10
Teqlər:
video, yaralılar, sinaqoq, faciə, İsrail