BAKI, 17 mart – Sputnik. “Biz Türkiyənin Suriyada oynadığı rolu görürük və bunu alqışlayırıq”. Sputnik Azərbaycan Timeturk-ə istinadən xəbər verir ki, bunu Rusiya prezidenti Vladimir Putin Türkiyənin bu ölkədəki yeni səfiri Hüseyn Diriözün etimadnaməsini qəbul edərkən deyib.
“Türkiyə ilə münasibətlərimiz sürətli şəkildə normallaşır. Türkiyə prezidenti Rəcəb Tayyib Ərdoğanla 10 martda bir xeyli uğurlu danışıqlar apardıq. Onunla görüşümüzdə “Türk axını” və “Akkuyu” atom elektrik stansiyası kimi iri enerji layihələrinin reallaşdırılması üzərində xüsusilə dayandıq” – deyə Putin əlavə edib.
